පහුගිය දවසක ඇදුණු පොඩි කතා බහකට පස්සෙයි… මට හිතුණෙ මේක හොයල බලන්න ඕන කියලා.
ඉතින්… ඔන්න බලන්නකො මම හොයාගත්තු තැන් ටික.
මේවයෙ ඔරිජිනල් ම වගේ පැස්ටා තියෙනව ඈ…!
1. Tanki Tanki
නොම්මර එකේ ස්පැගටි බොලොග්නීස් එකක් කන්න, යන්න දෙල්කඳට. රු. 850යි වෙන්නෙත්. හැබැයී… මරු ආ… මින්ස්ඩ් චිකන් මදි නොකියන්න දාලා. බ්ලැක් ඔලිව් උඩින් උඩින්… මොසරැල්ලා හොඳහැටියට, පාමෙසාන් ටිකකුත් දාලා, ආයෙ කටට ළං කරද්දි… සුවඳට පිස්සු හැදෙන්නෙ.
2. Kaffeine By RE.PUB.LK
යමු එකේ ඉටැලීයන් ස්පෙෂලිස්ට්… විශ්වි සහ රවි. ඔන්න ඔහොමයි මෙයාලගෙ පැස්ටා එක ගැන කියලා තිබ්බෙ
“මම පැස්ටා කන්න රුසියා නිසා ගත්තේ Chicken Penne With Pink Sauce (රු. 900). ෂැහ්! කන කටක් කටක් ගාණේ චිකන් හැපෙනවා… ඇති පදමට. ඒකෙ සෝස් එකත් සුපිරියටම හදලා. මාර ම චීසි. ඒ වගේම හීන් ටැඟී රහකුත් තිබුණා. පැස්ටා ටිකත් හොඳ ගානට තැම්බිලා නිසා ඉතින්…”
3. Cafe Rafaella
තිඹිරිගස්යාය පාරෙ තියෙන තරු පන්තියෙ ඉටැලියන් රෙස්ටුරන්ට් එකක්. ම්… මෙතන සියළුම කෑමවල ගණන් නම් ටිකක් වැඩියි. කොහොමවුණත්… බලන්නකො අපේ ස්පෙෂලිස්ට් මේ තැන ගැන කියපු දේ…
“මේ තරු පන්තියෙ කාබොනාරා එක (රු. 1100) ගොඩක් දුරට ළඟපාත තියෙන හොඳම එක වෙන්න පුළුවන්. මොකද ඒකට පාවිච්චි කරලා තිබ්බෙ හීනි, අල් ඩෙන්ටේ ස්පැගටි සහ ක්රීම් චීස්. ඒ හැරුණාම පදමට කුක් කරපු බේකන් තීරුත් තොගයකුත් තිබ්බා. ඒ නිසාම රස අතින් අනූනයි.
එතකොට… පැස්ටා මරිනාරා! ඒකත් ටොප් ම කොලිටියෙන්. රස වෑහෙන මරිනාරා සෝස් නූලට ම දාලා, හර්බ්ස් එක්ක, පොඩි පොඩි ඉස්සො කෑලි, කටට රහට දැල්ලො කෑලි… පිරෙන්න හොඳද. හැබැයි ඉතින් ගාණ නම් රු.1400ක්.
4. Brew Lounge
කොළඹ 7 රොස්මෙඩ් ප්ලේස් එකේ…
“මෙයාලගෙ ස්පයිසි ඉස්සො පැස්ටා එක රු. 1100යි. හොඳහැටි වයිට් සෝස්වල පොඟවපු පැස්ටා තොගයක්. මිරිස් කරල්, පාමෙසාන් චීස්… උඩින් අතුරලා. ග්රෙවි ගතියත් එක්ක, තම්බපු ඉස්සො මික්ස්වෙච්ච අල් ඩෙන්ටේ පැස්ටාවලට ක්රීම් චීස් පදම ගැළපුනාම පුදුම රසක් තියෙන්නෙ. ඒ විතරක් නෙවෙයි මිරිස් කරල්, කුළුබඩු අඩුමකුඩුමත් තිතට එකතු කරලා නිසා… ඩිෂ් එක නම් ටොපේ ටොප්!
5. The Coffee Manor
ඩී. එස්. එක පේන මානයෙ පිහිටපු තරු පන්තියෙ තවත්, ඉටැලියන් කෑම හොඳහැටි තියෙන කැෆේ එකක්.
“ස්පයිසි ඉස්සො පැස්ටා… රු. 1350යි, වගේම නමේ හැටියට ම කෑමත්! මේක පෙනේ පැස්ටාවලින් වගේම ස්පැගටිවලිනුත් ගන්න පුළුවන්. හැබැයි ඒ කොහොම ගත්තත් ක්රීම් චීස් නම් අඩු නැතිව එකතු වෙනවා. ඒ හැරුණාම… හොඳහැටි මිරිස්, කුළුබඩු… පොඩියට කපපු රතු මිරිස් කෑලි පවා. අනික ඩිෂ් එකේ ග්රෙවි ගතියත් වැඩියිනෙ. හිතන්නකො ඉතින් ඒ විදියට හැදිලා පෑන් ෆ්රයි කරපු ඉස්සොත් මදි නොකියන්න එකතු කරලා තියෙද්දි?”
