Artwork for PMF Negombo shoutout top banner 1
Artwork for PMF Negombo shoutout top banner 2
Artwork for Shiwu Chinese - sidebar banner 1 Artwork for Coffee post sidebar 1

සුපිරි බයිට් එකක්! අතේ තියෙන ගාණට අඩියක් ගහන්න කියාපු තැන් 10ක්

සුප්ප බයිට්, ඩයට් ටිකක් එක්ක කැමති කැමති…

Posted by

පඩි, බෝනස් එහෙමත් ආපු එකේ නරකද සතිඅන්තය අල්ලල යාළුවොත් එක්ක පොඩ්ඩක් සෙට් වුණානම්. අනික හැමදාමත් කියල නෑනෙ, අවුරුද්දකට සැරයයිනෙ. හිතේ තියෙන ප්‍රශ්න කරදර වගේ ම සතුටු, සුබ දේවල් කතා කරන්න, නැත්නම් ඉස්සරහට කරන්න ඉන්න දෙයක් ප්ලෑන් කරන්න, එහෙමත් නැත්නම් ඔක්කොම පැත්තකින් තියල, සිංදුවක් හරි කියල විනෝද වෙන්න...

වැඩේ කියන්නෙ ඒකටත් හරියන ම තැනක් හොයා ගන්න එපැයි. සමහරු ඉන්නව බුකින්ග් දාලා පිළිවෙළට වාඩි වෙන්න කැමති. තවත් සමහරු ඉන්නව ගිහිල්ල, තැන බලල හිතට සෙට් නම් විතරක් වාඩි වෙන්න කැමති. ඔය අතරට තවත් සමහරු ඉන්නවා... ජාති ටික තියෙනව නම් ඉතින් ඕන තැනක් කියල සෙට් වෙන්න ම බලාගෙන ඉන්න.

අන්න ඒ නිසයි අපි කල්පනා කළේ කාට කාටත්, හිතේ හැටියට තැනක් හොයා ගන්න කියල, සුප්ප බයිට්, ඩයට් ටිකක් එක්ක කැමති කැමති ජාතිවලින් උගුරක් දෙකක් තොල ගාන්න කියාපු තැන් ටිකක් ඔයාලට කියන්න. එතකොට පොඩි අඩියෙ ඉඳන් වීඅයිපී. ගැහිල්ලක් ගහන අය වෙනකම් ම අවුලක් නෑනෙ.

1. Exchange Pub, Black Pork with Roast Paan

අමුතුයි නේ. හැබැයි සුපිරි ම ඈ… මදි නොකියන්න ගොරක, තුනපහ දාලා හදපු ටොප් පෝක් එකක්. සැර ගතියත් හොඳ හැටියට තියෙනව. රම්පෙ කරපිංච වගේම, ගොරක සියඹලවලිනුත් අඩුවක් නෑ. ඊටත් අමුමිරිස් එහෙම…

අනික දැක්කාම කටට කෙළ උනන ගානයිනෙ. අර වැඩේ තියෙන්නෙ පෝක් කෑලි, තුනපහවල පදම් වෙච්ච ගතිය පොඩ්ඩක් මදි එක තමයි. ඒත් මැටි ඇතිලියෙ උණු උණුවෙ එනකොට.. ඒ අඩුවත් කොහෙන් ගියාද නෑ. අනික රෝස්ට් පාන් එක්ක නිසා බයිට්, ඩයට් දෙකමත් කවර්නෙ. බියර්වලටත් කියාපු බයිට් එක!

2. The Irish, Spicy Chicken Wings

ලා පැණි රසක් එක්ක තද සැරක්, සැර ජාතිවලට කියාපු බයිට් එකක්. ඇත්තටම චිකන් වින්ග්ස්වලින් හදන සුපිරි ම බයිට් එකක් තමයි මෙයාලගෙ මේ, ස්පයිසි චිකන්. සමහරෙක්ට හිතෙන්න පුළුවන් බාග වෙලාවට මේකෙ සෝස් එහෙම ටිකක් වැඩියි කියල. ඒත් දවටල බැදල, කොරියන් බාබක්‍යු සෝස්වල පදම් කරල නිසා… කන්න කන්න ආසාවෙ බෑ!

3. The Keg, Fried Mushroom

බැටර්ඩ් කරල බදිනව වගේද පදම් කරල විතරක් බදිද්දි. ඒක නම් වෙනමම රසක්. හැබැයි ලුණු ඇඹුල්, මිරිස් ගම්මිරිස් පදමෙ ඉඳන් ක්‍රිස්පි ගතිය වෙනකම්ම අඩුවක් නෑ. හිතාගන්න බැරි ඒකට දාපු ලූනු කොළ, තක්කාලි ටිකෙන් විතරක් කොහොමද එච්චර ගැම්මක් ගත්තෙ කියල. කොහොම වුණත් ඒක, කූල් බීර වීදුරුවකට නම් පංකාදුයි ඈ...

4. Randoli, Hot Butter Cuttlefish

කොළඹ තියෙන හොඳම හොට් බටර් කට්ල්ෆිෂ්වලින් එකක් කිව්වොත් හරි. මොකද පෝෂන් එකත් ලොකුයි. අරගෙන තියෙන දැල්ලොත් ෆුල් ෆ්‍රෙෂ්. අනික රස වෑහෙන බැටර්ඩ් එකක දවටලනෙ පදමට බැදල තියෙන්නෙ. ඒකත් නිකම් නෙවෙයි, ලුණු, මිරිස්, ගම්මිරිස් පදමත් හොඳ හැටියට තියෙන්න.. කට්ල්ෆිෂ් තොගේට ලූනු, ලූනු කොළ, කෑලි මිරිස් එහෙමත් උඩින් දාලා ලෙසට ම ගලපල..

කොටින්ම කියතොත් මේකත්, කූල් බීර වීදුරුවකට නම්...

5. The Cabinet, Pepper Pork

ගම්මිරිස් ටිකක් වැඩි වුණාට, නරක ම නෑ. හැබැයි පෝක් රස කැපෙන්න අනිවා සැර ජාතියක් ඕන. මොකද මෙයාලගෙ පෙපර් පෝක් එකේ පෝක් රසනෙ වැඩිම. ඒ හැරුණාම මොනවදෝ සෝස් රසකුයි, ලුණු, මිරිස් පදමකුයිත් තියෙනව. ප්‍රශ්නෙ කියන්නෙ...

අනේ මන්දා, මගේ නම් ඒ හැටි කැමැත්තත් නෑ අප්ප!

6. Next Inning, Mutton Roll

වෙනස් බයිට් එකක් වුණාට සුපරිම ආයෙ! ඕන ජාතියකට ලෙසටම සෙට් වෙනව. විශේෂයෙන්ම රෝල් එකේ දැවටුමයි, ක්‍රිස්පි ගතියයි එහෙම හොඳටම තියෙනවනෙ. ඒ වගේ ම තමයි පිරවුමත්. රියල් ම මට්න්.. කරි රසයි, කෑලියි දෙකම හොඳ හැටි තියෙන්න, අල, ලූනු, කැරට්, ලීක්ස් එක්ක... ආයෙ මිරිස්, ගම්මිරිස් පදමත් නූලටම හොඳේ. සෝස් ටිකක් ගාගත්තාම බයිට් එකට විතරක් නෙවෙයි, ඩයට් එකට වුණත්!

7. Ask for Fren, Serai Chicken

මේක හදන්නෙ තනි චිකන් වින්ග් එකකින්. හැබැයි නිකම් නෙවෙයි, මොනවදෝ කරි පවුඩර් මිශ්‍රණයක පදම් කරල, දවටල බැදල, ළා පැණිරසක් තියෙන සෝස් එකක එහෙමත් ගිල්ලල… ෂැහ්! බලන්න එපැයි මේසෙට ආවට පස්සෙ, රසයි සැරයි දෙකම නූලට නිසා සැර ජාතියකටත් කියාපුම.

8. The RE.PUB.LK, Pan Fried Prawns

කොහොමද අලුත්ම අළුත් ඉස්සො ටිකක් පොඩ්ඩ කර වෙන්න පෑන් ෆ්‍රයි කරල, චිලි සෝසුයි, ළා පැණිරසක් තියෙන සෝස් ටිකකුයි එක්ක දාලා ගත්තම? බයිට් එකට ඉතින්… වෙන මොනවත් නතින්ග්!

9. Honey Beach Club, Salt & Pepper Baby Calamari

ලුණු මිරිස් එක්ක සැර ගතියත් හොඳ හැටි තියෙන්න! ඒ විතරක් නෙවෙයි, ක්‍රිස්පි ගතිය.. කොටින්ම කියතොත් දැල්ලො කියල හොයන්නවත් බැරි ගානයි. ඊටත් ඒ සෝස් එකක් දීලා තිබ්බා... ඒකෙ ගාලා ගත්තාම ඕන සැරකට ඔට්ටුයි ඉතින්.

10. Machang, Wok Kottu

චිකන්, පෝක්, සීෆුඩ් වගේම මික්ස්වලින් වුණත්..

සුපිරියටම ගහපු තාච්චි කොත්තුවක්. වැඩේ කියන්නෙ අඩුවක් කියන්න නෑ, කැරට්, ලීක්ස්, මාළු මිරිස්, මිරිස්, ගම්මිරිස් පවා ගානට තියෙනව. ඒ විතරක් නෙවෙයි, මොකක්දෝ සෝස් වර්ගයකුත් දානව රස ඩබල් ත්‍රිබල් වෙන්න. අනික කොත්තුවෙ සයිස් එකත් ලොකුයිනෙ. මස්ද මාළුද නෑ පොඩි පොඩි කෑලි කපල බැදල දාලා එහෙම…

කූල් බියර් වීදුරුවකට වගේ නම් කියාපු ම!

ඒ හැරුණාම ඉතින් තවත් තැන් හෝසෙට. ඒත් එක පාර කියන්න බෑනෙ. කොහොමහරි හොඳම ටික එළියට දැම්ම ඔන්න. ළඟදිම තව ටිකක් කියන්නම්, එතකන් මේ ටිකට සෙට්වෙන්න,

හොඳේ!

Leave a comment
Last 7 Days

Trending Today