Artwork for PickMe Flash top banner 2 - August 2020
Artwork for Coke with food - top banner
Artwork for amex sidebar banner - temp Artwork for Excel restaurants sidebar banner 2 temp

දුටුවන් නෙත් පිනවන.. ලෝකේ අලංකාර ම අවන්හල් 8ක්

වටපිට ලස්සන බල බල කෑමබීම රස විඳින්න

Posted by

අවන්හලකට, නැත්තං රෙස්ටොරන්ට් එකකට යද්දි ඕන ම කෙනෙක් සලකලා බලන දේවල් කීපයක් තියනව නේ. කෑමබීම කොහොමද, මෙනු එක මොන වගේ ද, ගණන් හිලව් කොහොමද, සර්විස් එක හිතට අල්ලනවද.. ඔය වගේ දේවල්. ඒ අතරෙ තියන වැදගත් ම කාරණයක් තමයි අවන්හලේ පෙනුම සහ ස්වභාවය මොන වගේ ද කියන එක. ඉංග්‍රීසියෙන් Ambience කියල අඳුන්වන්නේ ඔන්න ඕක. ඒක නිර්මාණය වෙන්නේ ඉන්ටීරියර් ඩිසයින් එක අනුව.

අපි ආස ම කනබොන තැන් අපේ හිතේ රැඳෙන්න ඔන්න ඔය කියන ඉන්ටීරියර් ඩිසයින් එක වැදගත්. අපිට රෙස්ටොරන්ට් එක ඇතුළට ගියාම දැනෙන්නේ මොන වගේ ෆීලිං එකක් ද, ඇතුළේ ඉඳන් එළිය බැලුවම පේන්නේ මොනවද, රෙස්ටොරන්ට් එක සුවපහසුයි ද, නිදහස් ද, කලබලකාරී ගතිය අඩුයි ද.. මේ වගේ දේවල් තීරණය වෙන්න එතන පෙනුම සහ ස්වභාවය බලපානවා.

මේ පහළ තියන අවන්හල්, අපි මේ කියන ඉසව්වෙන් ලෝක මට්ටමින් ඉහළ ම තලයේ ඉන්න තැන් 8ක්. ඒ කියන්නේ මේවා ලෝකේ ලස්සන ම රෙස්ටොරන්ට්ස් විදිහට පිළිගැනීමට ලක් වුණු තැන්..

Sirocco, තායිලන්තය

තායිලන්තයේ බැංකොක් නුවර තියන Sirocco රෙස්ටොරන්ට් එක මේ. Lebua බැංකොක් කියන තරු පහේ හෝටලේ 63 වෙනි තට්ටුවේ පිහිටලා තියෙන්නේ. ඉතින් උඩට ගියාම තියන වීව් එක ගැන අමුතුවෙන් කියන්න ඕන නෑනේ. ඒ නිසා ම සංචාරකයො එහෙම වැල නොකැඩී මේ අවන්හලට ඇදිල එනවා. ඔය හින්දා මේකට යනව නං සති කීපයකට කලින් ටේබල් එකක් රිසර්ව් කරන්න සිද්ධ වෙනවා.

Grotta Palazzese, ඉතාලිය

හුණුගල් ලෙනක අභ්‍යන්තරය වෙනස් කරලා හදලා තියන මේ අවන්හල තියෙන්නේ ඉතාලියේ. ඇතුළ සරසලා තියෙන්නේ මඳ ආලෝකයකින් විතරයි. ලෝකේ රෝමාන්තික ම රෙස්ටොරන්ට් එකක් විදිහටත් මෙතන හඳුන්වනවා. ඉතින් මුහුද දිහා බලාගෙන රස කෑම වේලක් රසවිඳලා අපූරු අත්දැකීමක් ලබන්න පුළුවන්.

Ithaa Undersea Restaurant, මාලදිවයින

නමේ හැටියට ම මේක තියෙන්නේ මුහුද යට. ඒ කියන්නේ මුහුදු මට්ටමට අඩි 16ක් යට ඉඳන් ඔළුවට උඩින් මුහුද යට ජීවය දිහා බලාගෙන ආහාර වේලක් රස විඳින්න මෙතනට ගියොත් පුළුවන්.

Restaurant Lasserre, ප්‍රංශය

ලෝකේ රෝමාන්තික ම නගරේ විදිහට ප්‍රසිද්ධ ප්‍රංශයේ පැරිස් නුවර, එක එක ජාතියේ ලස්සන අවන්හල් අතිවිශාල ප්‍රමාණයක් තියනවා. ඒ  අතරින් මේ අවන්හල විශේෂ වෙන්නේ මේකේ තියන රිච් ලුක් එක නිසා කියලයි සංචාරකයන් කියන්නේ.

Westlight, ඇමරිකා එක්සත් ජනපදය

නිව්යෝක් නුවර බ්රූක්ලින්වල පිහිටලා තියන මේ රෙස්ටොරන්ට් එක කොක්ටේල් බාර් එකක් විදිහටත් ප්‍රකටයි. පේනව නේ ඉන්න සෙනඟ. හැන්දෑ වරුවක මෙතනට ගියාම ඈතින් පේන මෑන්හැටන් නගරය මායිමෙන් ඉර බහින ලස්සන දසුන දැකගන්න පුළුවන්.

Sheesh Mahal, ඉන්දියාව

ශීෂ් මහල් තියෙන්නේ අපේ අල්ලපු රටේ උඩයිපූර්වල. මේක නිර්මාණය කරලා තියෙන්නේ Pichola වැවට මායිම් වෙන්න. ඒ වගේ ම අවකාශයට විවෘත වෙලා තියන නිසා තරු පිරුණ අහස දිහා බලාගෙන නිස්කාන්සුවේ රාත්‍රී ආහාර වේලක් රස විඳින්න පුළුවන්.

Mozaic, ඉන්දුනීසියාව

ඉන්දුනීසියාවේ බාලි දූපත් කියන්නේ සංචාරකයන්ගේ නිරන්තර ආකර්ෂණය දිනාගන්න තැනක් නේ. මේ කියන මොසයික් අවන්හල තියෙන්නෙත් බාලි දූපත්වල. මේක තනිකර ම උද්‍යානයක් වගේ. ඒ විතරක් නෙවෙයි, ඉස්තරම් ම වයින් සහ ඉහළ ම මට්ටමේ ආහාරපාන තමයි මෙයාල සර්ව් කරන්නේ.

Agrikol, කැනඩාව

රෝලන්ඩ් ෂෝන් කියන චිත්‍ර ශිල්පියා සම හිමිකාරිත්වය දරන මේ රෙස්ටොරන්ට් එක කැනඩාවේ කියුබෙක් පළාතේ මොන්ට්‍රියල් නගරයේ තමයි පිහිටා තියෙන්නේ. මේක නිර්මාණය වෙලා තියන ෆ්‍රෙන්ච් - කැරිබියන් පෙනුම, වර්ණවත් බව සහ ස්ටයිලිෂ් ගතිය නිසා මේකට බොහෝ දෙනා ඇදී එනවා.

Leave a comment