මේ චිත්‍රපටි 9 ලංකාවේ රූපගත වුණු බව දැනගෙන හිටියද?.

“ඉන්දියන් සාගරයේ (අ)මුතු ඇටය” විදියට සැලකෙන ලංකාව, බොහොම පුංචි දූපතක් වග අපි ඉගෙනගන්නේ බාලාංශ පන්තියේ ඉද්දීමයි. පොඩි දූපතක් වුණත්, ලස්සන මුහුදු තීරය, විවිධ බෝග වගාවන්, ජෛව විවිධත්වය, පුරාණ නටබුන්, සිනමාව වගේ හේතු ගොඩක් නිසා විදේශිකයන් අතරේ ලංකාව ගොඩක් ප්‍රසිද්ධයි.

හැබැයි වර්තමාන ලංකාවේ සිනමා කර්මාන්තය ගැන හිතද්දි නම් දැන් තනි ඇහැට ඇඩෙන සයිස්. ඇත්තටම රසවිඳින්න පුළුවන් චිත්‍රපට බිහිවීම අඩුයි වගේ ම, ඉස්සර වගේ දක්ෂ නළු නිළියනුත් මේ පරම්පරාවේ අඩු බවකුයි පේන්න තියෙන්නේ. ඒත් ලංකාවේ තියෙන විවිධ දේශගුණික පාරිසරික තත්ත්ව නිසා, සිනමා නිර්මාණයට ගැලපෙන අපූරු පරිසරයක් මෙහෙ තියෙන වග නම් සැකයක් නැතුව ම කියන්න පුළුවන්.

අපි අද මේ කියන්න යන්නෙත්, පිටරටින් ඇවිදින් ලංකාවේ ඉඳගෙන නිර්මාණය කරපු ජාත්‍යන්තර චිත්‍රපට කීපයක් ගැන. සම්පූර්ණයෙන් ම ලංකාවේ රූගත වුණු වගේ ම, සමහර දර්ශනවලට ලංකාව යොදාගැනුණු වෙලාවල් මේ අතරේ තියෙනවා.

1. The Bridge on the River Kwai

මේ චිත්‍රපටිය බිහිවුණේ 1957දී. ඒකට පසුබිම් වුණේ 1952 අවුරුද්දේදී පියේ බෝව්ල් ලියපු “Le Pont de la Rivière Kwai” පොතයි.

මේ චිත්‍රපටයේ රූගත කිරීම් ලෑස්ති කරලා තිබුණේ තායිලන්තයේයි. හැබැයි ඒකෙ දර්ශන බොහොමයක් ලංකාවේ කිතුල්ගල ප්‍රදේශයේත් පටිගත වුණා. සිනමාපටයේ එක්තරා අවස්ථාවක, බුරුමයේ ජපන් ජාතිකයින් යුද වැදෙන හැටිත්, ඉන්පස්සේ බ්‍රිතාන්‍ය ජාතික සිරකරුවන් පාලමක් හරහා ගෙන යන දර්ශන කීපයකුත් පෙන්වනවා. ඒ වෙනුවෙන් පාවිච්චි වුණු ලංකාවේ පාලම අදටත් කිතුල්ගල පැත්තේ තියෙනවා දැකගන්න පුළුවන්.

2. Indiana Jones and the Temple of Doom

ස්ටීවන් ස්පිල්බර්ග් අධ්‍යක්ෂණය කරපු “ඉන්දියානා ජෝන්ස් ඇන්ඩ් ද ටෙම්පල් ඔෆ් ඩූම්” චිත්‍රපටය නිර්මාණය වුණේ 1984දී. මේක රූගත කරන්න හිටියේ ඉන්දියාවේදී. ඒත් ඉන්දියානු රජය ඒ වැඩේට අකමැති වුණා. ඔවුන් මේ චිත්‍රපට පිටපත සැලකුවේ වර්ගවාදය පෙන්නුම් කරන එකක් හැටියට. ඔන්න ඔය හිතුව නිසා, මේක ලංකාවේ රූපගතකරන්න තීරණය වුණා.

සිනමාපටයේ පෙන්වන මායාපූර් නගරය හැදුණේ හන්තාන පැත්තේ තියෙන තේ වත්තක්. අද වෙද්දී මේ තේ වත්ත ලංකාවේ තේ කෞතුකාගාරය බවට පත්වෙලා තියෙනවා. ඒ වගේ ම, චිත්‍රපටයේ ඇති පැන්කොත් මාළිගාවේ අලියන් සහිත දර්ශනවලට උපයෝගී වුණේ පින්නවල අලි අනාථාගාරයයි. මේ හැරුණා ම, වික්ටෝරියා ජලාශය ආශ්‍රිතවත් මේකේ රූගත කිරීම් සිද්ධවුණා.

3. Mother Teresa: In the Name of God's Poor

ඇල්බේනියාවේ උපත ලබලා, කතෝලික පූජකවරියක් විදියට ඉන්දියාවේ පුරවැසි බව අරගෙන, මුළු ලෝකයට ම අමිල සේවයක් කරපු තෙරේසා මව්තුමියගේ කතාන්දරය තමයි මේ චිත්‍රපටයෙන් අපට දකින්න ලැබුණේ. මේකේ දර්ශන බොහොමයක් රූගත කෙරුණේ ලංකාවේ කොළඹ සහ ඒ ආශ්‍රිත ප්‍රදේශවල. විශේෂයෙන් ම මේ වෙනුවෙන් කොළඹ මුඩුක්කු පරිසරය යොදාගැනුණා. නිම්මි හරස්ගම, වීණා ජයකොඩි, යශෝධා විමලධර්ම වගේ ලංකාවේ නළු නිළියන් රැසකුත් මේකේ රඟපෑවා.

4. Water

ඉන්දියාවේ සිද්ධවෙන ළමා විවාහවල ඇතුල්පැත්ත පෙන්වපු වෝටර්, මුල ඉඳල ම සෑහෙන්න ආන්දෝලනයකට මුහුණ දුන්නු චිත්‍රපටයක්. මේකත් ඉන්දියාවේදී රූගත කරන්න තමයි තීරණය වෙලා තිබුණේ. ඒත් හින්දු අන්තවාදීන්ගෙන් වෙච්ච කරදර නිසා, ඒ වැඩේ කරන්න වුණේ ලංකාවේදී. දීපා මේතා අධ්‍යක්ෂණය කරපු මේ සිනමාපටයේ සරලා කාරියවසම් කියන ළමා නිළියගේත්, බුද්ධි වික්‍රම, අයිරාංගනී සේරසිංහ වගේ ප්‍රවීණ නළු නිළියන්ගේත්  රංගනය අපට දැකගන්න ලැබුණා.

ඔස්කාර් ඇතුළු සම්මාන 32කට නිර්දේශ වුණු වෝටර්හි දර්ශන කීපයක් ම රූගත වුණේ මොරටුවේ බොල්ගොඩ ගඟ ආශ්‍රිත ව.

4. The Purple Plain

පර්පල් ප්ලේන් බිහිවුණේ 1954දී. “ද පර්පල් ප්ලේන්" චිත්‍රපටය හැදුණෙත් එච්.ඊ. බේට්ස් ලියපු නවකතාවක් පසුබිම් කරගෙනයි. සීගිරිය හා කොග්ගල පරණ ගුවන් තොටුපළ ආශ්‍රිත ව තමයි මේකේ රූගත කිරීම් බොහොමයක් වුණේ. චිත්‍රපටයේ දර්ශනවලට පොල් ගස් පිටින් හිටවන්නත් සිදුවෙලා තියෙනවා.

මේ චිත්‍රපටයේ ප්‍රධාන චරිතය රඟපෑවේ ඒ කාලේ ඉඳපු සුප්‍රසිද්ධ හොලිවුඩ් නළුවෙක්. ඒ ග්‍රෙගරි පෙක්. රත්මලාගේ ගුවන් තොටුපලින් ලංකාවට ගොඩබහිද්දී, ඔහුට සෑහෙන්න උණුසුම් පිළිගැනීමක් ලැබිලා තිබුණා. එදා ම රෑ සීගිරියට පිටත් වෙච්ච ග්‍රෙගරි ට, සතියක වගේ කාලයක් ඇතුළත රසික ලියුම් බර තොගයක් ලැබිලා තිබුණා. එයින් 300කටත් එහායින් ඔහුගේ ඡායාරූපයක් ඉල්ලපු ලියුම්. ගෙවල්වලට ඒමට තිබු ආරාධනාත් 150කට අධික ගණනක් මේ අතර තිබිලා. ඒ විතරක් නෙවෙයි, විවාහ යෝජනාත් කීපයක් තිබුණලු.

5. Tarzan the Ape Man

ජෝන් ඩෙරෙක් අධ්‍යක්ෂණය කරපු “ටාසන් ද ඒප් මෑන්” නිර්මාණය වුණේ 1981දී. අපි කවුරුත් දන්න හඳුනන ටාසන්ගේ චරිතය වටා ගෙතුණු මේ සිනමාපටයේ දසුන්වලට කඳුකර පැත්තක ඇති කැලෑබද ප්‍රදේශයක් උවමනා වුණා. නුවර බහිරව කන්ද හරියේ තියෙන කැලය මේ වෙනුවෙන් පාවිච්චි වුණේ ඒ නිසයි.

6. A Dangerous Life

ෆර්ඩිනැන්ඩ් මාකෝස් යටතේ පිලිපීනය පාලනය වෙච්ච කාලෙදී දැකගන්න ලැබුණු තත්ත්වය පෙන්නුම් කරන “අ ඩේන්ජරස් ලයිෆ්" සිනමාපටය තිරගත වුණේ 1988දී. මේකෙත් දර්ශන කීපයක් ලංකාවේ කොළඹ නගරයේ රූගත වුණා.

7. Elephant Walk  

විලියම් ගිල්ට්‍රේ අධ්‍යක්ෂණය කරපු “එලිෆන්ට් වෝක්” චිත්‍රපටයේ තිබුණේ  2 වන ලෝක සංග්‍රාම කාලෙදී තේ වැවීමට ලංකාවට එන වතු හිමියෙක් සහ ඔහුගේ බිරිඳ පිළිබඳ කතාවයි. මහනුවර ආශ්‍රිත තේ වතු මේ වෙනුවෙන් පාවිච්චි කෙරුණා. මේ චිත්‍රපටියේ බිරිඳගේ චරිතය  කළේ එලිසබෙත් ටේලර් නම් සුරූපී නිළියයි. ඒත් ලංකාවේ රූගත කරපු දසුන්වල ඇය හිටියේ නැහැ. ඒ වෙනුවට හිටියේ විවියන් ලේ නම් නිළියයි.

මුලින් මේකේ බිරිඳගේ චරිතය කරන්න හිටියේ විවියන් ලේ වුණත්, පස්සේ ඇයව සුව කරන්න බැරි රෝගයකට ගොදුරු වුණා. ඒ නිසා චිත්‍රපටියේ අන්තිම දසුන් සේරට ම රඟපෑවේ එලිසබෙත් ටේලර්යි.

8. Midnight's Children

මේකත් දීපා මේතාගේ අධ්‍යක්ෂණයක්. 2012දී තිරගත වුණු මිඩ්නයිට්’ස් චිල්රන් චිත්‍රපටයට පාදක වුණේ සල්මන් රුශ්දී ලියපු නවකතාවක්. ඉන්දියාවට නිදහස ලැබෙන දවසේ උපදින බිළිඳන් දෙදෙනෙකුත්, වැරදීමකින් ඒ දෙදෙනා වෙනස් පවුල් දෙකකට මාරුවෙලා යන විදියත් පෙන්වමින් තමයි මේ චිත්‍රපටිය පටන්ගන්නේ. ඉතින් ලංකාවේ කොළඹ නගරය ඇතුළු ප්‍රදේශ 65ක මේක රූගත වුණා.  

9. Bombay Velvet

රන්බීර් කපූර්, අනුෂ්කා ශර්මා, කරන් ජොහාර් එහෙම රංගනයෙන් දායක වුණු “බොම්බේ වෙල්වට්”, බොක්සිං ක්‍රීඩකයෙක් සහ ගායිකාවක් අතරේ ඇතිවෙන ප්‍රේම පලහිලව්වක් ගැන තියෙන කතාවක්. මේ සිනමාපටයෙදී ඉන්දියාවේ බොම්බේ නගරය ලංකාවේ ඉදි කරන්න කටයුතු කෙරුණා. මේකට පාවිච්චි වුණේ හම්බන්තොට රන්මිනිතැන්න ටෙලි සිනමා ගම්මානයයි. ඒ හැරුණා ම, බෙන්තොට පාලම, කොළඹ කොටුව දුම්රිය ස්ථානය, ගාලු කොටුව වගේ තැනුත් මේ වැඩේට පාවිච්චි වුණා. ලංකාවෙන් අක්කර පහක් අරගෙන හදපු මේ බොම්බේ නගරයෙන් නිරූපණය වෙන්නේ 60 දශකයේ ඉන්දියාවයි.

ලංකාවේ හැදුණු මේ වගේ චිත්‍රපට ගැන තවත් රසබර විස්තර දන්නවද? එහෙනම් යාළුවන්ට දැනගන්නත් එක්ක දාන්නකෝ කමෙන්ට් එකක්.

Share on facebook
Share on twitter
Share on whatsapp

Highlights.

Latest.

KAMU.

Iftar delights at The Banyan, Heritance Negombo

Iftar delights at The Banyan, Heritance Negombo Written by Fathima Rukaiya, Mad Dogs Bodega, Banyan

Highlights Kamu

Budget-friendly Iftar spots 2024

Written by Fathima Rukaiya, In our previous article, we highlighted some exquisite and upscale Iftar

Highlights Kamu

Iftar Buffet Round Up 2024

Written by Fathima Rukaiya As Ramadan arrives, a warm feeling of reflection and community fills

Highlights Kamu

Discovering Pasta Paradise: The Pasta Factory, Galle Fort

In the historic Galle Fort, The Pasta Factory brings a taste of Italy to Sri

Highlights Kamu

A Home for Desi Dreams – Bombay Nights by Radisson Colombo

As we stepped into the ‘Dine’ in Radisson Colombo, our senses were immediately tantalized by

Highlights Kamu

Steak Bar: A Grand Sunday Brunch at Kingsbury, Colombo

Written by Shamrina C Welcome to the ultimate brunch experience! Nestled in the heart of

Highlights Kamu Yamu Guide

Trending.

Experience the Elegance and Excitement of RTC Tourism Race Day in Nuwara Eliya

RTC Nuwara Eliya will hold its RTC Tourism Race Day on 30th March 2024 at

Trending

“85th Annual Mount Lavinia 2-Mile Sea Swim” by SLASU held at the Mount Lavinia Hotel Beach

The "85th Annual Mount Lavinia 2-Mile Sea Swim" organized by Sri Lanka Aquatic Sports Union

Trending

Sheraton Colombo Hotel celebrates International Women’s Day with empowering insights

Sheraton Colombo Hotel, part of Marriott Bonvoy’s portfolio of over 30 extraordinary brands, marked International

Trending

Anantara Kalutara Presents an Elevated Gastronomic Journey to Italy

Kalutara, Sri Lanka - March 14, 2024 - Anantara Kalutara Resort is delighted to announce

Trending

List of Party Venues 2024

By Fathima Rukaiya Finding the perfect place to host a party can be a hassle.

Highlights Trending

LCY Unveils Debut ‘LCY for Her’ Collection, Redefining Women’s Polo Wear with Strength, and Sophistication

Thursday, 14, March, 2024, Colombo: LCY, a brand synonymous with manufacturing high-quality men’s polos of

Trending

Yamu Guide.

Steak Bar: A Grand Sunday Brunch at Kingsbury, Colombo

Written by Shamrina C Welcome to the ultimate brunch experience! Nestled in the heart of

Highlights Kamu Yamu Guide

9 Special Valentine’s Day Gift Ideas for Him

By Fathima Rukaiya Are you trying to find the perfect way to show your special

Highlights Yamu Guide

9 Special Valentine’s Day Gift Ideas for Her

Written by Fathima Rukaiya The season of love is upon us once more, and opinions

Highlights Yamu Guide

Romantic Dinner and High Tea date spots for Valentine’s Day  2024

Written by Shamrina C 1. Via Torino Indulge in a fine dining exclusive 3-Course meal

Highlights Yamu Guide

BYOB Bliss: 16 Places to you can Bring Your Own Bottle!

Written by Shamrina C 1. Giovannis Indulge in Italian flavors, grooving music, pet friendly, and

Highlights Yamu Guide

Unveiling Ramada’s Festive Christmas High Tea Extravaganza!

Written by Shamrina C Mark your calendars for the 22nd, 23rd, and 24th of December,

Highlights Yamu Guide