Artwork for Coke with food - top banner
Artwork for FOOD DELIVERY DURING COVID-19 CURFEW HOURS TOP BANNER 2
Artwork for PMF essentials sbb 2

රසගුණ පිරි කෑම රෙසිපි උගන්නන ලංකාවේ යූටියුබ් චැනල් 12ක්..

යූටියුබ් එකේ තියන ලංකාවේ කුකිං චැනල්ස්

Posted by

තාක්ෂණයේ දියුණුවත් එක්ක ඉස්සර තිබුණු කුකරි පොත්වල කාර්යභාරය කාලේ තාලෙට ගැළපෙන විදිහට දැන් අන්තර්ජාලෙට ඇවිත්. කම්පියුටර් එකෙන්, ෆෝන් එකෙන්, ටැබ් එකෙන් ලේසියෙන් ම බලන්න පුළුවන් නිසා කවුරු කවුරුත් පරණ ක්‍රම අත ඇරල දැන් උයන්නෙත් ඉන්ටනෙට් එක දිහා බලාගෙන. මේ ප්‍රවණතාව නිසා ම මේ වෙද්දි යූටියුබ් එකේ කුකිං චැනල්ස් සැලකිය යුතු  ප්‍රමාණයක් බිහි වෙලා. ඉතිං දැන් කරන්න තියෙන්නෙ ලෝකෙ ඕන ම තැනක ඉඳල ෆෝන් එක දිහා බලාගෙන ලෝකෙ ඕන ම කෑමක් හදන එක…

කොහොම වුණත් මේ අතරෙ ලංකාවේ ක්‍රමයට උයන පිහන විදිහ හරිහැටි කියල දෙන යූටියුබ් චැනල් තියෙන්නෙ සීමිත ප්‍රමාණයක්. ලංකාවෙ ඉවුම් පිහුම් ක්‍රමය එදිනෙදා උයන පිහන අයට වුණත් ලේසියෙන් විනාඩි දෙකෙන් කරන්න පුළුවන් එකක් නෙමෙයි නේ, ඒක තමයි හේතුව.

මේ නිසා අපි හොයල බැලුවා, නිවැරදි විදිහට ලංකාවේ ඉවුම් පිහුම් ක්‍රම කියල දෙන යූටියුබ් චැනල් මොනවද කියල. ඒ අතරෙ උඩින් ම තියන චැනල් 12ක් ගැනයි මේ කියන්න යන්නෙ. උයන්න පිහන්න උනන්දු හැමෝම මේ අය ගැන දැනගෙන ඉන්න එක වැදගත්…

Anoma's Kitchen

අනෝමා විජේතුංග මෙහෙයවන අනෝමාස් කිචන් චැනල් එක පටන්ගත්තෙ 2016 දි විතර. ලංකාවේ නොවන කෑම පවා ලංකාවේ රසට හදන විදිහ ඇය කියල දෙනවා. රෙසිපිවලට අමතරව ඉවුම් පිහුම්වලට ආධුනික අයට මුළුතැන්ගේ උපකරණ ගැන, කුළුබඩු අඩුම කුඩුම ගැන සහ ඉවුම් පිහුම් සාර්ථක කරගන්න පුංචි පුංචි ටිප්ස් ගැන එහෙම මේ වීඩියෝස්වලින් දැනුවත් වෙන්න පුළුවන්. ඒ වගේ ම ඇය ලෝකෙ විවිධ රටවල / නගරවල දි ලැබුව අත්දැකීම් එහෙමත් මේ චැනල් එක හරහා අපි එක්ක බෙදාහදා ගන්නවා.

Apé Amma

අනෝමාස් කිචන් එක වගේ ම අපේ අම්මා චැනල් එකත් පුංචි සම්බෝලේ ඉඳන් ලොකු කරියක් වෙනකං සියලු ම දේ පියවරෙන් පියවර කියල දෙනවා. ලංකාවේ කෑම වර්ග විතරක් නෙමෙයි, ඉන්දියන්, චයිනීස්, තායි, මෙක්සිකන්, යුරෝපීය වගේ නානා විධ රෙසිපීස් හදන විදිහ මේ චැනල් එක ඔස්සේ බලාගන්න පුළුවන්.

Dishing with Dush

බෙලිසිමා එකේ සුප්‍රසිද්ධ චොක්ලට් බිස්කට් පුඩිමේ නිර්මාතෘ වෙන දුෂ් රත්නායකගේ මේ චැනල් එකත්, රට රටවලින් ආභාසය අරං ලංකාවේ විදිහට කෑම හදන විදිහ ඉගෙනගන්න හොඳ තැනක්.

Chammi Imalka

බේක් කරපු කෑම, ස්නැක්ස් සහ ඩෙසට්වලට වැඩි ඉඩක් දෙන මේ යූටියුබ් චැනල් එකෙන් ඉඳල හිටලා මේකප්, නේල් ආට් ගැන වීඩියෝසුත් දැක බලාගන්න ලැබෙනවා.

RASA UYANA

බේක් කරපු කෑම හදන්න ටිප්ස් එහෙම ඇති තරම් හොයාගන්න, රස උයන චැනල් එක බලන්න.

Aasai Rasai: Sri Lankan Recipes in English

මැල්ලුම් ද, මස්කට් ද, ෆිෂ් රෝල්ස් ද, කරි ද, පෑන්-රෝස්ට් චිකන් ද, ෆලූඩා ද… මේ ඕන එකක රස පදම තිතට උගන්නන ආසයි රසයි පැත්තෙත් වෙලාවක ගිහින් බලන්න.

Yummy Mummy

යමී මමී චැනල් එක ප්‍රමුඛස්ථානය දෙන්නෙ අතුරුපසවලට. ලාවා කේක් ද කැරමල් පුඩිං ද, මේ ඕන ඩෙසට් එකක් හදන හැටි ඉගෙනගන්න, හොඳ ම තැනක්.

GAMI RASA

දේශීයත්වයට මුල් තැන දෙමින් උයන්න පිහන්න පුරුදු වෙන අයට මරු තැනක් විදිහට මේ චැනල් එක නම් කළොත් වැරදි නෑ. මාළුපිනි, අතුරුපස වර්ග වගේ ම අවුරුදු කෑම හදන හැටිත් මේගොල්ලො කියල දෙනවා.

Village Life

ගමේ ක්‍රමේට ගමේ රසට ඉවුම් පිහුම් කරන කලාව කියල දෙන විලේජ් ලයිෆ්, ටිකක් ඈත ගමක ඉන්න පුංචි පවුලක් විසින් කරගෙන යන චැනල් එකක්. මේකේ කියල දෙන ඔක්කොම ජාති උයන්නෙ පිහන්නෙ ඒ පවුලෙ අම්මයි දුවයි එකතු වෙලා.

Recipes Sinhala

ලංකාවේ කරීස් හදන විදිහ ගැන වැඩි අවධානයක් දෙන මේ චැනල් එක, ඉඳල හිටලා බීම වර්ග, සරල අතුරුපස, උදේ ආහාර එහෙම හදාගන්න හැටිත් පෙන්නනවා.

RASA RAHASA

මුළුතැන්ගේ වැඩ කටයුතු හරි ම සරලව වගේ ම ඉක්මනින් කරගන්න උපදෙස් සපයන මේ චැනල් එකත් ලංකාවේ තියන හොඳ කුකිං චැනල් එකක් කියල නම් කරන්න පුළුවන්.

Itali Kama Sinhalen

ඉතාලි කෑම සිංහලෙන් කියන මේ චැනල් එක මෑතක පටන්ගත්ත එකක්. හැමෝට ම ලේසියෙන් තේරුම් ගන්න පුළුවන් විදිහට තේරෙන සිංහලෙන් ඉතාලි කෑම හදන්න කියල දෙන නිසා අලුත් දෙයක් ඉගෙනගන්න කැමති අය මේ පැත්තෙ ගිහින් බලන්න.

Leave a comment
Last 7 Days

Trending Today