Artwork for PMF Negombo shoutout top banner 1
Artwork for PMF Negombo shoutout top banner 2
Artwork for Shiwu Chinese - sidebar banner 1 Artwork for Coffee post sidebar 1

4/5

Chop Chop Kottu

454/2/1 Kaduwela road, Battaramulla


Chop Chop does tasty, generous kottu all day, via drive through or delivery. Win.



කොළඹ 7 කාසල් වීදියේ පිහිටා ඇති චොප් චොප් අවන්හල කොත්තු කන්නට කියාපු තැනක්!

කුකුල්මස්, ඉස්සන්, කකුළුවන්, සෝසේජස්, බිත්තර සහ එළවළු යොදාගනිමින් ප්‍රනීත රසයකින් යුක්තවන සේ පිසින ලද රොටී සහ ඉඳිආප්ප කොත්තු සිත්ගන්නාසුළු ඇසුරුමකින් පාරිභෝගික ඔබට ලබාගත හැකියි.

උදෑසන 10 සිට රාතී‍්‍ර 9.30 දක්වා විවෘතව ඇති මෙම අවන්හල රු. 50 ක් වැනි සුළු මුදලකට තමන් සිටින ස්ථානයටම කොත්තු ගෙන්වා ගැනීමට හැකි විශේෂ සේවාවක් ද පාරිභෝගිකයිනට ලබාදී ඇත.

දිවා ආහාර ලෙසින් ඉස්සන් යොදා සැකසූ ඉඳිආප්ප කොත්තු (රු. 420), කකුළුවන් යොදා සැකසු රොටි කොත්තු (රු. 420) සහ කුකුල්මස් යොදා සැකසූ රොටි කොත්තු (රු. 380) ගෙන්වා ගත් අප එයින් නික්මෙන මිහිරි සුවඳ නිසාවෙන්ම එය භුක්ති විදින තුරු සිටියේ නොඉවසිල්ලෙනි.

මේසය මත දිග හැරුණු කොත්තු රොටි තුනත් සමඟ කුළුබඩු රස සහ සැර ගතිය ඉස්මතු වනසේ සැකසූ හොද්ද රස පදමට හොදින් පෑහෙන බැව් ආහාරයට ගත් පළවෙනි කටින්ම අප හට වැටහිණි.

තෙල් අඩුවෙන් භාවිතා කර සකසා තිබූ මෙම කොත්තු තුනෙහිම අඩු නොමැතිව කරපිංචා සහ රම්පේ අඩංගු වී තිබිණි. සිහින්ව කැපූ ලූණූ කොළ, ගෝවා සහ කැරට් ද මදි නොකියන්නට එකතු කරමින් සකසා තිබූ මෙම කොත්තු රස වර්ග තුනකින් අප රස නහර පිනවීමට සමත්විය.

බැදපු කුකුල්මස් සහ රොටි යොදා ගනිමින් සකසා තිබූ කොත්තුව තරමක් වියළි ගතියක් ඉසිලුව ද, කොත්තු වලට ආවේණික සැර ගතිය අඩු නොවන ලෙස සකසා තිබිණි. කුළුබඩු රසයද යාන්තමින් දිවට දැනෙන සේ පිසූ මෙම කොත්තුවෙහි ක්‍රිස්පි ගතිය හොඳින් ඉස්මතුවනසේ බැදූ කුකුල්මස් නොමඳව අඩංගු විය. සපයා තිබූ හොදි ස්වල්පයක් එකතුකර ගැනීමෙන් ඉතා ප‍්‍රණීත රසයක් කොත්තුව තුලින් නිර්මාණය කර ගැනීමට ද මෙහිදී අපට හැකි විය.

ඉස්සන් සහ ඉඳිආප්ප යොදා සැකසූ කොත්තුව වියලි ගතිය තරමක් අඩු වනසේ පිසූවක් විය. කුළුබඩු රසය උද්දීපනය වනසේ සකසා තිබූ ඉඳිආප්ප කොත්තුව තුලද කුකුල්මස් කොත්තුවට ආවේණික සැර ගතිය නොමදව අඩංගුවී තිබිණි. කොත්තුවෙන් ඉස්මතු වූ ඉස්සන් රසය තරමක කෑදරකමකින් යුතුව කොත්තුව ගිල දැමීමට අප පෙළඹ වීය.

කකුළුවන්, චීස් සහ රොටි යොදා සැකසු කොත්තුව සැර ගතිය අඩුවන ලෙසින් හා චීස් රසය හොඳින් ඉස්මතු වන සේ පිසින ලද්දක් විය. එහිදී අපට අවශ්‍යවූ සැර ගතිය සකසා ගැනීමට වැඩිපුර හොදි යොදා ගැනීමට සිදුවුවද, සැර අඩුවෙන් භුක්ති විඳින අයෙකුට මෙම කොත්තුව කදිමට ගැලපෙනු ඇත. නමුත් මෙම කොත්තුව තුල කකුළු මස් රස තරමක් අඩුවෙන් අඩංගු වීම අප කනස්සල්ලට පත් කල කරුණක් විය.

එබැවින් කොත්තු තුලින් විවිධාකාර වූ රසයන් අත්හදා බැලීමටත් ඒවා රිසි සේ භුක්ති විඳීමටත් 'චොප් චොප් කොත්තු ෂොප් ' කදිම ස්ථානයක් වනු නිසැකය.


TIP

They deliver from Maligawatte to Mount Lavinia, and Colpetty to Battaramulla. So they cover most places.

Address

454/2/1 Kaduwela road, Battaramulla

Contacts

Facebook

Report Inaccuracy

Open 10 AM–9.30 PM

Cuisine

Sri Lankan

Price Range

Between Rs. 500 - Rs. 1000

Dish Types

Kottu

Ratings Breakdown

Overall Rating
4
Quality Rating
4
Service Rating
4
Ambience Rating
4
Similar Places

Have you visited this place?

Write your own review!
See 12 Comments