කටට රහට බත් වේලක්! රු. 300ට අඩුවෙන් බත් කන්න අළුත්ම කඩ 6 මෙන්න.

හ්ම්ම්… ඉස්සර නම් අළුත් අවුරුද්දක් ලැබුවාම අපි කොච්චර සතුටු වෙනවද. අළුත් බලාපොරොත්තු, අළුත් ජීවිතයක්, අළුත් යාළු හිත මිත්‍ර ආදිය ඒ විතරක් නෙවෙයි, “මේ අවුරුද්දෙ කීයක් හරි එකතු කරල මොකක් හරි ගේමක් ගහනව” කියන ලොකු අධිෂ්ඨානයත් හිතේ තියාගෙන තමයි ඉස් ඉස්සෙල්ලාම වැඩට යන්නෙත්.

ඒත් ඉතින් මේ අවුරුද්දෙ නම් කට්ටියට ඒ හැටි සතුටක් ලබන්න බැරි පාටයි. මොකද ආණ්ඩුවෙන් ගහපු බදු ටිකට ගෙවන්නයි, ඒ බදු නිසා ඉහටත් උඩින් ගියපු ජීවන වියදම පියවන්නයි, සල්ලි වියදම් කළාම ඉතුරු කරන්න ඉඳපු ගාණ නිකන්ම සෘණ වෙලා යනවනෙ. හැරත් ඇඳුම් පැළඳුම්, යාම් ඊම්, කෑම බීම වගේ දේවල්වල වියදමුත් ඉබේටම වැඩි වෙන නිසා අළුත් බලාපොරොත්තුවක් තියා කලින් ජීවත් වුණ විදියට කාලා ඇඳල ඉන්නත් මාරෙ ගේමක් දෙන්න වෙන්නෙ.

හැබැයි ඉතින්, එහෙමයි කියල අපේ යාළුවන්ට නිකරුණේ සල්ලි නාස්ති කරන්න දෙන්නත් බෑනෙ. අන්න ඒ නිසා අපි කල්පනා කලා අඩුම තරමෙ එදා වේලෙන් හරි දවසෙ වියදමට ගාණක් ඉතුරු කරගන්න පුළුවන් ක්‍රමයක් කියන්න. මේක හරිම සරල ක්‍රමයක්. හැරත් කටට රහට කාලා, බඩ කටත් හොඳට පුරවගෙනම කීයක් හරි ඉතුරු කරන්න පුළුවන් ක්‍රමයක්.

කරන්න තියෙන්නෙ මේ බත් කඩ ටික ට්‍රයි කරල බලන එක තමයි. හැබැයි ඉතින් ට්‍රයි කරල බලල නිකම් ඉඳල හරියන්නෙ නෑ, කටට රහට කන බත් පතේ රස අපිත් එක්ක බෙදා හදා ගන්නත් ඕන හොඳද, ඔය කමෙන්ට් එකක් එහෙම දාලා හිටං.

1. Curry Pot

බම්බ, කොල්ලුපිටි පැත්තෙ ඉන්න අයට කටට රහට බත් වේලක් කන්න කියාපුම තැනක් තමයි කොල්ලුපිටිය මරීන් ඩ්‍රයිව් එකේ පිහිටල තියෙන කරි පොට් එක. වගකීමෙන් කියන්න පුළුවන් එක පාරක් කාපු කෙනෙක් ආයෙ දෙවනි පාර ගොඩ වෙන්න හිත හිත ඉන්නෙ නෑ. ඇත්තටම සුපිරි කෑම වේලක් තමයි මෙයාලගෙ බුෆේ එකේ තියෙන්නෙ. වචනයේ පරිසමාප්ත අර්ථයෙන්ම ‘කරි පොට්’ එකේ කරීස්වල මිරිස්තුනපහ රස නියම ගාණට තියෙනව. රතු, සුදු භේදයක් නැතුව ඕන බතක් ඉදෙන මේ කඩේ බත් පිඟානෙ රස බඩල් වෙන්නෙ අන්තිමට එකතු වෙන බැදපු මිරිස් කරල් පපඩම් ටිකෙන්. ඒ හැරුණාම ගමේ රහට ඉදෙන පොලොස් මාළුවෙන්, කොළ මැල්ලුමෙන් හරි උණු උණුවෙ දුම් දදා තියෙන කුකුල් මස් කරියෙන් හරි හැන්දක් දෙකකුත් බෙදුණාම ගමකට කන්න පුළුවන් තරම් රස. අනික ගාණත් රු. 200ක් 250ක් වගේනෙ වෙන්නෙ නිසා පොකට් එකටත් ලොකු අවුලක් නෑ.

2. Tasty Caterers

තිඹිරිගස් යාය, ෆයිෆ් පාරෙ තියෙන ටේස්ටි කේටර්ස් එක අපේ ලැයිස්තුවෙ දෙවනි තැනට එන්නෙ වෙන දෙයක් නිසා නෙවෙයි, රු. 200ක් වගේ ගාණකට හැදෙන මෙයාලගෙ රයිස් ඇන්ඩ් කරි එකත් ලංකාවෙ අපිට කියාපුම ගමේ රහට හැදෙන නිසා. කටගැස්මට බැදපු මිරිස්, පපඩම් එහෙමත් අඩු නැතිව ලැබෙන මෙයාලගෙ බත් පතේ රස නහර පිස්සු වට්ටන ව්‍යංජන විදියට පොලොස් මාළුව, චිකන් කරිය, පරිප්පු ව්‍යංජනය වගේ ඒවා හඳුන්වන්න පුළුවන්. පොදුවෙ ගත්තාම හැම ව්‍යංජනයක්ම වගේ කටට සැරට, කුළුබඩු රසෙනුත් අඩු නැතුව හැදෙනව. විශේෂයෙන්ම පළා මැල්ලුමේ එහෙම ලුණු ඇඹුල් පදම නියම ගාණට. වැඩේ කියන්නෙ බත් කෑවට පස්සෙ හිත පිරෙන්න කන්න අතුරු පස විදියට චොකලට් රසයෙන් අනූන ඉක්ලෙයාර්ස් එහෙමත් මෙයාල ළඟ තියෙන නිසා දෙපාරක් හිතන්නෙ නැතුව ගොඩ වෙන්න පුළුවන්.

3. Lunu Ambula

කෙහෙල් කොලේ දිග අරිද්දි සුවඳේ බෑ මල්ලි. සම්බා හාලේ බතයි හායි හූයි ගෑවෙන තරම් සැර එක්ක මදි නොකියන්න තුනපහ එකතු වෙලා හැදුණු චිකන් කරියයි, රස පදමට කිරි දාලා හදපු පරිප්පු මාළුවයිම ඇති බඩ පැලෙන්න බත් කන්න. කටගැස්මට පොල් සම්බෝලෙකුත් තියෙන නිසා රස ඩබල් වෙනව. විශේෂයෙන්ම කියන්න ඕන මෙයාලගෙ බෝංචි, මෑකරල් කරිවල රස සෑහෙන්න ඉහළයි. එතකොට පොලොස් මාළුවත් නරකම නෑ. හැබැයි තව කිරි දාලා හින්දෙන්න ඕන. ‘ලුණු ඇඹුලෙ’ බිරියානි එකයි රෝස්ට් චිකන් රයිස් ඇන්ඩ් කරි එකයි එහෙමත් පට්ට රසයි. මාළු, බිත්තර වගේ අනිත් බත් ජාති හැම එකක්ම නම් රු. 150, 250 අතර ගණන් වෙන්නෙ. ආ.. කියන්න බැරි වුනානෙ ලුණු ඇඹුල කඩේ තියෙන්නෙ තිඹිරිගස් යාය ආනන්ද හිමි පාරෙ හොඳද.

4. Chiminiya

“පෙරහැර පාරේ පට්ට බත් කඩයක් දාලා. සූ ගාලා සෙනඟ" කියල අපිට කිව්වෙ අපේ විශ්වි. විශ්වි කියපු විදියට මෙතන රයිස් ඇන්ඩ් කරි විතරක් නෙවෙයි බිරියානි එහෙමත් තියෙනව. කෑමවල රසත් පංකාදු පහයිලු. ගාණත් රු. 200, 300 අතරෙ. හැබැයි ඉතින් පිඟානට බෙදෙන්නෙ නම් ව්‍යංජන 4කුයි පපඩමුයි විතරයි. රස පදමට කිරි දාලා හදන බෝංචි කරිය හැරුණාම බත් එකේ රස ඩබල් ත්‍රිබල් කරන්නෙ මස්, මාළු කරිවලින් තමයි. විශේෂයෙන්ම කියන්න ඕන මෙයාලගෙ පෝර්ක් කරිය නම් පට්ට රසයි. බත් කෙසේ වෙතත් පාන් නම් ගෙඩියකට වුණත් වගකියන්න පුළුවන්. එතකොට චිකන් කරියෙත් කියන්න තරම් වරදක් නෑ. හැබැයි මේ ව්‍යංජන හැම එකකටම වගේ තව මිරිස් තුනපහ ටිකක් එකතු වුනා නම් තමයි මරේ මරු වෙන්නෙ.

5. Pela

පැල හොයා ගත්තෙත් අපේ විශ්වි. බැලූ බැල්මට චිමිනියට වඩා පැල හොඳයි වගේ තමයි පේන්න තියෙන්නෙ. මොකද පොල් අතු එහෙම හෙවිලි කරල ඇත්තම පැලක් විදියටනෙ හදල තියෙන්නෙ. තිඹිරිගස්යාය ආනන්ද හිමි මාවතේ පිහිටල තියෙන මේ බත් කඩෙත් මස්, මාළු වගේම එළවළු මාළු ටිකත් පංකාදු පහට හැදෙනව. විශේෂයෙන්ම කුකුල් මස් කරිය එහෙම, හොඳට මිරිස් තුන පහ දාලා, හරිම රසයි. විශ්වි කියපු විදියට නම් පරිප්පු, බෝංචි කරිවලටත් රස පදම එන්න ලෝභ නැතුව කිරි දාලා තියෙනව. එතකොට පළා මැල්ලුමත් හරිම රසයිලු. කට ගැස්මට පපඩමක්, එහෙමත් හම්බවෙන නිසා බඩ කට පිරෙනකම් කන්න පුළුවන්. වැඩේ කියන්නෙ මෙයාලගෙ චිකන් රයිස් ඇන්ඩ් කරි එකකුත් රු. 160ක් වගේනෙ වෙන්නෙ. හරිම ලාබයි.

6. Nelum Kole

බොරලැස්ගමුව, වැව පාරෙ තියෙන ‘නෙළුම් කොලේ’ ගැන නම් කට්ටියට අමුතුවෙන් කියන්න ඕනත් නැති තරම්. ඇත්තටම මේ බත් කඩේ එච්චරටම ප්‍රසිද්ධයි. කොළඹින් ටිකක් දුර වුණත් අපි මේ කඩේ ගැන කියන්න හිතුවෙත් ඒ නිසාමයි. ගමේ රහට වගේම හොඳ කටට සැරට මිරිස්තුනපහ ටික දාලා හැදෙන මෙයාලගෙ මස්, මාළුවල රස වගේම සුවඳත් පංකාදු පහට තියෙනව. කොටින්ම කියනව නම්, පාන් වගේ දුන්නොත් ගේමක් නැතුව ගෙඩියක් වුණත් කයි. ඒ වගේම තමයි මෙයාලගෙ පොලොස් ඇඹුල, වට්ටක්කා මාළුව, බෝංචි, මෑකරල් ව්‍යංජන එහෙමත්. රස පදමට කිරි එහෙම දාලා හදල තියෙන්නෙ. පළා මැල්ලුම, බටු මෝජුවෙන් නම් පොඩ්ඩක් ගෑවුණත් ඇති තරම්. ඒ විතරක් නෙවෙයි බැදපු වැව් මාළු කූරියෙකුත් බත් එකට එකතු කර ගත්ත නම් ගමකට කතහැකි. ඇත්තටම රු. 200, 250 වගේ ගණන්වලට මේසෙට එන නෙළුම් කොළේ බත් පත නම් මේ දවස්වල හැටියට දාහකින් සම්පතක් ඈ…

කොහොම වුණත් කට්ටිය කේන්ති ගන්න කාරි නෑ, ඔයාලා ඉන්න කිට්ටුව මේ වගේ රස බත් වේලක් කන්න තැනක් කිව්වෙ නෑ කියල. පොඩ්ඩක් ඉවසල ඉන්නකො තව සති දෙක තුනක්, අපි අනිවාර්යයෙන්ම තව බත් කඩ ලැයිස්තුවක් දානව.

Share on facebook
Share on twitter
Share on whatsapp

Latest.

KAMU.

Spanish & French fusion restaurant – Hola Bonjour review

Our cloud kitchen revolves around our chef Lucas Francois, who has years of experience in

Kamu Slider

Your go-to restaurant in Chilaw – Clement’s Chilaw review

By Warsha Dissanayake We visited Clements brand new outlet based in Chilaw towards the evening

Kamu

Holy crepes at Crepe Runner – Bambalapitiya

By Maryam Rizwan No one does crepes as good as Crepe Runner does. Starting from

Kamu

Don’t chai this at home – Karak review

By Warsha Dissanayake Looking for some downtime?Is it time to take a break off of

Kamu

Nutella-filled goodness at Crepeholics

Crepeholics located in the middle of Mount Lavinia is packed with a variety of crepes

Kamu

Kailasa Street Food Cafe

This place is long overdue and something Colombo needed so bad. Kailasa street food, serving

Kamu

Trending.

70th anniversary Diplomatic Relations between Sri Lanka and Japan

In commemoration of the 70th anniversary of the establishment of diplomatic relations between Sri Lanka

Trending

Suriya’s Jai Bhim wins five awards at Studioflicks Film Awards 2021

By MR The Tamil film industry has turned the global spotlights in 2021 for releasing

Trending

5 BlackBerry models we will miss

By Ruchika Seneviratne It truly is an end of an era as BlackBerry has announced

Slider Trending

Elephant House – Feel Good Range

We all grew up eating Elephant House ice cream, whether it was to wrap up

Trending

CINNAMON BENTOTA BEACH HOSTS CLASSIC CAR RUN

Cinnamon Bentota Beach added a vintage touch to its award-winning art and architecture during the ‘Classic Car Run’ recently.

Trending

Yamu Guide.

5 home appliances you should upgrade to in 2022 

It is the new year and the COVID-19 pandemic seems to be still lurking around,

Slider Yamu Guide

Style 2022 with these 5 items from Mimosa

By MI Welcoming 2022 with style and elegance Mimosa recently located to 20 Bagatalle Road,

Slider Yamu Guide

5 ways SLASH will help you make more out of 2022!

By Warsha Dissanayake Ever wanted to get the maximum use for the products you are

Yamu Guide

Ten of the Richest Men in the World

By Rahma Rifkhan Custom-designed suits, extravagant cars, luxurious mansions, global fame and a net-worth of

Slider Yamu Guide

9 NGOs and Youth Movements to join in 2022

By Hiruni Herath NGOs have somewhat of a bad reputation in Sri Lanka and Youth

Slider Yamu Guide

New shopping experience at the Keells on Lauries Road

Keells is reinventing your shopping experience in the best way possible. Because of the pandemic,

Yamu Guide

සිංහල.

ලොව බිහිසුනුම දාම ඝාතිකාවන් (Woman serial killers) 10 දෙනෙක්

By Yesha Fernando කාන්තාවන් කිව්වම හැමවෙලාවෙම වගේ අපේ ඔලුවේ මැවෙන්නේ හරි සංවේදී, ආදරණීය පිරිසක්. ලෝකයේ

Sinhala

2022 සැමරුම හොඳටම කරපු රටවල් 10 ක්  

By Yesha Fernando මරණය, කුසගින්න, විරැකියාව, ආර්ථික අවපාතය, දේශපාලන අර්බුද යනාදී ගෝලීය දුෂ්කරතා රැසක් මැදින්

Sinhala

හොරු අතරට අලුතින් එක් වූ “ජංගි හොරා”

By Yesha Fernando මෙරට සියලු ආකාර හොරු අතරට එක්වූ අලුත්ම හොරා "ජංගි හොරා" යි. මෙකී

Featured Sinhala

Squid Game අපට කියා දෙන ජීවිත පාඩම් 6 ක්

ත්‍රාසය, ශෝකය, කුතුහලය වගේම මෙයට වඩා තවත් බොහෝ ජීවිත පාඩමුත් Squid Game කථාංග නවයට ඇතුළත්.

Sinhala

පිස්සුම නව අවුරුදු සිරිත් විරිත් 6 ක්

එහෙනම් කට්ටියම තමන්ගේම ක්‍රමේකට 2022 පිළිගන්න ලේස්ති වෙමු.

Sinhala Trending