බොමු බොමුද තේ?: කොළඹ පැත්තෙන් නියම තේ කඩ 11ක්.

''මචං ප්ලේන්ටියක් ගහමුද?'' උදේට කාලා පැයක් යන්න නෑ!

තේ කහට උගුරක් ඇඟට වැටුනෙ නැත්නම් අපේ අයට නිකන් මොකක්ද මොකක්ද වගේනෙ. කම්මැලියි කියයි, නිදිමතයි කියයි. ආයෙ අහන්න දෙයක්යැ, හවසටත් එලෙසම තමයි. ඇත්තටම තේ වලින් අපේ ඇඟට හොඳ ජවයක්, ප්‍රබෝධයක් ලැබෙනව කියල අපි දන්නව. ඒත් අවාසනාවට අපේ රටේ හැදෙන තේ වල සාරවත් අස්වැන්න අපිට රස විඳින්න ලැබෙන්නෙ බොහොම කලාතුරකින්.

ඉතින් මට හිතුණා කලාතුරකින් හරි හොඳ තේ කහට උගුරක් තොල ගාන්න පුළුවන් තැන් ටිකක් ගැන ඔයාලට කියන්න. බලන්නකො මේ තේ කඩ ටික කොහොමද කියල.

1. Dilmah t-Lounge

කොළඹ කොටුව, චැතම් පාරෙ වගේම නිදහස් චතුරස්‍ර ආකේඩ් එකෙත් තියෙන ඩිල්මා තේ කඩේ කියන්නෙ ඇත්තටම  හොඳම තේ කහට කෝප්පයක් රස බලන්න පුළුවන් තැනක්. අපි සාමාන්‍යයෙන් බොන ප්ලේන්ටිය හැරුණාම Cinnamon Ice Cream T-Shake, Kandy Lemonade Tea වගේ වෙනස්ම රස වලින් එන තේ වීදුරුවක් එක්ක ඒකටම කියාපු පොඩි අතුරු ආහාරයකුත් රස බලන්න ඩිල්මා තේ කඩේට යන ඔයාලට පුළුවන්. රුපියල් දෙතුන්සීයට නියම ප්ලේන්ටියක් ගහන්න ඩිල්මා ටී ලෝන්ජ් එක නම් නියම තැනක්.

2. Euphorium

රසම රස ජපන් තේ උගුරක් රස බලන්න ආස නම් යන්න කොළඹ 07 කිංසි පාරෙ යුෆොරියම් තේ කඩේට. කඩේ කරගෙන යන ජපන් කාන්තාව නම් කියන්නෙ එයා ලඟ තියෙන රසම තේක, තේ සෝඩා එක කියල. ඒ හැරුණාම තව තව රසවල් ගොඩක තේ ජාති වගේම තේ බොද්දි අනිවාර්යයෙන්ම තියෙන්න ඕන කුකීස් වගේ රසම රස බිස්කට් ජාතිත් යුපෝරියම් තේ කඩේ තියෙනව. රුපියල් දෙතුන්සීයකට ඒ වගේ නිදහස් වට පිටාවක ඉඳන් තේ කහට උගුරක් තොල ගාන්න ලැබෙන එකත් ඇත්තෙන්ම ගොඩක් වටිනව.     

3. Ayu the

මී පැණි රසට, කුරුඳු රසට, පැඟිරි රසට ප්ලේන්ටියක් ගහමුද? ඒ නම් එන්න බත්තරමුල්ලෙ දියත උයනට හරි කොළඹ 07 ගුඩ් මාකට් එකට හරි. 'ආයු තේ' කිව්වාම අමුතුවෙන් කියන්න දේකුත් නැති තරම්. ඇඟට හොඳ තේ කහට කෝප්පයක් රු. 50ක් වගේ අඩු ගාණකට බොන ඔයාට හිතට අල්ලපු රසක් තිබුනොත් ඒ රසෙන් තේ කොළ පැකට් එකක් ගෙදර ගෙනියන්නත් පුළුවන්.

4. Garden cafe (T-sips)

කජු දාලා හදපු බ්‍රවුනි කෑල්ලක් එක්ක සීතල ඉඟුරු තේ වීදුරුවක් රස බලන්න, ගාර්ඩ්න් කැෆේ එක තමයි නියමම තැන. කොල්ලුපිටිය ඩුප්ලිකේෂන් පාරෙ තියෙන මේ තේ කඩේ තියෙන්නෙ නුවර, දඹුලු පැති වල හැදෙන සාරවත්ම තේ අස්වැන්නෙන් එන තේ දළු. අයිස් තේ විතරක් නෙවෙයි සුදු තේ, මින්චි තේ වගේ අපූරු තේ ජාති කීපයකුත් ගාර්ඩ්න් කැෆේ එකේ තියෙනව. රුපියල් සීයක් දෙසීයක් වගේ ගාණකට අපේම සාරවත් අස්වැන්න රස බලන්න ලැබෙන්නෙ ගොඩක් කලාතුරකින්නෙ.

5. Tea Triumph

ඇඹිල්මීගම වතු යායෙන් නෙලා ගත්තු තේ දළු වල රස වෙනස්ම විදියක පාරිභෝගිකයන්ට දෙන අපූරු තේ කඩයක් තියෙනව කොල්ලුපිටිය මරීන් ඩ්‍රයිව් එකේ. හීනෙන්වත් හිතල තියෙනවද අනෝදා රස තේ කෝප්පයක් බොන්න. එතකොට… සමන්පිච්ච රස. ඒ විතරක් නෙවෙයි තේ කොක්ටේල් වගේ තේ වලින් දාන සුපිරිම වැඩ ටිකක් රස බලන්නත් ටී ට්‍රයම්ප් එකට යන ඔයාලට පුළුවන්. කහට කෝප්පයක් රුපියල් සීයක් දෙසීයක් විතර වුනාට මොකද රසයෙන් නම් අනූනයි.

6. Blue Field Tea Centre

බම්බලපිටිය හේග් පාරෙ තියෙන බ්ලූ ෆීල්ඩ් තේ කඩේට ගියොත් නම් බඩටත් මොනව හරි දාගෙනම ප්ලේන්ටියක් ගහන්න පුළුවන්. රසම රස කළු තේ කෝප්යක් හරි අර්ල් ග්‍රේ තේ කෝප්පයක් හරි රස බලන ගමන් මෙයාලගෙ ෂෝට්ටීට්ස් මොනව හරිත් රස බැලුව නම් තමයි නියම. උපරිම වුනොත් රු. 100ක් වෙයි.

7. Tatlers Tea

මේක නම් YAMU එකේ අපිත් හොඳට දන්න කියන කඩයක්. බාග වෙලාවට අපිත් පොඩි රෝල් එකක් කාලා ප්ලේන්ටියක් ගහන්න යන්නෙත් බම්මබලපිටිය ඩුප්ලිකේෂන් පාරෙ තියෙන ටැට්ලර්ස් එකට තමයි. මාරම තේ ජාති ටිකක් තමයි මෙතනත් තියෙන්නෙ. අපේ රටේම වතු යායකින් එන මේ අස්වැන්න තේ කෝප්පයක් වෙලා මේසෙට එන්නෙ රු. 100කටත් අඩු ගාණකට.

8. Heladiv Tea Club (Bar)

තේ බීලා මත් වෙන්න ඕන නම් යන්න ඕන මෙතනට. කොටුව, ලංකා බැංකු පාරෙ තියෙන මේ හෙලදිව් තේ බාර් එකේ තියෙන්නෙ තේ කොක්ටේල්. රු. 500ක් වගේ ගාණකට ගන්න පුළුවන්. තේ රසයි අරක්කු රසයි පදමට ගලපල හදන මේ තේ කොක්ටේල් වල රස නම් මරු. හැබැයි ගැහුවොත් බඩු. හැබැයි මත් වෙන්න උවමනාවක් නැති අයට බොන්න සාමාන්‍ය තේ වර්ගත් මෙතන තියෙනව.

9. Rama's Tea House

නියම ස්නැක් පාරක් එක්ක තේ කෝප්යක් රස බලන්න ඇතුල් කෝට්ටෙ තියෙන රාමාගේ තේ කඩේ නම් කියාපු තැනක් තමයි. මෙයාල ලඟ තියෙන ග්‍රීන් ටී අයිස්ක්‍රීම් එක වගේම බටර් බීයර් එකත් හරිම රසයි. රු. 500ක් වගේ ගාණකට සුපිරි තේ කෝප්පයකුයි ෆ්‍රෙන්ච් ෆ්‍රයිස් පිඟානකුයි එක්ක ටික වෙලාවක් නිදහසේ ඉන්න නම් මේ තේ කඩේ නියම තැනක්.

10. Tea Avenue

කොළඹ 07 බාන්ස් ප්ලේස් වල තියෙන ටී ඇවනියු එකත් තේ කෝප්පයක රස බලන්න හොඳ තැනක්. හැබැයි මෙතනට යන ඔයාට දවල් කෑම කාලම වුනත් තේ කෝප්පයක් රස බලන්න පුළුවන්. නැත්නම් පොඩි ෂෝටීට්ස් පාරක් එක්ක වුනත්. පොඩි ප්‍රශ්නයකට කියල තියෙන්නෙ මෙයාලගෙ කෑම බීම වල ගණන් ටිකක් වැඩි එක තමයි. සාමාන්‍යෙයන් රු. 500කට නම් එහා.

11. Tea Breeze

ටී බ්‍රීස් එක තියෙන්නෙ කොල්ලුපිටියෙ පෙරහැර මාවතෙයි කොළඹ රේස්කෝස් පැත්තෙයි. රස අයිස් ටී එකක් බොන්න වගේම නියම අතුරුපසක් රස බලන්නත් මේක නියම තැනක්. හැබැයි මෙතනත් ගාණ නම් රු. 500ට එහා යනව.

ඇඟට ගැම්මක් ගන්න උදේ හවහ තේ කහට කෝප්පයක් රස බලන අපේ යාළුවනේ, මතක ඇතුව ඔයාල දන්න කියන තේ කඩ ටිකත් කමෙන්ට් කරන්න හොඳේ.

Share on facebook
Share on twitter
Share on whatsapp

Highlights.

Latest.

KAMU.

The Fusion Kottu at Eastern Wok

By Hiruni Herath Hot Butter Kottu - that’s not something you hear everyday but at

Highlights Kamu

More than Coffee – Kaffi Colombo

By Hiruni Herath Ambience and Service The Nordic Bakery and Coffee House located at Crescat

Highlights Kamu

7 Restaurants to dine in July 2022

By Shamrina Carim July hits a beautiful urge to try out different foods, events and

Highlights Kamu Yamu Guide

Hot Chook – all about that Chicken

By Hiruni Herath Service and Ambience The head chef at Hot Chook was very helpful

Highlights Kamu

A glistening night out at Colombo’s finest local bar!

By Shamrina Carim A Sri Lankan experiencing the magical inspiration of Sri Lanka in the

Kamu

Ceylon Curry Club – Sri Lankan Cuisine With a Twist

By Janani Vithanage Ceylon Curry Club, located in the Dutch Hospital Shopping Precinct, is a

Kamu

Trending.

Types of People at the Cinema

By Rahma Rifkhan Think of your most noteworthy cinema experience: Loud and exciting with just

Highlights Trending

From the Garden to your Skin 

By Menaka Indrakumar  Iris Garden is a brand which started five years ago, with Fuller’s

Trending

Bullet Train – movie review

Bullet train is as the name suggest is a fast-paced action movie. Directed by David

Trending

Stay healthy & refreshed With KiCO

By Janani Vithanage Boasting over 100 years of trusted excellence, the journey of Silvermill Group

Highlights Trending

5 Reasons why you need to check out Wild Culture Yala

If you are that Wildlife lover who loves being in the wild and looking to

Highlights Trending

Waves Bologoda

SINGHE's Wave Bolgoda, which launched in January 2021, The venue was initially established by lecturer

Trending

Yamu Guide.

8 Hotels That Offer Transport – 2022

Sometimes arranging for transport when you’re on vacation is the last thing that you want

Highlights Yamu Guide

7 Instagrammable restaurants to dine in August 2022

By Hiruni Herath We’re always looking for the perfect spot that is a mix of

Highlights Yamu Guide

5 Places to get Gift Hampers – 2022

By RR Gift hampers have been around for quite a bit but they’ve suddenly become

Highlights Yamu Guide

8 FAQ’s on fuel QR Code system

Sri Lanka introduced the Fuel Pass QR code system in full force from today (1st

Highlights Yamu Guide

7 Tips to Ensure Safe Cycling

Cycling on roads full of traffic due to petrol queues can be scary. Here are

Highlights Yamu Guide

6 Cycling Accessories You Need

By Janani Vithanage With the fuel crisis still wreaking havoc in everyone’s lives, a new

Highlights Yamu Guide