ලස්සන මීමුරේ විතරද? වීක්එන්ඩ් එකේ කෑම්පින්ග් කරන්න කියාපු තවත් ලස්සන ගම්මාන 6ක්.

වීක් එන්ඩ් එකක් අත ළඟම එනව නේ. මොනවද ප්ලෑන් කළේ; කෑම්පින්ග් පාරක්, නැත්නම් දිග හයික් එකක්? මොකක් වුණත් කමක් නෑ, ප්ලෑන් කරපු කට්ටියට එයාලගෙ ගමන් ටික යන්න කියල අපි හිතුවා ප්ලෑන් නොකරපු කට්ටියට නියම ප්ලෑන් එකක් දෙන්න.

දැන් ඔය වීක් එන්ඩ් ටුවර් එක ප්ලෑන් කරපු කට්ටිය අතරෙත් ඇතිනෙ මීමුරේ යන්න හිතාගෙන ඉන්න අය. කමක් නෑ මීමුරේ හොඳයි, ලස්සනයි තමයි. හැබැයි දෙවනි තුන්වෙනි පාරත් මීමුරේම යන්න හිතාගෙන ඉන්නව නම්, ඒත් වෙන කොහේ හරි ගමක් බලන්න යන්න තියෙනව නම් හොඳයි කියලත් හිතෙනව නම්, මෙන්න, මීමුරේ වගේම ලස්සන තවත් ගම්මාන 6ක්. මේ ගම්මානවලත් හොඳ හැටියට හයිකින්ග්, කෑම්පින්ග් කරන්න පුළුවන්. ඒ හැරුණාම ගැමි සුන්දරත්වය, ජීවන රටාව අත්විඳින්න, නියම ගමේ රහට කෑම බීම ටිකක් රස බලන්න එහෙමත් බැරි කමක් නෑ. කොහොම වුණත් ගමේ මිනිස්සුන්ට, සතා සීපාවට, වට පිටාවට කරදරයක් නොවෙන්න හැසිරෙන එක නම් ඔයාලගෙ යුතුකම.

ඒ එක්කම මේ දේවලුත් ඔයාලට කියන්න ඕන. අපි මේ කියන්න යන ගම්මාන ගොඩක් දුෂ්කර නිසා පුළුපුළුවන් විදියට, ඔයාලගෙ අතේ තියෙන දේවල් වලින් හරි ඒ මිනිස්සුන්ට උදව් කරන්න. මොකද එතකොට තමයි ඔයාලගෙ ටුවර් එකේ නියම අරුත එළියට එන්නෙ.

හිතන්නකො, ‘දුප්පත් පොඩි එකෙක් ඇවිල්ල ඔයා කොළඹින් ගෙනිහිල්ල බෙදපු චොක්ලට් එකක් අරගෙන සතුටින් උඩ පැන පැන ගෙදර දුවද්දි’ පොඩ්ඩට කෙසේ වෙතත් ඔයාට කොච්චර සතුටක් දැනේවිද?

1. උඩවාඩිය

ඡායාරූපය

බදුල්ල දිස්ත්‍රික්කයෙ පිහිටල තියෙන උඩවාඩිය ගම කඳු මුදුන් වලින් වට වුණු, කන්දක මැද්දට වෙන්න පිහිටපු ලස්සන ගමක්. ඉස්කෝලයක්, කෝවිලක් එහෙම නම් තියෙනව. ඒත් මිනිස්සුන්ගෙ ජීවන රටාව සෑහෙන්න දුෂ්කරයි. මොකද මේ ගම්මානයට යන්න බදුල්ල, පස්සර පැත්තෙන් නමුණුකුල ගමට ගිහින් එතනින් දේවාතුර, මියනකඳුර පාරෙ දිගේ තැන්නෙ කුඹුරට යන්න ඕන. එතන ඉඳන් තමයි තේ වතු, කැලෑ මැද්දෙන් වැටුණු කිලෝමීටර 5ක විතර උඩවාඩිය පා ගමන පටන් ගන්නෙ. හැබැයි ගමන අතර මගදි විඩා නිවන්න ඕන තරම් තැන් හමුවෙන නිසා අවුලක් ගන්න ඕන නෑ. ගල් ගුහා, ගල් තලා වගේම තැනි තලා එහෙමත් එමටයි. වතුර වලිනුත් ඒ හැටි අඩුවක් නෑ. හැරත් මග දිගට හමුවෙන පුළුල් දර්ශන පත නම් ඔයාගෙ වෙහෙස මහන්සිය නිවන්න ලොකු රුකුලක් වේව්. මී දුමෙන් වැහුණු වෙල්ලස්ස නගරය, ඉර එළියෙන් ලාවට දිස්න දෙද්දි පුදුම ලස්සනක් තියෙන්නෙ. දන්නවද? උඩවාඩිය ගම, රන්දෙණිගල කැරැල්ලටත් ලොකු නෑ කමක් කියනව. කොහොම වුණත් ගමනෙ අවසානයක් දකින්න ඕන නම් උඩවාඩිය ඇල්ලෙන් හොඳ වතුර ටිකක් නම් නා ගන්නම වේවි.

2. කයිකාවල

ඉස්සෙල්ලම කියන්න ඕන ගාල්ල, ඉඳුරුව තියෙන කයිකාවල ගැන නෙවෙයි අපි මේ කියන්නෙ. මේ කයිකාවල තියෙන්නෙ නකල්ස් කඳු පන්තියෙ. හරියටම කියනව නම්, නුවර-මහියංගණ පාරෙ හුන්නස්ගිරියට ඇවිල්ල එතනින් මීමුරේ පාරෙ කිලෝමිටර් 25ක් විතර යන්න ඕන. ලොකු නැති වුණාට හරි ලස්සන ගම. මුලු මනින්නම වගේ ස්වයං පෝෂිතයි. නමින් කියන්න දන්නෙ නැති වුනත් ලස්සන ඔය පාරවල්, පුංචි දිය ඇලි එහෙමත් කයිකාවල ගමේ කියෙනව. එතකොට හුඟ දෙනෙක් හොයන ඒත් හොයා ගන්න බැරි වුණු, ලංකා ඉතිහාසයට ලොකු සම්බන්ධයක් තියෙන වෙඩි ලුණු ගුහාව තියෙන්නෙත් මේ කිට්ටුවම තමයි. මීමුරේ යන්නම ඉන්න කට්ටියට නම් බලා කියාගෙන යන්න කියාපු තැන.

3. වල්පොලමුල්ල

ඡායාරූපයනදීර ප්‍රසන්න

හරිම දුෂ්කර ගම්මානයක්. හැබැයි බත, බුලතින් සරු සාරයි. නකල්ස් කඳු පන්තියට නෑකම් කියන මානි ගල කන්ද පිහිටල තියෙන්නෙත් වල්පොලමුල්ලට ගොඩක් කිට්ටුවෙන්. ඒ හැරුණාම දුම්බර මිටියාවතේ තවත් ලස්සන කඳු පන්ති, දිය ඇලි, ගල් ගුහා ගොඩකුත් මේ කිට්ටුව පිහිටල තියෙනව. එහෙනම් අහගන්නකො වල්පොලමුල්ලට යන්නෙ කොහොමද කියල. ඔයාලා ඉස්සෙල්ලම කරන්න ඕන මාතලේ, රිවර්ස්ටර්න් වලට යන එක. ඊට පස්සෙ පිටවල, රත්නින්ද, ඇටන්වල, මානිගල හරහා. කිලෝමිටර 10ක විතර ගමනක යෙදෙන්න වෙනව. හැබැයි ඉතින් ෂුවර් කරල කියන්න පුළුවන් වට පිටාවෙ තියෙන ලස්සන නිසා මහන්සියක් නම් දැනෙන එකක් නෑ.

4. කොහොනාවල

ඡායාරූපය

සමහරු අහල තියෙනව, අහපු සමහරු තාම හොයනව, ඔය හොයන අය අතරිනුත් කීයෙන් කීදෙනාද ගිහින් තියෙන්නෙ, ලංකාවෙ අඩුවෙන්ම ඉර එළිය වැටෙන ගමට?

එහෙනම් අහගන්නකො, ගමේ නම කොහොනාවල. තියෙන්නෙ බදුල්ල, පස්සර, මඩොල්සිම ගමේ ඉඳනුත් කිලෝමීටර 8ක් 9ක් විතර කැලේ ඇතුළට වෙන්න. ගමට යන පාරට කියන්නෙ වේරැල්ලපතන පාර කියල. මේ ගම් පොඩ්ඩ, ලුණුගල කන්දෙනුයි ඒ අවට අනිත් කඳු වලිනුයි මුලු මනින්ම වගේ වට වෙලා තියෙන නිසා හොඳටම පායන කාලෙට පවා ඉර එළිය වැටෙන්නෙ පැය 6ක 8ක වගේ කාලයක් විතරයි. පුංචි ඉස්කෝලයක්, පන්සලක් එහෙම තිබුණට මොකද මේ ගමේ මිනිස්සු ගෙවන්නෙ හරිම දුෂ්කර ජීවන රටාවක්. කොටින්ම කියනව නම් ගමේ පොඩ්ඩන්ට, තරුණ උදවියට පවා ලොකු අනාගතයක් ගැන හිතන්න තියෙන ඉඩ ප්‍රස්තාව සෑහෙන්න අඩුයි. කොහොම වුණත් කෝනාවල ගම බත බුලතින් නම් හොඳ හැටි සරු සාරයි. මහ ගොඩක් දිය ඇලි, ගංගා නැති වුණාට මොකද තියෙන එක දෙක වුනත් පංකාදු පහට තියෙනව. ඉතින් යාළුවනේ කොහොනාවල යන්න හිතන් ඉන්නව නම් අනිවාර්යයෙන්ම අපේ සහෝදර සහෝදරියන්ට, ගමේ පොඩ්ඩන්ට මොනව හරි ගෙනියන්න අමතක කරන්න එපා. මොකද එයාලා අපි එනකම් මග බලාගෙන ඉන්නවා.

5. ලංකාගම

ඡායාරූපය

සිංහරාජ මායිමේ හැංගුණු තවත් ලස්සන ගම්මානයක්. යන්න තියෙන්නෙ ගාල්ල, නෙලුවට ගිහින් එතනින් කොස්මුල්ල හරහා කැලේ මැදින් වැටුණු පාරක. කිලෝමීටර 3ක් 4ක් විතර තියෙනව. ගිං ගං මිටියාවතේ පිහිටපු ලංකාගම ගම්මානය මුලු මනින්ම ස්වයං පෝෂිතයි. කොස්, දෙල්, පොල් වලින් වගේම කුඹුරු කොරටු වලිනුත් අඩුවක් නෑ. විශේෂයෙන්ම කියන්න ඕන ලංකාගම වටේටම දිය ඇලි, ගල් තලා නම් පිරිලා. හිතේ හැටියට කෑම්පින්ග් කරන්නත් ඉඩ තියෙනව. වැඩේ කියන්නෙ මේ පැත්තෙත් තියෙනවනෙ ලස්සන දූවිලි ඇල්ලක්. එතකොට බ්‍රාහ්මණ ඇල්ල, ඌරන් වැටෙන ඇල්ල, ගල් ඔරුව ඇල්ල, තට්ටු ඇල්ල වගේ තව දිය ඇලි තොගයකුත් තියෙනව. ඒ කොහොම වුණත් කුරුලු කොබෙයියො, සතා සීපාවා නිතර දෙවේලෙ ගැවසෙන නිසා පාළුවක් නම් දැනෙන එකක් නෑ. හැබැයි ඉතින් මේ වැස්ස කාලෙ පටන් ගැන්මත් එක්ක ලංකාගම හියික් එක යන්න හිතන් ඉන්න කට්ටියට කූඩැල්ලන්ගෙන් ප්‍රවේසම් වෙන්න සෑහෙන්න ප්ලෑන් කරන්න වෙයි.

6. ගලමුදුන ගම

ඡායාරූපය

ඔය දොලොස්බාගෙ පැත්තෙත් ගලමුදුනක් තියෙනව. හැබැයි අපි කියන්න යන්නෙ ඒ ගල මුදුන නෙවෙයි.

මේ ගලමුදුන තියෙන්නෙ නුවර, මහියංගණ පාරෙ හුන්නස්ගිරිය, උඩුදුම්බර පැත්තට වෙන්න. උඩුදුම්බරින් තල්ගුණේ, හුළුගලට ගිහින් එතනින් උඩගල් දෙබොක්කට යන්න ඕන. වැඩේ කියන්නෙ එතන ඉඳනුත් කිලෝමීටර 2ක 3ක් ගියාම තමයි ගලමුදුන ගම හමුවෙන්නෙ. මේ හරිය ඇවිල්ල නකල්ස් කඳු පන්තියෙ එක බෑවුමක්. බත බුලතින් හොඳ හැටි සරු සාර ගලමුදුන ගමේ ජීවන රටාව ටිකක් දුෂ්කර වුනත් මිනිස්සු නම් ඉන්නෙ හරිම සතුටින්. මොකද කුඹුරු කොරටු වලින් එහෙම හොඳ අදායමක් එනවනෙ. ගංගා, ඇල දොළ වගේම කඳු නිම්න වලිනුත් අඩු නැති ගලමුදුන ගම උදේ පාන්දරට වගේම හවස් ජාමෙටත් හරිම ලස්සනයි. වෙල් යායට එපිටින් පේන ලකේගල, ඊට පැත්තකින් පේන යහන් ගල විතරක් නෙවයෙි උහුණුගල,තෙලඹුගල, කුවේණිගල, තුන්හිස්ගල වගේ කඳු තොගයක් ගලමුදුන ගම ලස්සන කරනව. එතකොට ගම මැදින් ගලා ගෙන යන හීන් ගඟත් ගමට ගේන්නෙ අමුතුම සුන්දරත්වයක්. හෙල්මළු ක්‍රමයට වගා කරපු ඉමක් කොනක් පේන්නෙ නැති වෙල් යායවල් වල අටවපු උඩපැල් ඈතට පේන අපූරුව, හිතටත් හොරා හිත ලංකා ඉතිහාසට ගෙනියන ගානයි. ඇත්තමට ගලමුදුන ගම කියන්නෙ නම් අපි කවුරුත් මැරෙන්න කලින් දැක ගන්න ඕන තැනක්.

මේ පාර වීක්එන්ඩ් එකට යන්න, ගිහින් හයිකින්ග්, කෑම්පින්ග් කරන්න එතකොට හිතේ හැටියට සොබාදහමෙ, ගමේ ගොඩෙත් සුන්දරත්වය අත්විඳින්න ලස්සන ගම්මාන 6ක් විතරක් කිව්ව කියල අවුලක් ගන්න එපා. මොකද ඊළඟ වීක්එන්ඩ් එකටත් අපි තවත් ලස්සන ගම්මාන 6ක් කියන්නනෙ හිතාගෙන ඉන්නෙ. කොහොම වුණත් යන්න රෙඩි පිට ඉන්න ඕන, හොඳද යාළුවනේ!

Share on facebook
Share on twitter
Share on whatsapp

Highlights.

Latest.

KAMU.

7 Restaurants to dine in July 2022

By Shamrina Carim July hits a beautiful urge to try out different foods, events and

Highlights Kamu Yamu Guide

Hot Chook – all about that Chicken

By Hiruni Herath Service and Ambience The head chef at Hot Chook was very helpful

Highlights Kamu

A glistening night out at Colombo’s finest local bar!

By Shamrina Carim A Sri Lankan experiencing the magical inspiration of Sri Lanka in the

Kamu

Ceylon Curry Club – Sri Lankan Cuisine With a Twist

By Janani Vithanage Ceylon Curry Club, located in the Dutch Hospital Shopping Precinct, is a

Kamu

The Delightful Indian Cuisine at Navaratna by Taj Samudra

Navaratna is an Indian Restaurant located in Taj Samudra Colombo. Taj Samudra is a 5-star

Kamu

10 Places to Get Sushi in Colombo

By Janani Vithanage A Japanese dish most often presented as vinegared sticky rice, seafood or

Highlights Kamu Yamu Guide

Trending.

Elvis the Sensationalist – the Movie Review

By Hiruni Herath The Movie If you’ve watched the movie trailer for Baz Luharmann’s Elvis,

Trending

Savor The Salt Of The Sea At Hilton Colombo

Fresh from the seafood markets to your table Colombo, Sri Lanka – 20th June 2022 – Partake

Trending

10 Types of Sri Lankans in Petrol Queues

By Janani Vithanage These days, spending time in the petrol queue is almost every Sri

Highlights Trending

Celebrating life with Perera & Sons

by Shamrina Carim Perera & Sons holds a privileged history of catering to the most

Highlights Trending

Before You Watch… Jurassic World Dominion

By Shamrina Carim The movie On a critic of honest opinions, Jurassic World Dominion is

Trending

Treats fit for a King at Ramada Colombo this Father’s Day!

Enjoy Father's Day special Grill, Lunch, Dinner, Deliveries, and Stays… This June 19th, we all

Trending

Yamu Guide.

7 Restaurants to dine in July 2022

By Shamrina Carim July hits a beautiful urge to try out different foods, events and

Highlights Kamu Yamu Guide

10 Places to Get Sushi in Colombo

By Janani Vithanage A Japanese dish most often presented as vinegared sticky rice, seafood or

Highlights Kamu Yamu Guide

The ideal skin care routine with Bio Oil

By Shanali Fernando Feeling overwhelmed, confused, and/or frustrated by the multitude of competing messages about

Highlights Yamu Guide

5 common causes of Dry Skin

The general cause of itchy, dry skin might seem like a no-brainer: It's a lack

Highlights Yamu Guide

7 Places to Watch the SL Vs. AUS ODI Matches

By Janani Vithanage Sri Lankan cricket may ot have been on its best footing over

Highlights Yamu Guide

5 Cooking Tips from Knorr

By Janani Vithanage Being a mother in today’s world is no easy task. From waking

Highlights Yamu Guide