ඔෆිස් එකේ පුටුව රත් කරලා ම ඇතිවෙලාද?.

“කන්තෝරුව තමයි මගේ විනෝද උයන" කියලා ඇන්ටන් ජෝන් මහත්තයා කිව්වට, වෙලාවට ඒක තරම් එපා කරන තැනක් ලෝකේ කොහෙවත් නැති තරම්. රාජකාරිවල පීඩනය විතරක් නම් කමක් නැහැයි කියමුකෝ. අයිස් බාප්පලා, ඕපදූප අම්මන්ඩිලා, කේලම්කාර ගැහැණු වගේම, චීත්ත ඇඳපු පිරිමි කරන වැඩ සේරම බලා කියාගෙන, තමන්ගේ වගකීම් ඉෂ්ට කරනවට අපට ඇත්තමයි වෙනම ගාණක් දෙන්න ඕනේ. හැබැයි වෙනසකටත් එක්ක, මේ සේරගෙන් ම මොහොතකට මිදිලා, තමන්ගේ පාඩුවේ නිස්කලංකේ වැඩ ටිකක් කරන්න පුළුවන් කැෆේ ටිකක් ගැන කියන්න අපි හිතුවා.

හැබැයි ඉතින් එක දෙයක් මුලින් ම කියන්න ඕනේ. හැම ඔෆිස් එකෙන්ම මේ වැඩේට අවසර ලැබෙන එකක් නැහැ. ඒ නිසා තමන්ගේ රැකියාවේ ස්වභාවය, ඔෆිස් එකේ වාතාවරණය ගැන එහෙම කල්පනා කරලා මේ තැන්වලට යනවා නම් තමයි හොඳ (පණ්ඩිතකම් කරන්න ගිහින් ලොක්කව එහෙම තරහා කරගන්නවා නෙවෙයි ඕං).   

1. Whight & Co

කොල්ලුපිටියේ මැරීන් ඩ්‍රයිව් එකේ තියෙන Whight & Co එක, හැමෝම දන්නා කියන සුපිරි කැෆේ එකක්. හොඳට ඉඩකඩ තියෙන මේ කැෆේ එකේ වයි-ෆයි පහසුකමත් තියෙනවා (පොඩ්ඩක් විතර හෙමින් හැබැයි). එස්ප්‍රෙසෝ, ෆ්‍රැපේ, කැපුචිනෝ වගේ කෝපි වර්ග කටට රහට, හොඳ කොලිටියට හදලා දෙන තැනක් තමයි මේ. ඒ විතරක් නෙවෙයි, සැන්විච්, බර්ගර්, සලාද ජාතිත් මෙතැනින් ගන්න පුළුවන්. අනික මේක පිහිටලා තියෙන්නේ කොල්ලුපිටියේ මුහුද පැත්තට බර වෙන විදියට නේ. ඒ නිසා පරිසරයේ ලස්සන බලන ගමන් ම තමන්ගේ වැඩක් කරගන්න පුළුවන්.

2. E-Cafe

හැව්ලොක් ටවුම පැත්තේ ඉන්න අයට, තනියෙන් විතරක් නෙවෙයි, කාණ්ඩෙ ගැහිලා වුණත් වැඩකරන්න පුළුවන් අපූරු තැනක් තමයි මේ. මෙතැන එකිනෙකින් වෙන්වුණු කාමර හතරක් තියෙනවා. එයිනුත් දෙකක් හොඳින් ආවරණය වෙලයි තියෙන්නේ.

පාටි දාන්න වගේම, කට්ටිය එක්ක එකට සෙට් වෙලා වැඩකරන්නත් මේ කාමර නියමයි. වයි-ෆයි පාවිච්චි කරන්නත් පුළුවන්. ලැප්ටොප් වුණත් අරගෙන ගියත් අවුලක් නැහැ. මොකද ඕනේ තරම් ප්ලග් පොයින්ට් එහෙමත් තියෙනවනේ.

3. Java Lounge

සුවපහසු වටපිටාව, සුහදශීලී සේවය, රස කෝපි සහ කෑම; මේ සේරම එකට එක්කාසු කරපු තැනක් විදියට ජාවා ලෞන්ජ් එක හඳුන්වන්න පුළුවන්. ජාවත්ත පාරේ තියෙන ජාවා ලෞන්ජ් එකේ රස කෝපි, ෆ්‍රැපේ ජාති වගේම, සුපිරි රසට හදපු ලසඤ්ඤා, පැස්ටා වර්ගත් ගන්න පුළුවන්. හැබැයි වයි-ෆයි පහසුකම තිබුණත්, ඒක අධිවේගී එහෙම නම් නෑ හොඳේ.

4. Black Cat Cafe

ගෙදර ඉඳන් වැඩකරනවා වගේ හැඟීමක් ගන්න ඕනේ නම්, යන්න ම ඕනේ තැන තමයි මේ Black Cat Cafe එක. කුරුඳුවත්තේ විජේරාම පාරේ පිහිටලා තියෙන මේ කැෆේ එකේ හොඳ කෝපි, සැන්විච්, විතරක් නෙවෙයි පලතුරු ජූස් වර්ගත් තියෙනවා.

වැඩකරන අතරතුරේදී පුංචි විවේකයක් ගන්න ඕනේ නම්, ඒකටත් කියාපු තැනක් මේක. මොකද රසවත් පොත් එකතුවකුත් තියෙනවනේ. හරිම සුහන්දශීලී කාර්ය මණ්ඩලයක් ඉන්න නිසා, සර්විස් එකත් පට්ට.

5. Hansa Coffee

හැව්ලොක් ටවුමට කිට්ටුව, ෆයිප් පාර හරියේ රස්සාව කරන උදවියටයි මේ කියන්නේ. නියම කැෆේ එකක් තියෙනවා ඔයාලා කිට්ටුව ම. ඉඩකඩ එච්චර නැති වුණාට “හංස කොෆි” එකේ තියෙන්නේ හරිම නිදහස් ගතියක්. කෝපි උගුරක රස බලන ගමන්, පොතක් කියවන්න වුණත් අපූරු තැනක් විදියට මෙතැන හඳුන්වන්න පුළුවන්.

6. Cup Cafe

ටවුන් හෝල් පිටිපස්සේ තියෙන කප් කැෆේ එක වැඩියෙන්ම ප්‍රසිද්ධ ලංකාවට එන විදේශිකයන් අතර. ඒකයි කියලා අපට යන්න තහනමක් නැහැනේ. මෙතැන කෑම වර්ග වගේම, කෝපි වර්ගත් හොඳ රසට තියෙනවා. කලබල ටවුමක් මැද පිහිටපු එකක් වුණත්, සෙනඟ තරමක් අඩුයි. ඒ නිසා නිස්කලංක වාතාවරණයක් මෙතැනින් දැකගන්න පුළුවන්.

7. Coco Veranda

“සුපිරි කෑම තියනවා”ය කියලා ම කියන්න බැරි වුණත්, Coco Veranda එක ෂේප්. හැබැයි මෙයාලගේ බීම වර්ග නම් හොඳයි. මොකද හොට් චොකලට්, තේ, ෆ්‍රැපේ, ජූස් වර්ග එහෙමත් තියෙනවනේ. කොළඹ හතේ වුණත්, මෙතන තියෙන නිදහස් පරිසරයට තමයි අපි ගොඩක් ම කැමති වුණේ. හැබැයි නිවාඩු දවස්වල නම් සෑහෙන සෙනගක් මෙහෙට එනවා. හොඳ සුවපහසු වටපිටාවක තියෙන Coco Veranda එක, තනියම වගේම කට්ටි ගැහිලා වැඩකරන්න පුළුවන් විදියේ තැනක්.

8. The Coffee Bean and Tea Leaf

ගාලු පාරට මුහුණලා, කොල්ලුපිටිය පැත්තට වෙන්න තියෙන කොෆි බීන් එක තමයි අපේ අදහසේ හැටියට හොඳම කොෆි බීන් ශාඛාව. තැනත් බොහොම පිරිසිදුයි. ඉඩකඩත් තරමක් තියෙනවා. ලිබර්ටි ප්ලාසා එකේ තියෙන කොෆී බීන් එකත් ෂේප්. හැබැයි හිටපු ගමන් වටේ පිටේ මහ සද්දෙට දාන සිංදු නිසා ටිකක් විතර හිත එකඟ කරගෙන වැඩක් කරගන්න අමාරුයි. මෙයාලගේ පරණ ම ශාඛාව තියෙන්නේ මේට්ලන්ඩ් චන්ද්‍රවංකය හරියේ නේ. එතැන වාතාවරණය නම් ඇත්තටම හොඳයි. සද්ද බද්දත් අඩුයි. හැබැයි සර්විස් එක නම් ගන්න දෙයක් නැහැ. ගොඩක් වෙලාවට පැත්තකට වෙලා ඔහේ වාඩිවෙලා ඉන්න තමයි වෙන්නේ. ශාඛාව කොහේ වුණත්, කෑම බීම දෙවර්ගේම හොඳ තැනක් විදියට කොෆී බීන් එක හඳුන්වන්න පුළුවන්.

අපි මේ සඳහන් කරපු කැෆේ කිහිපයම, ඔයාලට කරදරයක් නැතුව නිදහසේ වැඩ කටයුතු කරගන්න පුළුවන් තැන්. ඔෆිස් එකේ තියෙන ඒකාකාරි බවින් මිදිලා, ඉඳලා හිටලා හරි මේ වගේ තැනකට ඇවිත් වැඩකරන්න පුළුවන් නම්, ඔයාලගේ හිතට වුණත් හරි සැහැල්ලුවක් දැනේවී. ඒ විතරක් නෙවෙයි, රාජකාරිවලින් එන පීඩනයත් අඩු කරගන්න ඒක හේතුවක් වෙයිනේ.

මේ කියපු තැන් හැරෙන්න, ඔෆිස් එකේ කන්කරච්චලේ මග හරින්න ඕනෙකමට ඔයාලා යන්න පුරුදුවෙලා ඉන්න කැෆේ එහෙම තියෙනවද? එහෙනම් දාමුකෝ බලන්න කමෙන්ට් එකක්.

Share on facebook
Share on twitter
Share on whatsapp

Highlights.

Latest.

KAMU.

Ramada High Tea buffet – 2023

High Teas are quite the “Fash-un” these days, and we are stepping into a trendy

Kamu

Street Burger Hitting It Off With The Festive Menu!

By Shamrina Carim Christmas has gotten merrier with their mouth watering Festive menu this December

Highlights Kamu

Indulge your cravings at Indulge Desserts. Co

By RR Everyone’s favourite spot for a well-deserved chocolate overdose has opened their doors in

Kamu

Trying Scope Kitchen’s new menu – Dec 2022

By Hashini Pathirana Scope Cinemas, ever since their launch as Sri Lanka’s first multi-sensory luxury

Kamu

Cinnamon Lakeside’s delicious High Tea spread- 2022

Cinnamon Lakeside has made an exotic appearance at the main lounge, serving a range of

Kamu

Cooking with the Silvermill Coconut Culinary Range

As a Sri Lankan, can you imagine cooking without coconut? It is a universally accepted

Highlights Kamu

Trending.

Hilton Colombo Goes ‘Coconuts’

Unique Coconut infused dishes at Café Kai Colombo, Sri Lanka – 23 January 2023 - Café

Trending

Emperor’s Wok Celebrates Chinese New Year With Auspicious Cantonese Dishes

Hilton Colombo’s Chinese restaurant will offer a Reunion set menu, in addition to À la

Trending

Uber’s 2022 Cravings report reveals Sri Lanka’s love and hate relationship with onions

Uber looked at how you ordered on UberEats last year and discovered Sri Lanka’s love

Trending

Courtyard By Marriott Debuts In Sri Lanka With The Opening Of Courtyard By Marriott Colombo

Courtyard by Marriott, part of Marriott Bonvoy’s extraordinary portfolio of 30 brands, today announced the

Trending

What you missed at the Fairway Street Food Festival

By Hashini Pathirana Renowned to be known as one of the finest City hotels in

Highlights Trending

Yamu Guide.

7 Places to Hike in 2023

Have you ever thought of arranging a travel bucket list to climb a mountain this

Highlights Yamu Guide

Yamu’s Top Restaurant Picks for 2023

New Year, New Reviews? Say “hell yeah”! We have sorted out a few restaurants that

Highlights Yamu Guide

7 movies to look forward to in 2023

With the passing of another year, brings us a set of new movies to cherish

Highlights Yamu Guide

Gym Round Up 2023

By RR This one's for all of you who’ve had that exact same new year

Highlights Yamu Guide

7 New Year’s Eve Parties in Colombo (2022)

By RR That’s another year down and boy, what a year it’s been.  It’s time

Highlights Yamu Guide

5 Places to buy Christmas Decorations

By Hashini Pathirana In the spirit of Christmas, the most wonderful time of the year,

Yamu Guide