ළඟදී බඳින්නද ඉන්නේ? වෙඩිමට කලින් ඇඟ හදාගන්න දඟලන කෙල්ලන්ට, නියමෙට ගැලපෙන ටිප්ස් 9ක්.

මේ දවස්වල මොනවා හිඟ වුණත් වෙඩින්වලින් නම් අඩුවක් පාඩුවක් නැහැ. ඒ තරමට මඟුල්. කොච්චර කතා මුලදී කිව්වත්, තමන්ගේ මේ විශේෂ දවසේ ලස්සනට ඉන්න තමයි ඔය කවුරු කවුරුත් බලන්නේ. විශේෂයෙන් ම අපේ කෙල්ලෝ වැඩිපුර ම ට්‍රයි කරන්නේ ඇඟපත පොඩ්ඩක් හැඩේට හදාගන්න. ඉතින් ළඟදී බඳින්න ඉන්න එහෙම කෙල්ලන්ට ගැලපෙන ටිප්ස් ටිකක් කියන්නයි මේ ලෑස්තිය. ඇත්ත ම කිව්වොත් බර අඩු කරගන්න උත්සහ කරන්න කාට වුණත් මේවා වැදගත්.

1. පුළුවන් තරම් බොන්න

අයියෝ නෑ, නෑ; මේ කියන්නේ සැර ජාති බොන්න කියන එක නෙවෙයි. ඔය ඩයට් කෝක්, සෝඩා කතාව පොඩ්ඩක් පැත්තකින් තියලා පොඩ්ඩක් වතුර වැඩිපුර බොන්න කියන එක. ඇඟේ තියෙන්න පුළුවන් ඇඟට අහිතකර ටෝක්සින් ජාති දාඩිය වගේ ම මුත්‍රා විදියට පිට කරන්න මේ වතුර බීම උදව් වෙනවා. ඒ විතරක් නෙවෙයි, නිතර දෙවේලේ වතුර බොන නිසා අනං මනං කෑම කන්න තියෙන ඕනෙකමත් නැතිවෙනවා. සාමාන්‍යයෙන් දවසකට වතුර වීදුරු 8ක් බොන්න පුළුවන් නම් ගොඩක් හොඳ බව තමයි කියවෙන්නේ. ඒත් ඇත්ත ම ඔය වතුර ප්‍රමාණය තීරණය වෙන්නේ තමන්ගේ ඇඟේ බර අනූවයි. ඔයාගේ බර මැනලා, ඒ ගාණ දෙකෙන් බෙදන්න. ඒකෙන් එන උත්තරේ සමාන වෙන්නේ ඔයා දවසකට බොන්න ඕනේ වතුර අවුන්ස ගණනට. ඒ ගාණ බොන්න ඇහැකි නම් තමයි හොඳ ප්‍රතිඵල බලාගන්න පුළුවන් වෙන්නේ.

2. පෙරේතකමට වඩා බඩගින්නට මුල් තැන දෙන්න

පුරුදුවෙලා තියෙන කෑම රටාව එක සැරේ ම නවත්තන්න අමාරු බව හැබෑව. ඒ වුණාට පොඩ්ඩක් පාලනයක් තියාගෙන කන තරමට ඇඟට ගුණයි. අපේ ගොඩක් කට්ටිය මුලින් කන්නේ බඩගින්නට. ඊටපස්සේ කන්නේ පෙරේතකමට. ඔන්න ඔය පෙරේතකම මඟ ඇරලා බඩගින්නට විතරක් කන්න කාලේ තමයි දැන් ඇවිල්ලා තියෙන්නේ. ඔය චීන්නු එහෙම බත් කෝප්පයක් විතරක් කාලා යස අගේට ඉන්නේ. ඔයාලටත් තියෙන්නේ අන්න ඒ වගේ ප්‍රමාණෙක ට විතරක් කන එක.

3. වැඩි වැඩියෙන් කන්න

දැන් කට්ටිය බලනවා ඇති අහස පොළව වගේ වෙනස් කතා දෙකක්නේ මේ කියන්නේ කියලා. මේ කියන්නේ තියෙන තරම් කෑම බීම සේරම බඩට දාගන්න ලෑස්ති වෙන්න කියන එක නෙවෙයි. කෑම බීම පාලනයක් කරන මේ වෙලාවේ, වැඩි වැඩියෙන් පළතුරු, එළවලු කන එක සෑහෙන්න හොඳ පුරුද්දක්. මොකද මේදය අඩු මස් වර්ග ලංකාවේ හොයාගන්න හරි අමාරුයිනේ. තිබුණත් ගොඩක් ගණන්. ඒ නිසා එක ම විකල්පය වෙන්නේ එළවලු සහ පළතුරු.

බත් කනවනම් පීරිසියක් තරම බෙදාගෙන, ඉතුරු ටික එළවලුවලින් සම්පූර්ණ කරගන්න. ඒ වගේ ම, රෑ කෑම වේලට බර කෑමක් නොගෙන පළතුරු ටිකක් කන්න. බඩගින්නත් නැතිවෙනවා, ඇඟත් හැඩ වෙනවා. කන කෑම මොකක් වුණත් වෙලාව අරගෙන රස කර කර කන්න. එතකොට කොච්චර අඩුවෙන් කෑවත් හරි සංතෘප්ත ගතියක් දැනෙනවා (හරියට කෑවේ නැතත් බඩ පිරිලා වගේ).

කෙට්ටු වෙන කතාවත් පැත්තකින් තියමුකෝ. බලන්න එපෑය මේ එළවලු පළතුරුවල තියෙන ගුණේ. මෙන්න මේ ආටිකල් එක පොඩ්ඩක් කියවලා බැලුවොත්, ඔයාලටත් තේරේවි.

4. අමතර කෑමක් ළඟ තියාගන්න

සාමාන්‍යයෙන් කෑම පාලනයක් කරද්දී නිතර දෙවේලේ බඩගිනි වෙන එක ස්වාභාවික දෙයක්. හොඳට කාලා බීලා පුරුදුවෙලා උන්නු කෙනෙක්ට ඔන්න ඔය බඩගින්න දරාගන්න ගොඩක් අමාරුයි. සමහරුන්ට ඔලුව කැක්කුම්, ක්ලාන්ත එනවා ඕකට. ඒකට හොඳ ම විසඳුම වෙන්නේ අමතර කෑමක් ළඟ තියාගන්න එක. ඔය බ්‍රෑන් ක්‍රැකර් එකක්, පේර ගෙඩියක්, ඇපල් ගෙඩියක් වගේ දෙයක් ගමනක් යද්දී එද්දී වුණත් කකා යන්න ඇහැකි දේවල්නේ. ඇඟටත් හොඳයි. අනික ඔය වගේ අමතර කෑමකින් බඩ පිරුනොත්, ඊළඟ ප්‍රධාන වේල කන්නත් ඕනේ නැහැනේ.

5. අඩුවෙන් බොන්න

මේ කියන්නේ වතුර ගැන නෙවෙයි හොඳේ. මත්පැන් ගැන. සමහර කොක්ටේල් ජාතිවලින් ඇඟට එකතුවෙන කැලරි ගාණ වැඩියි. ඒ නිසා සතියකට දෙතුන් වතාවක් ඩ්‍රින්ක්ස් ගන්න පුරුදු වෙලා ඉන්න කෙනෙක්ට මේකෙන් වෙන්නේ ලොකු පාඩුවක්. මඟුල ගැන සලකලා බලලා, මේකත් ටිකක් පාලනය කරගත්තොත් ගොඩක් වටිනවා.

6. බත් වෙනුවට සුප්

මේකත් හොඳ වැඩක්. අපි ගොඩක් වෙලාවට සුප් බොන්නේ කෑමකට කලින්. එහෙම නොකර, ප්‍රධාන කෑම සුප් කරගත්තොත් මොකද වෙන්නේ? හොඳට එළවලු දාලා හදපු සුප් එකකින් ඇඟට ඕනේ කරන සේරම පෝෂ්‍ය ප්‍රදාර්ථ ලැබෙනවා වගේ ම, බඩගින්නත් නැතිවෙනවනේ.

7. හොඳට නිදියන්න

නින්ද කාටත් අත්‍යවශ්‍ය දෙයක්. කැලන්ඩරේ දවස් පෙරලි පෙරලී වෙඩින් දවස කිට්ටු වෙනකොට තියෙන වැඩ කන්දරාව මතක් වෙද්දී ඔලුව අවුල් වෙනවනම් තමයි. ඒත් ඒ ගැන කල්පනා කර කර නිදි වරණ එකේ කිසි තේරුමක් නැහැ. අඩු තරමේ පැය 7,8කටවත් නින්දක් ගන්න බලන්න. මොකද නින්ද මදි වෙද්දී රටේ ලෝකේ නැති බඩගිනි එන්න පුළුවන්.ඒ හැම වෙලාවට ම අතට අහුවෙන දේ කෑවොත්, ඇඟ හදාගන්නවා බොරු. ඔය සමහරු ස්ට්‍රෙස් වුණා ම මහත් වෙනවා කියන්නෙත් එකනේ. ඒ නිසා නින්ද අමතක කරන්න එපා.

8. ඔලුවට මහන්සිය නොදෙන්න

කිව්වත් වගේ කාලයක් තිස්සේ බලාගෙන ඉඳපු තමන්ගේ වෙඩින් දවස කිට්ටු වෙද්දී ගොඩක් අයට ස්ට්‍රෙස් ගතියක් එනවා. මොකද සේරම ගාණට නූලට නොතිබුණොත් ඕවා දික්කසාදෙන් වුණත් කෙළවර වෙන්න පුළුවන් ජාතියේ ප්‍රශ්නනේ. මෙන්න මේ කාලෙට තමයි ඔයාගේ යාලුවන්ගේ උදව්ව ඕනේ වෙන්නේ. ඔලුව බදාගෙන දහ අතේ කල්පනා නොකර, යාලුවොන්ට කතා කරලා ප්‍රශ්න තියෙනවනම් එයාලත් එක්ක බෙදාගෙන හිත සැහැල්ලුවෙන් තියාගන්න.

9. ව්‍යායාම ජීවිතේ කොටසක් කරගන්න

ඔය කෑම බීම පුරුදු මොනවා කරත් වැඩක් නෑ, මේ වැඩෙත් නොකරොත්. නින්ද වගේ ම ජීවිතේ කොටසක් විදියට ව්‍යායාමය පුරුදු කළොත්, කෙටි කාලෙකින් ප්‍රතිඵල බලාගන්න ඇහැකි. මේ දවස්වල තියෙන කළබලෙත් එක්ක, කොහෙන්ද ඕකට වෙලාවක් කියලා කෙනෙක්ට හිතෙන්න පුළුවන්. හැබැයි නිකමට හිතන්න, ඔයා නැගිටින්නේ උදේ 6ට කියලා. හෙට ඉඳන් 5.30ට ඇහැරිලා පොඩ්ඩක් ව්‍යායාම කරන්නකෝ. හැමදාම උදේට විනාඩි 20 – 30ක් මේ වැඩේ කරලා, කෑමත් පාලනය කළා ම, හරි ඉක්මනට ඇඟ අඩු කරගන්න පුළුවන් වෙනවා.

තවත් ඔයාලා දන්න, මේ වගේ ටිප්ස් තියෙනවද? පොඩ්ඩක් කමෙන්ට් එකක් දාන්නකෝ එහෙනම් අපේ යාලුවන්ට දැනගන්නත් එක්ක.

Share on facebook
Share on twitter
Share on whatsapp

KAMU.

Satisfy your Kottu cravings at KottuLabs

Located in Nawala down a little lane, Kottulabs is home to the widest and most

Highlights Kamu

A flavorful journey to the North East by Paadum Meen

An ecstatically beautiful place located down Frankfort place, Bambalapitiya has caught a significant eye for

Highlights Kamu

Hummus Festival 2022 – Graze Kitchen by Hilton

By Shamrina Carim The stunning atmosphere Walking into this masterpiece designed by an excellent interior

Kamu

A Luxury European Dining experience at 1864 Limited Edition

Ambience Intimate dining area for couples and friends Comfy lounge areas to sit and catch

Highlights Kamu

Pizza Hut – My Box Birizza Fever- review

By Sumaiya Jaleel Hurrah! Welcome back to your scrumptious feast. Pizza Hut has brought back

Highlights Kamu

The Hottest Food Fest of the Year: Eat Street Colombo

By Janani Vithanage After a 2 year (Covid induced break), Sri Lanka’s biggest, best food

Highlights Kamu

Trending.

Ramada by Wyndham Colomb Wins 2022 Tripadvisor Travelers’ Choice Award 

Ramada by Wyndham Colombo is recognized with the 2022 Tripadvisor Travelers' Choice Award for the

Trending

‘Encounters’: The Second Exhibition by the Museum of Modern and Contemporary Art Sri Lanka

-  A walk through history that gives you a feel of déjà vu, especially when

Trending

Cinnamon Lakeside Colombo’s ColomBar moves to newly refurbished location

04 May2022, Colombo: Colombo’s iconic and stylish destination bar, ColomBar, has been re-located to its

Trending

Spreading Mother’s Day Love with Ramada Colombo

Treat your Mother to lavish lunch, and high tea buffets, sweet treats, and plush stays. 

Trending

Eid Staycation at Sheraton Kosgoda TurtleBeach Resort

By Janani Vithanage Heralded by the first sighting of the crescent moon, Eid-al-fitr, which translates

Trending

Eid Staycation at Weligama Bay Marriott Resort & Spa

By Janani Vithanage Heralded by the first sighting of the crescent moon, Eid-al-fitr, which translates

Trending

Yamu Guide.

The Embazzy – a relaxing luncheon spot

By Hiruni Herath Service and Ambience Stepping into The Embazzy, it’s clear that the restaurant

Highlights Yamu Guide

What to expect at a Yala National Park Safari

Covering an extensive area of Southern and Uva Provinces, Yala is the second largest national

Yamu Guide

Everything you need at Online Kade

Located in the heart of Rajagiriya Online Kade also has a branch in Colombo 04

Yamu Guide

5 Co-working spaces in Colombo

By Tashia Ranasinghe Here are some more interesting places for all the digital nomads out

Highlights Yamu Guide

7 Buffets to Indulge In this Easter 2022

By Janani Vithanage As the youth of our nation make their voices heard, the birth

Yamu Guide

5 occasions to celebrate with Shirohana

By Rahma Rifkhar Okay, so, first question: Are you the colour-coordinated bullet journaling typa person

Highlights Yamu Guide