සතිඅන්තේ අපූරු සවාරියක්! රු. 8000ට අඩුවෙන් නිවාඩුව ගතකරන්න කියාපු නවාතැන් 6ක්.

ඉස්කෝලෙ නිවාඩුවත් ඉවර වේගෙන නේ එන්නෙ. නරකද ඊට කලින් පොඩ්ඩොයි ගෙදර උන්දැලයි එක්ක පොඩි ටුවර් එකක් එහෙම ගියා නම්. මොකද ඕවා හැමදාම යනව කියලයැ. අනික මාස ගණන් ගෙවල්වලට, වැඩපලවල්වලට හිරවෙලා ඉන්න එයාලගෙ හිතේ පොඩි හරි සතුටක් ඇති කරන්නත් හොඳම ක්‍රමයනෙ.

නිකම් බොරුවට වන්දනා ගමන් දාගෙන සෙනඟ අස්සෙ තෙරපිලා, රෑ නිදි වරාගෙන මහන්සිවෙලා ගෙදර එනවට වැඩිය කොච්චර හොඳද අතේ තියෙන ගාණට පුංචි හෝටලයක් බලල බුකින්ග් එකක් දාලා සුවපහසු දවසක් ගත කරල ආපහු එන එක.

එතකොට කෑමබීම ටිකත් අත ළඟට ම, නාන්න කරන්නත් හිතේ හැටියට නැචුරල් පූල් තියෙනව, ලීයෙන් හරි මැටියෙන් හරි හදපු කොටේජ් එකක් වුණොත් ෆුල් කූල් එකේ සැප නින්දක් දාන්නත් පුළුවන්. ඊටත් සුන්දර වටපිටාව! පොඩ්ඩොන්ට වගේ ම වැඩිහිටියන්ටත් එළියට බැහැලා විනෝද වෙන්න, කැලේකොලේ ඇවිදලා ගහකොළ, සතා සීපාවා, කුරුලු කොබෙයියො දැකගන්න, හැන්දැ වෙන්න අල්ලල ගිනිමැල පාර්ටියක් දාන්න… ඒ විතරක් නෙවෙයි, කොහොමද රෑ කෑම එක ලන්තෑරුම් එළියෙ ලෑස්ති වෙද්දි? ආයෙ ඉතින් අමතක නොවෙන අත්දැකීම් තමයි හොඳද.

දැන් ඉතින් දස අතේ කල්පනා කරන්න ඕන නෑ කොහොමද එහෙම අතේ තියෙන ගාණට හෝටල් හොයන්නෙ කියල. මොකද අපි ඒ වැඩේ දැනටමත් කරල තියෙන්නෙ. ලංකාවෙ ලස්සනම පැතිවල වන වදුලු අස්සෙ හැංගුණු අපූරු හෝටල් ටිකක්… හැරත් ඔක්කොම වගේ ලීයෙන් මැටියෙන් හදපු සුවපහසු ම තැන්. ඔන්න පහළින් තියෙනව, ඔයාලට කරන්න තියෙන්නෙ ඒ ටික බලලා හිතට සෙට් වෙන එකක් අල්ලල බුකින්ග් දාන්න තමයි.

හැබැයි ඉතින් එකක්! කැලේකොලේ  ගියා වගේ නෙවෙයි ඔයාලත් පරිස්සම් වෙලා කැලෙත් පරිස්සම් කරගන්න ඕන හරිද?

1. Manthally Cabanas (Hikkaduwa)

මුහුද නම් මුහුද කැලේ නම් කැලේ කියලා ඕන තෝරගැනීමකට ඉඩ තියෙන්න, යන්න හික්කඩුව, නරිගම මැන්තලි කබානාස්වලට. ඇත්තටම මේක පිහිටල තියෙන්නෙ බීච් ලයින් එකේ නම් නෙවෙයි. ටිකක් ඇතුළට වෙන්න. වටපිටාවෙ ලොකු කැලයක් නැති වුණාට වෙල්, බඩවැටි, ලඳු කැලෑවලින් පිරිලා නිසා සොබා සෞන්දර්යයේ කියන්න තරම් අඩුවක් නෑ. අනික සියල්ල ලීවලින් නිමවුණු කබානා නිසා සැපපහසුකමත් උපරිමයි. හැරත් ගියපු උදවිය කියනවනෙ මෙතන කෑමත් පංකාදු පහයි කියල. ඔක්කොමත් හරි විනාඩි 10, 15 දුර ගෙවල හැන්දෑවට බීච් එක පැත්තෙ රවුමක් ගහල ආව නම් කෙලින්ම බාබකියු එකට සෙට් වෙන්නයි තියෙන්නෙ. ඊට පස්සෙ ඉතින්… නිස්කලංක පරිසරයෙ, හීන් බොංගො, ගිටාර් තාලයකට තරු පිරිච්ච අහස දිහා බලාගෙන!

2. Ella Tree House (Ella)

මෙන්න ට්‍රී හවුස් කිව්වලු. ඇල්ල රොක් යන පාරෙ පුංචි ලන්දක, බෑවුමට වෙන්න අල්ලල තමයි මේක හදල තියෙන්නෙ. වටිනාකම කියන්නෙ ඒකෙ එක පාරකට ඉන්න පුළුවන් එක පවුලකට විතරයි. ඒ නිසා බුකින්ග් දාන ඔයාලට උපරිම නිදහස. අනිත් කාරණය තමයි උඩ තට්ටුවට පේන විව් එක. පුංචි ශ්‍රීපාද කන්දෙ ඉඳන් ඇල්ල කපොල්ලෙ කඳු සෙට් එක ම වගේ පේනව. අනික උදේට ඉර පායද්දි එහෙමත් ට්‍රී හවුස් එක හරිම ලස්සනයි. ඇල්ල රොක්, කිතල් ඇල්ල අවට කැලේ නිසා මේ හරියෙ කුරුලු කොබෙයියො එහෙමත් එමටයි. එකම අවුල තියෙන්නෙ හැන්දෑවට ගිනිමැළයක් ගහන්න තැනක් නැති එක තමයි. හැබැයි එයාලට කිව්වොත් ඒකත් මොනව හරි කරල දෙයි ඉතින්.

3. Travellers Hideout (Monaragala)

මේකත් ට්‍රී හවුස් එකක්. හැබැයි පිහිටල තියෙන්නෙ මොනරාගල, බටුගම්මන මහ කැලේ. නිකම් නෙවෙයි, පොඩි ඔය පාරකට මායිම් වෙච්ච මහ ගහක කරටියෙ. කිව්වට විශ්වාස කරන්න යාළු මේ පැත්තෙ සතා සීපාවා කිව්වාම අලි, කොටි,වලසුන්ගෙ ඉඳන්ම ඉන්නව. කුරුලු කොබෙයියන්ගෙනුත් අඩුවක් නෑ. දවස ම ෆුල් නිස්කලංකෙ ඉන්න කියාපු තැන. ඊටත් උදේට හැන්දෑවට උඩට පේන විව් එක කියල නිම කරන්න බැරි තරම්. අනික කෑම ටිකත් පංකාදු පහට, ගමේ රහට හැදෙනවනෙ. හැන්දෑවට ඔය ඉවුරට බැහැලා ටොප් ගිනිමැල, බාබකියු පාටියක් දාන්නත් පුළුවන්. හැබැයි ඉතින් පරිස්සමට හොඳද!

4. Heaven Natural (Sigiriya)

එකම තැනක් විසඳුම් දෙකක්. ඕන නම් කූඩාරමේ නැත්නම් ලී කොටේජ් එකේ. හැබැයි කොහේ හිටියත් සුවපහසුවෙ අඩුවක් නෑ උපරිම ලක්ෂරි. සීගිරිය, රන්ගිරිගම තියෙන මේ ‘ස්වභාවික දිව්‍යලෝකය’ වටේට ම තියෙන්නෙ වෙල් යායවල්. ඊට පස්සෙ කැලේ. නිකම් නෙවෙයි අලි ගහන කැලේ. ඒ නිසා ම හැන්දෑවට එහෙම හිතුමතේ රවුම් ගහන්න බෑ. හැබැයි කොටේජ් කිට්ටුව එයාලා ලෑස්ති කරන ගිනිමැල, බාබකියු වැඩ නිසා එහෙම යන්න ඕන වෙන්නෙත් නෑ. කොහොම වුණත් උදෙන් ම නැගිටල රන්ගිරිගම වැව පැත්තෙ රවුමක් දාන එක නම් වටිනව. මොකද කුරුල්ලො තොගයක් බලාගන්න පුළුවන්. නැතත් ඉතින් පාන්දරින්ම සීගිරිය, පිදුරංගල වන්දනා කරන්න යන්න වුණත් බැරියැ. මෙයාල ළඟත් සුපිරි ගමේ කෑම ටිකක් තියෙනව කියල තමයි ආරංචි. 

5. Sigiri Queens (Sigiriya)

මේකත් තියෙන්නෙ සීගිරියෙ, පිදුරංගල කිට්ටුව. මෙයාලගෙ බංගලාව නම් එච්චර ම හරියන්නෙ නෑ. හැබැයි ට්‍රී හවුස් එක පංකාදුයි. ඊටත් වටපිටාව ම කැලේ නිසා සත්තු බලන්න එහෙමත් නියමයි. අලි එහෙම ඉන්නව පැලෙන්න. පිදුරංගල, සීගිරිය දැක බලාගන්නත් මෙතන ඉඳන් පොඩි දුරයි තියෙන්නෙ. ඒ නිසා පාන්දරින් ම ඇහැරෙන්න ඕනත් නෑ. ඉර පායනකම් උඩට වෙලා ඉඳලා, ඒ සුන්දරත්වයත් විඳලම පල්ලෙහාට බහින්න පුළුවන්. අනික වටපිටාවෙ හොඳ හැටි ඉඩ තියෙන නිසා හැන්දෑ ගිනිමැල පාර්ටියත් හිතේ හැටියට දාන්න පුළුවන්. දාලා ඉතින් ලන්තෑරුම් එළියෙ රෑ කෑම වේල රස බලල එහෙම නේ…

6. Kumbuk Sevena (Kitulgala/ 077 7074381)

කිතුල්ගල, බිබිලෙ ඔය ගං ඉවුරෙ පැල් කොටවල ගහපු ටෙන්ට් එකක කෑම්පින්ග් අත්දැකීමක් ගන්න. නැත්නම් ලී කොටේජ් එකක හොඳ සුවපහසු රැයක් ගතකරන්න, යන්න කුඹුක් සෙවණට. ගමේ රහට වගේ ම බටහිර රහට වුණත් කෑම ටිකක් නම් මෙතනින් රසබලන්න පුළුවන්. ඊටත්, හැන්දෑවට සුපිරි බාබකියු පාටියක් එහෙමත් දැම්මහැකිනෙ. ගං ඉවුරෙ ගල් තලාවකට කිට්ටුකරල පොඩි ගිනි මැලයක් ගහගෙන, ආයෙ සුපිරි ඈ… ඒ හැරුණාම ඉතින් කැලේ කොලේ රිංගල සතා සීපාවො, කුරුල්ලො එහෙම බලල හිතේ හැටියට ගඟෙන් නාගෙන සුපිරි කැලෑ අත්දැකීමක් ගන්නත් පුලුවන්නෙ. ඇත්තටම තෙත් කලාපීය නිවාඩුවකට යනව නම් සුපිරිම තැනක් තමයි මෙතනත්.

ආයෙ ඉතින්… තව තියෙනව. හැබැයි ඔක්කොම එක පාර කියන්න බෑනෙ. මොකද ඊළඟ නිවාඩුවටත් ටිකක් තියාගන්න එපැයි. ඒත් ඒ අතරට ඔයාලට පුළුවන්, ඔයාලා දන්න මේවගේ ලස්සන ලස්සන නවාතැන් අපිට කියන්න. එතකොට අපිට පුළුවන් ඔවයෙ රවුමක් ගහල විනෝද වෙලා… අපේ අනිත් යාළුවන්ටත් කියන්න, බය නැතුව යන්න කියල නේ…!

Share on facebook
Share on twitter
Share on whatsapp

Highlights.

Latest.

KAMU.

Indulge in Japanese Culinary Bliss at Minori Restaurant

By Sahasni Gamage Nestled within the luxurious Granbell Hotel, Minori Japanese Restaurant offers an unparalleled

Highlights Kamu

Experience flavorful Singaporean delights with a modern twist at Shiok!

By Sahasni Gamage We recently had the pleasure of dining at Shiok Singaporean Restaurant, which

Highlights Kamu

7 Fantastic Pizza Places to Try in Colombo

By Shamrina Carim Colombo, the vibrant capital city of Sri Lanka, is a haven for

Highlights Kamu

High Tea Guide for 2023

You and your friends decide to meet up after your last farewell, get together or

Highlights Kamu

Excel World Legacy Food Court launches Indi-Arabia Menu

By Hashini Pathirana https://www.tiktok.com/@yamusrilanka/video/7252917491427511560 Experience a culinary journey like no other at Excel World's launches

Kamu

A Taste of Jaffna at Flavoured by Cinnamon Red

By Hiruni Herath Flavoured at Cinnamon Red is enclosed by stunning views of the Colombo

Highlights Kamu Uncategorized

Trending.

Radisson Blu Resort Galle recently organized a delightful wine-tasting occasion

Radisson Blu Resort Galle recently hosted a delightful wine-tasting event on September 17th, showcasing an

Trending

Hilton Sri Lanka Collaborates with VOICE Area Federation to Enhance Community Resilience and Combat Hunger

For a brighter and secure Sri Lanka, fostering sustainability via community farms and kitchen programs.

Trending

Galle Face Hotel Presents ‘Yaalpana Santhai’ – A Gastronomic Journey into Jaffna Cuisine

Colombo, Sri Lanka – The Galle Face Hotel, an iconic landmark in Sri Lanka's hospitality

Trending

The Latest MSI Limited-Edition Stealth 16 Mercedes-AMG Motorsport is Available Now

MSI, the world-leading laptop brand, proudly unveiled its latest limited-edition laptop, the Stealth 16 Mercedes-AMG

Highlights Trending

Türkiye Food Festival Unveiled at Courtyard by Marriott Colombo

Colombo, September 4, 2023 - Courtyard by Marriott Colombo, an esteemed member of the Marriott

Trending

A Pho-Nomenal Vietnamese Feast at Cinnamon Grand Colombo

Vietnamese food has made its mark on the global culinary map with favourites such as

Trending

Yamu Guide.

Spotting Blue Whales in Mirissa with Chaminda Whale Watching

The whale watching tour in Mirissa Start time: 6:30am Duration: 3-5 hours depending on sightings

Highlights Yamu Guide

The Rise of Plant-Based Diets: Benefits and Challenges

By Shamrina Carim In recent years, plant-based diets have surged in popularity, drawing attention for

Highlights Yamu Guide

6 Things to Do at One Galle Face

Set against the panoramic backdrop of the Indian Ocean "Colombo’s first prestigious shopping mall is

Highlights Yamu Guide

7 Things to do at Colombo City Center

By Shanali Fernando 1. Shop till you drop A stunning integrated lifestyle destination set in

Highlights Yamu Guide

Wedding Venue List 2023

By Shanali Fernando When envisioning your wedding day, you may find yourself torn between various

Highlights Trending Yamu Guide

8 Places to get an Eid Sawan this Hajj Festival

The Muslims celebrate Hajj globally on the 29th of June, 2023. No doubt, along with

Highlights Yamu Guide