Black Lives Matter නිසා ලෝක ප්‍රසිද්ධ වෙළෙඳ නාම වෙනස් වුණ හැටි!.

පහුගිය දවස්වල ඇමරිකාවෙ සිද්ධ වුණ ජාතිවාදී කලබගෑනිය ගැන හැමෝම දන්නවනේ. ඇමරිකාවේ මිනේපොලිස් නගරයේදී සුදු ජාතික පොලිස් නිලධාරියෙකු විසින් දණහිසින් ගෙල සිර කරලා ජෝජ් ෆ්ලොයිඩ් නම් කළු ජාතිකයා ඝාතනය කිරීමත් සමග ඇමරිකාවෙන් පටන් අරං ලෝකය පුරා ම පැතිර ගිය Black Lives Matter උද්ඝෝෂණ මාලාව නිසා ජාතිවාදයට එරෙහි අලුත් කතිකාවක් ඇති වුණා. ඒ තත්ත්වය බොහෝ දෙනෙකුගේ සිතුම් පැතුම් වෙනස් කරන්නත් දායක වුණා.

Black Lives Matter රැල්ල ලෝකයට කොච්චර බලපෑවා ද කියනව නම්, අපි නොදැනුවත්වම කරමින් හිටපු ජාතිවාදයට, වර්ණවාදයට උඩගෙඩි දෙන ක්‍රියාකාරකම් ගැන අපේ ඇස් අරවන්න එය සමත් වුණා. මේ කියන්න යන කාරණයත් එවැන්නක්.

සුදු කියන්නේ හොඳ සංකේතවත් කරන වර්ණයක්, කළු කියන්නේ නරක සංකේතවත් කරන වර්ණයක් කියල පොඩි කාලෙ ම අපේ ඔළුවලට විෂබීජයක් එන්නත් කෙරෙනවා. මේක සිද්ධ වෙන්නේ දෙමාපියන් සහ වැඩිහිටියන් අතින්. අලුත දරුවෙක් ඉපදුණාම එයාගෙ හම සුදු නැත්තං ආච්චි අම්මලා මූණ එල්ලගෙන ඉන්නවා ඕගොල්ලො ඕන තරම් දැකල ඇති. මේ වැඩිහිටියෝ පුතෙකුට මනමාලියක් හෙව්වත් හොයන්නේ පැහැපත් සමක් තියන කෙනෙක්. මගුල් ගෙදරක මනමාලි කළුයි නං නෑදෑයෝ ඒ ගැන කුටුකුටු ගාල කතා වෙනව ඕගොල්ලන්ට ඇහිලා ඇති.

සුදු ලස්සනයි කළු කැතයි කියන විෂබීජය අපිට එන්නත් වුණේ ලංකාව යටත්විජිතයක් වීමත් එක්ක. හැබැයි අපිව යටත් කරගත් රටවල් ඒ හණමිටි බිමින් තිබ්බට පස්සෙත්, අපි තාමත් හණමිටි කරේ තියාගෙන යනවා. Black Lives Matter විරෝධතා මාලාව මේ වර්ණවාදය ගැන නැවත හිතල බලන්න අපි හැමෝවම පෙළඹෙව්වා. අලුත් ම ආරංචිය තමයි, Black Lives Matter එක්ක එකතු වෙලා වර්ණවාදයට එරෙහි ව පෙනී ඉන්න, ඇතැම් සුප්‍රසිද්ධ වෙළෙඳ නාම කටයුතු කරමින් ඉන්නවා කියන කාරණය.

සාමාන්‍යයෙන් තමන්ගේ භාණ්ඩය විකුණගන්න ඕන ම මාකටිං ට්‍රික් එකක් පාවිච්චි කරන්න බ්‍රෑන්ඩ්ස් ලෑස්තියි කියලයි පොදු ජනතාවගෙ පිළිගැනීම. හැබැයි මේ තොරතුරු ඇහුවම තේරෙන්නේ, සල්ලිවලට වඩා වටින සමාජ වගකීමක් තමන්ට තියන බව වටහාගන්න සමහර වෙළෙඳ නාමවලට හැකියාව ලැබිල තියන බවයි.

නයිකි 

මේ විරෝධතා මාලාවට මුලින් ම සහාය පළ කරපු වෙළෙඳ නාමයක් තමයි නයිකි. මේ සඳහා ඔවුන්ගේ Just do it කියන ටැග්ලයින් එක වෙනස් කරමින් ඔවුන් වෙළෙඳ දැන්වීමක් නිෂ්පාදනය කළා. For once, don’t do it තමයි එහි තේමාව. මේ තියෙන්නේ ඒ දැන්වීම. ජාතිවාදයට උඩගෙඩි දීමෙන් වළකින්න කියන එකයි එහි පණිවිඩය.

එස්කිමෝ පයි අයිස්ක්‍රීම්

අවුරුදු 100ක් විතර පරණ අයිස්ක්‍රීම් බ්‍රෑන්ඩ් එකක් වෙන එස්කිමෝ පයි, තමන් දිගු කාලයක් තිස්සේ ගොඩ නඟා ගත්ත නමට ආයුබෝවන් කියල මේ අවුරුද්ද අග වෙද්දි රීබ්‍රෑන්ඩ් වෙන්න ලු හදන්නේ. ඒකට හේතුවත් ජාතිවාදයට එරෙහිව ඇරඹුණු විරෝධතා. අපි නොදන්නවා වුණාට ‘එස්කිමෝ’ කියන වචනය ඇලස්කාවේ සහ ආක්ටික් කලාපය ආශ්‍රිත ප්‍රදේශවල උපන් ජනතාව හඳුන්වන්න යටත්විජිතවාදීන් විසින් පාවිච්චි කෙරුණු, පරිභවකාරී ස්වභාවයක් සහිත වචනයක් ලු. ඉතින් ඒ නිසා මේ වචනය පාවිච්චි කිරීමෙන් එක්තරා ජන කොටසකට අවනම්බුවක් සිද්ධ වීම කියන කාරණය, මේ අයිස්ක්‍රීම් සමාගම සැලකිල්ලට අරගෙන තියනවා.

අංකල් බෙන්’ස්

අංකල් බෙන්’ස් කියන්නේ සහල් විකුණන වෙළෙඳ නාමයක්. මේකේ පැකට්ටුවේ තියන ලෝගෝ එකේ ඉන්නේ කළු ජාතික පිරිමි පුද්ගලයෙක්. ‘අංකල්’ කියන වචනය ඉතිහාසයේදී වහල්ලු හඳුන්වන්න භාවිත කළ වචනයක්. ඒ නිසා ‘දැන් අපි වෙනස් විය යුතු කාලයයි’ කියල මේ වෙළෙඳ නාමය හිමි තැනැත්තන් ප්‍රකාශ කරලා තියනවා.

ආන්ට් ජෙමීමා

ආන්ට් ජෙමීමා කියන්නේ පෑන්කේක් සහ වොෆල් මිශ්‍රණයක්. මේකෙත් පැකට්ටුවේ තියන ලෝගෝ එකේ ඉන්නේ කළු ජාතික කාන්තාවක්. මේ රූපය සහ වෙළෙඳ නාමයත් වෙනස් කරන්න හිමිකරුවන් කටයුතු කරමින් ඉන්නවා ලු.

ඩාලි

චීනය, පිලිපීනය, තායිලන්තය වගේ රටවල විකුණන ඩාලි නමැති ටූත්පේස්ට් එකක් කොල්ගේට් විසින් නිෂ්පාදනය කරනවා. 1989 දී ඩාලි කියල වෙනස් කරන්න කලින් මේකේ නම වෙලා තියෙන්නේ ඩාකි. ‘බ්ලැක් පර්සන් ටූත්පේස්ට්’ කියල තමයි හඳුන්වල තියෙන්නේ. මොකද මේකේ ලෝගෝ එක වෙලා තියෙන්නේ සුදු දත් දෙපෙළක් සහිත කළු සමක් තියන කෙනෙකුගේ රූපයක්. දැන් මේ අයත් තමන්ගේ නිෂ්පාදනය අලුත් නමකින් සහ ලෝගෝවකින් ඉදිරිපත් කරන්න බලාපොරොත්තු වෙනවා ලු.

ෆෙයාර් ඇන්ඩ් ලව්ලි

හින්දුස්තාන් යුනිලීවර් ලිමිටඩ් සමාගමට අයත් ඉන්දීය ෆෙයාර් ඇන්ඩ් ලව්ලි බ්‍රෑන්ඩ් එක ගැන නං කවුරුත් දන්නවනේ. ඔවුන් සම්බන්ධයෙන් අද ඉතා ම ආන්දෝලනාත්මක ප්‍රවෘත්තියක් වාර්තා වුණා. ඒ තමයි ෆෙයාර් ඇන්ඩ් ලව්ලි නමෙන් ‘ෆෙයාර්’ කොටස ඉවත් කරලා වෙළෙඳ නාමය රීබ්‍රෑන්ඩ් කරන්න ඔවුන් තීරණය කරලා තියනවා කියන එක.

ඉන්දියාව කියන්නෙත් හමේ වර්ණය ගැන අපි වගේ ම සෑහෙන වද වෙන රටක්. එහෙම පසුබිමක් තුළ මෙවැනි තීරණයක් ගන්න වෙළෙඳ නාමයක් කටයුතු කරනවා කියන්නේ බොහොම ප්‍රගතිශීලී වැඩක්. මේකත් ඔවුන්ගේ මාකටිං ස්ට්‍රැටජි එකක් කියලත් කාටහරි තර්ක කරන්න පුළුවන්. හැබැයි ‘පොලිටිකලි කරෙක්ට්’ වෙන්න හිතාගෙන ඔවුන් මේ තීරණය ගන්නේ බ්‍රෑන්ඩ් එක ලොකු අවදානමකට හෙළමින් කියලත් අමතක කරන්න බෑ.

Share on facebook
Share on twitter
Share on whatsapp

Highlights.

Latest.

KAMU.

Cinnamon Lakeside’s delicious High Tea spread- 2022

Cinnamon Lakeside has made an exotic appearance at the main lounge, serving a range of

Kamu

Cooking with the Silvermill Coconut Culinary Range

As a Sri Lankan, can you imagine cooking without coconut? It is a universally accepted

Highlights Kamu

Cheers to The Great Indian Roast at Bombay Borough

By Hashini Pathirana We are all here for a short time and definitely for a

Highlights Kamu

Get Fuel’d with Street Burger’s All New Lunch Menu!

By Shamrina Carim Street Burger has launched an exciting, affordable, and a simple lunch menu

Highlights Kamu

Fine Dining with a Sri Lankan twist

Black Coral at Jetwing Beach, Negombo By Shanali Fdo Bringing the luxury of fine dining

Kamu

An epic Saturday brunch at Uga Residence

By Shamrina Carim Rare bar + Kitchen is a quintessential significant historical home that is

Highlights Kamu

Trending.

Kingsbury Colombo launches a “Christmas Carriage of Hope”

The Kingsbury Colombo launched their “Christmas Carriage of Hope”, a festive icon that represents the

Trending

PickMe celebrates the launch of PickMe Pass!

PickMe had an exciting event where they celebrated the launch of their new initiative PickMe

Trending

Shangri-La Colombo Toasts to Five Years of Celebrating the Colorful Joys of Life

Shangri-La Colombo toasts to five years of celebrating the colourful joys of life here in

Trending

Don’t miss these 11 Daraz Deals on Electronic Appliances

Daraz 11.11 Biggest Sale! Daraz, the leading e-commerce platform in Sri Lanka, is all prepped

Trending

A Cabin Immersed in Nature

The Latest Addition to Hanthana Eco Lodge Delivers a Transcending Experience Inspired by the wonders

Trending

Vegan and Vegetarian Spots around Colombo (October 2022)

By RR This article is dedicated to all the vegans and vegetarians out there looking

Highlights Trending Yamu Guide

Yamu Guide.

5 Places to watch the FIFA World Cup

By RR It's been a week of toasting wins and drowning sorrows around the globe. 

Highlights Yamu Guide

High Tea Buffet Round Up 2022

By Ruchika Seneviratne The exquisite British tradition of High tea has well and truly cemented

Highlights Yamu Guide

Vegan and Vegetarian Spots around Colombo (October 2022)

By RR This article is dedicated to all the vegans and vegetarians out there looking

Highlights Trending Yamu Guide

5 Things to expect at Nelum Kuluna

By Ruchika Seneviratne It is the ‘Full happening’ place in Colombo right now. It seems

Yamu Guide

7 Cozy Cafés around Colombo (October 2022)

By Rahma Rifkhan Every now and then, we all just need to press pause on

Highlights Yamu Guide

6 Stores to get the iPhone14

By Shanali Fdo Bigger and better than ever Apple has done it again! The talk

Highlights Yamu Guide