ආයෙත් ලොක්ඩවුන් එකක් එයි ද? එහෙම වුණොත් කරන්න ඕන මොනවද?.

පහු වුණ මාර්තු මාසේ කොරෝනා නිසා ලංකාව ලොක්ඩවුන් කළාට පස්සෙ නැවත සාමාන්‍ය තත්ත්වයට පත් වෙන්න මාස හතරක් පහක් විතර ගියා. ඒත් මේ සාමාන්‍ය තත්ත්වය කියන්නෙ කලින් තිබුණු තත්ත්වය නෙමෙයි කියල අපි හැමෝම දන්නවා. ඒත් කල් ගත වෙද්දි රෝගීන් වාර්තා වීම අඩු වීමත් එක්ක අපි හිතුවේ අවදානම ටික ටික පහ වෙලා කියලා. ඒත් අවාසනාවකට දැන් ලංකාව කොරෝනා දෙවෙනි රැල්ලට ගහගෙන යන්න පටන් අරං. නැවතත් ලොක්ඩවුන් එකක් අත ළඟ වගේ දැනෙනවා.

දෙවෙනි රැල්ල ගැන මුලින් ම වාර්තා වුණේ මිනුවන්ගොඩ, දිවුලපිටිය පැත්තෙන් වුණත් දැන් දැන් ලංකාව හැම තැනින් ම රෝගීන් එක්කෙනා දෙන්නා හමු වෙනවා. ඒ විදිහට පහු වුණ පැය 30 ඇතුළත හමු වුණ රෝගීන් සංඛ්‍යාව විතරක් 200කට අධිකයි.

නැවතත් රට ලොක්ඩවුන් කරයි ද? එහෙම වුණොත් අපි කරන්න ඕන මොනවද? මේ තත්ත්වය යටතේ අපි හැමෝගෙම හිතේ තියෙන්නේ මේ ප්‍රශ්නේ. 

කලබල වෙන්න එපා

මුලින් ම නවත්තගන්න ඕන දේ තමයි කලබල වෙන එක. ඔබ කළ යුතු එක ම දේ නිල සෞඛ්‍ය අංශවලින් ලබා දෙන ආරක්ෂක උපදෙස් අකුරට ම පිළිපැදීම විතරයි. COVID-19 රෝගය සහ ඒ සඳහා අනුගමනය කළ යුතු නිසි සෞඛ්‍ය පියවර ගැන නිවැරදි, නිල තොරතුරු සපයන මූලාශ්‍ර විතරක් ඇසුරු කරන්න. ඉන්ටනෙට් එකේ හම්බෙන හැම දේ ම විශ්වාස කරන්න හෝ ෂෙයාර් කරන්න යන්න එපා. ඔබේ කලබලය නිසා වැරදි තොරතුරු පැතිරෙන්න සහ ඉන් නැති ප්‍රශ්න ඇති වෙන්න ඉඩ තියන බව මතක තියාගන්න.

අනික් දේ තමයි කලින් සැරේ නම් ලොක්ඩවුන් එකක් කියන්නෙ මොන වගේ අත්දැකීමක් ද කියලා අපිට අවබෝධයක් තිබුණෙ නෑ. ඒත් දැන් අපි දන්නවා කරන්න ඕන මොනවද, නොකරන්න ඕන මොනවද කියලා. කලින් සැරේ වගේ කෑම හදන්න, පැළ හිටවන්න, පොත් කියවන්න, ෆිල්ම් බලන්න, පවුලේ අය එක්ක කාලය ගෙවන්න, විවේක ගන්න මේකත් අවස්ථාවක් කරගමු. එහෙම ධනාත්මකව, ඉවසීමෙන් හිටියොත්, දුෂ්කර කාලය ගෙවිල යනකන් කලබල නොවී අපේ මානසික සෞඛ්‍යය හොඳින් පවත්වාගන්න අපිට පුළුවන්. මොකද ලොක්ඩවුන් එකක් එනව නම් එන්නේ අපේ ම ආරක්ෂාවටයි.

අපහාස නවත්තන්න

කොරෝනා වෛරසය ආසාදනය වුණු අයව විහිළුවට හෝ අපහාසයට ලක් කරන්න එපා! ඒ අය දැනුවත්ව රෝගය බෝ කරගත්තාවත්, කැමැත්තෙන් ඊට ගොදුරු වුණාවත් නෙමෙයි. ඒ නිසා ඔවුන්ව අපරාධකාරයන් විදිහට හඟවන දේවල් සමාජ මාධ්‍යවල පළ කිරීමෙන් වළකින්න. හෙට ඒ තත්ත්වයට පත් වෙන්නෙ අපි හෝ අපේ ළඟ ම කෙනෙක් වෙන්න පුළුවන්. රෝගීන්ට සහ වින්දිතයන්ට අපහාස කරනවා කියන්නෙ සමාජය බොහොම පහත් තැනකට ඇද වැටිලා කියන එක.

පැනික් බයිං

රටේ ම තියන සුපර්මාකට්වලට ගිහින් පොර කාලා එතන තියන රාක්ක ටික ඔක්කොම හූරගෙන එන්න එපා. බඩු හිඟයක් එනව කියල කටකතා පැතිරුණ පලියට සුපර්මාර්කට් හිස් කරන්න කලින්, තමන්ට අත්‍යවශ්‍ය මොනවද, අත්‍යවශ්‍ය නැත්තෙ මොනවද කියල විනාඩියක් නැවතිලා හිතන්න.

ඒ වගේ ම බඩුවක් ගන්න කලින් නිෂ්පාදිත දිනය, බර, මිල, කල් ඉකුත් වන දිනය, නිෂ්පාදකයාගේ තොරතුරු හා එහි අඩංගු ද්‍රව්‍ය පිළිබඳ විස්තර අදාළ ලේබලයේ සටහන්ව තියනවද කියල සැලකිලිමත් වෙන්න ඕනේ. ඉතින් දඩිබිඩියේ බඩු ගන්න කලින් අවම වශයෙන් කල් ඉකුත් වන දිනයවත් චෙක් කරන්න. ඔබ කලබලේට පිස්සුවෙන් අරං ගොඩ ගහ ගන්නෙ තව මිනිස්සු ගොඩකට පරිභෝජනය කරන්න තියන බඩුමුට්ටු බව, ඉවක් බවක් නැතුව බඩු ගන්න කලින් මතක තියාගන්න.

රෝගය ආසාදනය වෙලා ද?

ඔබට හෝ ඔබ දන්නා කෙනෙකුට රෝගය ආසාදනය වෙලා බවට සැකයක් තියනවා නම් හැංගෙන්න හෝ තොරතුරු වසන් කරන්න එපා. එහෙම කිරීමෙන් ඔබ මුළු රට ම අවදානමේ හෙළනවා. මුලින් ම රෝගියා අනෙක් අයගෙන් වෙන් කරන්න. ඔහු පාවිච්චි කළ දේවල් අතපත ගෑමෙන් වළකින්න. උණ, වියළි කැස්ස, සෙම්ප්‍රතිශ්‍යාව, උගුරේ අපහසුතා, වෙහෙස බව වැනි රෝග ලක්ෂණ තියනවද කියලා හඳුනගන්න. 1990 අංකයෙන් සුවසැරිය ගිලන් රථ සේවයට කතා කරල දැනුම් දෙන්න. ඔවුන් රෝගියාව රෝහල්ගත කරයි.

ඔබේ නිවසට අහළ පහළ තියන නිවසක ඉන්න අයෙකුට රෝගය ආසාදනය වෙලා කියලා ඔබට සැකයක් තියනවා නම්, කලබල වෙලා ඒ ගෙදරට දුවන්න එපා. ඒ වගේ ම ඔවුන් එක්ක රණ්ඩුවට යන්නත් එපා. ඔබට පුළුවන් ඔබේ ප්‍රදේශයේ සෞඛ්‍ය වෛද්‍ය නිලධාරියා, කලාප වසංගත රෝග විශේෂඥයෙකු හෝ මහජන සෞඛ්‍ය පරීක්ෂකවරයෙකු (පීඑච්අයි) අමතලා මේ ගැන දැනුම් දෙන්න. නැත්නම් 117 සහ 1999 – කොරෝනා ආශ්‍රිත ගැටලු සඳහා ම වෙන් කළ රජයේ දුරකතන අංකවලට අමතන්න.

රැකියා ප්‍රශ්න

කලින් වතාවෙත් ලොක්ඩවුන් කාලේ පාඩු ලැබුව ආයතන සහ සමාගම් තමන්ගේ සේවකයන් සේවයෙන් ඉවත් කරන්න කටයුතු කළා. දෙවැනි වතාවටත් ලොක්ඩවුන් එකක් ආවොත් තත්ත්වය තවත් භයානකයි. විශේෂයෙන් පෞද්ගලික අංශයේ හැමෝගෙම රැකියා තියෙන්නේ අවදානමක. මේ නිසා රැකියාව සම්බන්ධයෙන් එන ඕනෑ ම තත්ත්වයකට මූණ දෙන්න දැන් ඉඳල ම හිත ශක්තිමත් කරගන්න. ඔබේ ක්ෂේත්‍රයේ ප්‍රවීණයන්, හිත මිතුරන් එක්ක මේ ගැන කතා කරලා අලුත් අවස්ථා හොයාගන්න ඔබට පුළුවන්. හදිසියේ හරි රැකියාව අහිමි වුණොත් ගත යුතු ඊළඟ පියවර ගැන කල් තියා සැලසුම් කරන්න මේ කාලේ යොදාගන්න.

Share on facebook
Share on twitter
Share on whatsapp

Latest.

KAMU.

Your go-to restaurant in Chilaw – Clement’s Chilaw review

By Warsha Dissanayake We visited Clements brand new outlet based in Chilaw towards the evening

Kamu

Holy crepes at Crepe Runner – Bambalapitiya

By Maryam Rizwan No one does crepes as good as Crepe Runner does. Starting from

Kamu

Don’t chai this at home – Karak review

By Warsha Dissanayake Looking for some downtime?Is it time to take a break off of

Kamu

Nutella-filled goodness at Crepeholics

Crepeholics located in the middle of Mount Lavinia is packed with a variety of crepes

Kamu

Kailasa Street Food Cafe

This place is long overdue and something Colombo needed so bad. Kailasa street food, serving

Kamu

Clement’s Restaurant & Banquet

Walking into the restaurant, you are greeted by some warm smiles and pleasant greetings. Asanka,

Kamu

Trending.

70th anniversary Diplomatic Relations between Sri Lanka and Japan

In commemoration of the 70th anniversary of the establishment of diplomatic relations between Sri Lanka

Trending

Suriya’s Jai Bhim wins five awards at Studioflicks Film Awards 2021

By MR The Tamil film industry has turned the global spotlights in 2021 for releasing

Trending

5 BlackBerry models we will miss

By Ruchika Seneviratne It truly is an end of an era as BlackBerry has announced

Slider Trending

Elephant House – Feel Good Range

We all grew up eating Elephant House ice cream, whether it was to wrap up

Trending

CINNAMON BENTOTA BEACH HOSTS CLASSIC CAR RUN

Cinnamon Bentota Beach added a vintage touch to its award-winning art and architecture during the ‘Classic Car Run’ recently.

Trending

Yamu Guide.

5 ways SLASH will help you make more out of 2022!

By Warsha Dissanayake Ever wanted to get the maximum use for the products you are

Yamu Guide

Ten of the Richest Men in the World

By Rahma Rifkhan Custom-designed suits, extravagant cars, luxurious mansions, global fame and a net-worth of

Slider Yamu Guide

9 NGOs and Youth Movements to join in 2022

By Hiruni Herath NGOs have somewhat of a bad reputation in Sri Lanka and Youth

Slider Yamu Guide

New shopping experience at the Keells on Lauries Road

Keells is reinventing your shopping experience in the best way possible. Because of the pandemic,

Yamu Guide

5 events to look forward to in 2022

By Tashia Ranasinghe Hello, 2022! Just as much as there is a bunch of holidays

Yamu Guide

8 Indoor Sports Outlets in Colombo

By Warsha Dissanayake Looking to let off some steam after a crazy day or week

Slider Yamu Guide

සිංහල.

ලොව බිහිසුනුම දාම ඝාතිකාවන් (Woman serial killers) 10 දෙනෙක්

By Yesha Fernando කාන්තාවන් කිව්වම හැමවෙලාවෙම වගේ අපේ ඔලුවේ මැවෙන්නේ හරි සංවේදී, ආදරණීය පිරිසක්. ලෝකයේ

Sinhala

2022 සැමරුම හොඳටම කරපු රටවල් 10 ක්  

By Yesha Fernando මරණය, කුසගින්න, විරැකියාව, ආර්ථික අවපාතය, දේශපාලන අර්බුද යනාදී ගෝලීය දුෂ්කරතා රැසක් මැදින්

Sinhala

හොරු අතරට අලුතින් එක් වූ “ජංගි හොරා”

By Yesha Fernando මෙරට සියලු ආකාර හොරු අතරට එක්වූ අලුත්ම හොරා "ජංගි හොරා" යි. මෙකී

Featured Sinhala

Squid Game අපට කියා දෙන ජීවිත පාඩම් 6 ක්

ත්‍රාසය, ශෝකය, කුතුහලය වගේම මෙයට වඩා තවත් බොහෝ ජීවිත පාඩමුත් Squid Game කථාංග නවයට ඇතුළත්.

Sinhala

පිස්සුම නව අවුරුදු සිරිත් විරිත් 6 ක්

එහෙනම් කට්ටියම තමන්ගේම ක්‍රමේකට 2022 පිළිගන්න ලේස්ති වෙමු.

Sinhala Trending