හොඳම චොකලට් කිරි වර්ගය මොකද්ද?; මේ අපේ අත්දැකීම.

චොකලට් රසය කියන්නේ බාල මහලු භේදයක් නැතුව අපි හැමෝම ආස කරන රසයක්නේ. ගෑවිච්ච තැනක කන්න පුළුවන් ජාතියක් ගානට තමයි අපේ අය චොකලට් ගැන කතා කරන්නේ. කොහොම වුණත්, චොකලට් කිරිවලට අපේ තියෙන ආසාවත් ඊට දෙවැනි නැහැ. වැනිලා කිරිවලට අකමැති අය හිටියත්, චොකලට් කිරි බොන්න කැමති නැති කෙනෙක් හොයාගන්නම නැති තරම්. මහන්සිය නිවාගන්න වගේම, බඩගින්න නැතිවෙන්නත් බොන්න පුළුවන් බීමක් නිසා තමයි චොකලට් කිරි ලංකාවේ මෙච්චර ප්‍රසිද්ධ බීමක් බවට පත්වෙලා තියෙන්නේ.


අද වෙද්දී ලංකාවේ සුපර් මාකට් එකක් පැත්තේ, එහෙමත් නැත්නම් සාමාන්‍ය සිල්ලර කඩයක් පැත්තේ ගියොත් අපට දැකගන්න පුළුවන් චොකලට් කිරි වර්ග බොහොමයක් තියෙනවා. Newdale, Highland, Rich Life, Kothmale, සහ Daily තමයි මේ අතරින් ප්‍රධානම. ඉතින් මේ කිරි වර්ග අතරින්, හොඳම රසයක් තියෙන චොකලට් කිරි වර්ගය මොකද්ද ඇහුවොත්, අපේ උත්තර මොන වගේ වෙයිද? මේ ගැන හිතල බලපු YAMU එකේ අපේ කට්ටිය, ඒකට උත්තරේ හොයාගන්න පොඩි අත්හදා බැලීමක් කළා. ඒ තමයි කට්ටියත් එක්ක එකතු වෙලා, මේ හැම චොකලට් කිරි වර්ගෙම බීලා බලපු එක. ඉතින් ඒ සම්බන්ධයෙන් අපේ අත්දැකීම, මෙහෙම ඔයාලත් එක්ක බෙදාගන්න අපි හිතුවා.

Newdale

ඉස්සර පැකට් විදියට සුලභව දැකගන්න තිබුණත්, පොඩි කාඩ්බෝඩ් පෙට්ටියක එන Newdale කිරි තමයි දැන් කඩේ වැඩිපුරම තියෙන්නේ. යන එන ගමන් වුණත් ලේසියෙන් බොන්න පුළුවන් විදියට හදලා තිබුණත්, එච්චර හොඳ චොකලට් රසයක් Newdale චොකලට් කිරි එකේ නැහැ. උකු ගතිය පැත්තෙන් ගත්තත්, අනිත් කිරි වර්ගවලට වඩා ගොඩක් අඩු උකු ගතියක් තමයි Newdale කිරි එකේ තිබුණේ. සීනි ගතියෙන් වැඩි වගේම, තරමක දිය රසක් මේකෙන් අපට දැනුණා. ස්වභාවික කිරි රසින් අඩු, කෘත්‍රිම රසක් මේ චොකලට් කිරි එකේ තියෙනවා කියලයි, අපට නම් දැනුණේ.

                                                                                                         ★☆☆☆☆ 1/5

Rich Life

Rich Life මිලිලීටර් 500 බෝතලය මේ දවස්වල ගොඩක් ප්‍රසිද්ධයි. සීනි වැඩියෙන් දාලා තියෙන නිසා චොකලට්වල රසය මැකිලා ගිහින් කියලයි අපට නම් හිතුණේ. ඒත් උකු ගතිය සහ ස්වභාවික කිරි රසය පැත්තෙන් ගත්තොත්, කියන්න තරම් වරදක් මේකේ නැහැ.

                                                                                                         ★★☆☆☆  2/5

Daily

තරමක උකු ගතියක් වගේම චොකලට් රසයක් තියෙන කිරි වර්ගයක් විදියට Daily හඳුන්වන්න පුළුවන්. ඕනෙවට වඩා වැඩි සීනි රසයකුත් Daily කිරි එකේ නැහැ.  සාමාන්‍යයෙන් පොඩි කාඩ්බෝඩ් පෙට්ටියේ එන කිරිවල තියෙන්නේ මිලිලීටර 180ක් වුණත්, Dailyවල කිරි මිලිලීටර 200ක්ම තියෙනවා. ඒ කියලා මිලේ වැඩිවීමක් ඇත්තෙත් නැති නිසා, පොකට් එකටත් මේක වාසියි.

                                                                                                         ★★★☆☆ 3/5

කොත්මලේ

ස්වභාවික කිරි රසයෙන් අනූන කිරි වර්ගයක් විදියට බයක් නැතුව කොත්මලේ කිරි හඳුන්වන්න පුළුවන්. ඇත්තම කිව්වොත් අපි ඉස්කෝලේ යන කාලේ අපි අතර ගොඩක්ම ජනප්‍රිය වුණෙත් මේ කිරි වර්ගයම තමයි. පැකට් විදියට වගේම මිලිලීටර 180, ලීටර් 1 ප්‍රමාණයේ කාඩ්බෝඩ් පෙට්ටිවලිනුත් කොත්මලේ කිරි මිලදී ගන්න පුළුවන්. චොකලට් රස, ස්වභාවික කිරිවල උකු ගතිය හොඳින්ම දැනුණත්, දැන් කොත්මලේ කිරිවල සීනි රස නම් ටිකක් වැඩි ගතියක් තමයි අපට නම් තේරුණේ.

                                                                                                         ★★★★☆  4/5

Highland කිරි පැකට්

ඉස්සර වගේම තමයි, තවමත් Highland එන්නේ කිරි පැකට් එකක් විදියට. ඒ නිසා මග යන එන ගමන් බොන්න නම් ටිකක් අමාරුයි.ඒත් අනිත් චොකලට් කිරි වර්ගත් එක්ක සංසන්දනය කළාම උකු ගතිය වැඩියෙන්ම තියෙන්නේ Highlandවල බව සැකයක් නැතිව කියන්න පුළුවන්. ඒ විතරක් නෙවෙයි, මේකේ බොහොම හොඳ චොකලට් රසක් තියෙනවා. අඩුත් නැති වැඩිත් නැති ගාණට තියෙන සීනි රසය නිසා තමයි මේ චොකලට් රස වඩාත් හොඳින් දැනෙන්නේ. කිසිම විදිහක කෘත්‍රිම රසයක් මේ කිරි එකේ නැහැ.

                                                                                                       ★★★★☆  4/5

Highland බෝතල් කල කිරි

අපි හැමෝම දන්න කල් කිරි; මේක තමයි බීම. ඒලෙවල්, ඕලෙවල් පන්ති යන කාලේ අපේ ජාතික පානය වුණු Highland කල් කිරි, එදා වගේම අදත් කිසි අඩුවක් නැතුව අපට රස විඳින්න පුළුවන් චොකලට් කිරි වර්ගයක්. මිලිලීටර 250ක වීදුරු බෝතලයක් විදියට එන මේ චොකලට් කිරි එකේ ගාණ නම් එන්න එන්නම ටික ටික වැඩි වෙනවා. ඒත් රසය පැත්තෙන් ගත්තම නම්, හොඳම කිරි වර්ගය මේක කියල නිසැකයෙන්ම කියන්න පුළුවන්. කිසිම කෘත්‍රිම ගතියකින් තොරව, ස්වභාවික කිරි රසය වගේම චොකලට් රසයත් හොඳින්ම දැනෙන කිරි වර්ගයක් විදියට මේක හඳුන්වන්න පුළුවන්. සීනිත් ගානට තියෙන නිසා තමයි මේකේ චොකලට්  රසත් වැඩිපුර දැනෙන්නේ. හැබැයි වීදුරු බෝතලයක් නිසා එහෙ මෙහෙ අරන් යන එක නම් අමාරුයි. අනිත් දේ තමයි පාරේ තොටේ තියෙන සිල්ලර කඩවල්වලින් නම් බෝතලේට ගාණක් තියාගෙන පිටට ගෙනියන්න දුන්නත්, Highland කිරි හල්වලින් නම් ඒ අවස්ථාව දෙන්නේ නැහැ.

                                                                                                      ★★★★☆  4.5/5

කිරි වර්ගය ප්‍රමාණය (මිලිලීටර) මිල (රු.)
Newdale 180 45
Rich Life 500 160
Daily 200 45
කොත්මලේ 180 45
Highland කිරි පැකට් 180 35
Highland බෝතල් කල කිරි 250 65

කලින් සඳහන් කළා වගේම, රසයෙන් වැඩිම චොකලට් කිරි වර්ගය විදියට අපි දැක්කේ Highland කල් කිරි එක. මිල ටිකෙන් ටික වැඩිවෙන ගතියක් තිබුණත් මේ රස බොහොම මතක හිටින රසක්. Highland කිරි පැකට් එකේ රස මේ තරම් හොඳ නොවුණත්, එකේ තියෙන වැඩි උකු ගතියත්, චොකලට් ගතියත් නිසා අනිත් කිරි වර්ගවලට වඩා හොඳ රසයක් තියෙනවා. කොත්මලේ කිරිවල අපිට දැනුණ ලොකුම අවුල තමයි සීනි ගතිය වැඩිකම. මේ ප්‍රශ්නය Rich Life වගේම, Newdale කිරිවලත් අපට හොඳින්ම තේරුණා. Daily කිරි එකේ සීනි වැඩිකමක් අපට එතරම් නොදැනුණත්, උකු ගතිය නම් ටිකක් මදි. කොහොම වුණත්, Newdale කිරි එකේ වගේ කෘත්‍රිම රසක් නම් වෙන කිසිම කිරි වර්ගයකින් අපට නොදැනුණ බව අනිවාර්යෙන්ම කියන්න ඕනේ.

අපි මේ කිව්වේ චොකලට් කිරි සම්බන්ධයෙන් අපේ අදහස්නේ. මේ ගැන ඔයාලගේ අත්දැකීම් කොහොමද? අපිත් කැමතියි ඔයාලත් ඒවා අපිත් එක්ක බෙදාගන්නවානම්. ඒවත් කමෙන්ට් එකක් දාන්න අමතක කරන්න එපා හොඳද.

 

 

Share on facebook
Share on twitter
Share on whatsapp

Highlights.

Latest.

KAMU.

Cinnamon Lakeside’s delicious High Tea spread- 2022

Cinnamon Lakeside has made an exotic appearance at the main lounge, serving a range of

Kamu

Cooking with the Silvermill Coconut Culinary Range

As a Sri Lankan, can you imagine cooking without coconut? It is a universally accepted

Highlights Kamu

Cheers to The Great Indian Roast at Bombay Borough

By Hashini Pathirana We are all here for a short time and definitely for a

Highlights Kamu

Get Fuel’d with Street Burger’s All New Lunch Menu!

By Shamrina Carim Street Burger has launched an exciting, affordable, and a simple lunch menu

Highlights Kamu

Fine Dining with a Sri Lankan twist

Black Coral at Jetwing Beach, Negombo By Shanali Fdo Bringing the luxury of fine dining

Kamu

An epic Saturday brunch at Uga Residence

By Shamrina Carim Rare bar + Kitchen is a quintessential significant historical home that is

Highlights Kamu

Trending.

A Silver Lining at Cinnamon Hotels & Resorts Colombo

Seasonal celebrations centered around Resilience of the Nation   Colombo, Wednesday 30th November 2022: Resilience, a

Trending

Kingsbury Colombo launches a “Christmas Carriage of Hope”

The Kingsbury Colombo launched their “Christmas Carriage of Hope”, a festive icon that represents the

Trending

PickMe celebrates the launch of PickMe Pass!

PickMe had an exciting event where they celebrated the launch of their new initiative PickMe

Trending

Shangri-La Colombo Toasts to Five Years of Celebrating the Colorful Joys of Life

Shangri-La Colombo toasts to five years of celebrating the colourful joys of life here in

Trending

Don’t miss these 11 Daraz Deals on Electronic Appliances

Daraz 11.11 Biggest Sale! Daraz, the leading e-commerce platform in Sri Lanka, is all prepped

Trending

A Cabin Immersed in Nature

The Latest Addition to Hanthana Eco Lodge Delivers a Transcending Experience Inspired by the wonders

Trending

Yamu Guide.

5 Places to watch the FIFA World Cup

By RR It's been a week of toasting wins and drowning sorrows around the globe. 

Highlights Yamu Guide

High Tea Buffet Round Up 2022

By Ruchika Seneviratne The exquisite British tradition of High tea has well and truly cemented

Highlights Yamu Guide

Vegan and Vegetarian Spots around Colombo (October 2022)

By RR This article is dedicated to all the vegans and vegetarians out there looking

Highlights Trending Yamu Guide

5 Things to expect at Nelum Kuluna

By Ruchika Seneviratne It is the ‘Full happening’ place in Colombo right now. It seems

Yamu Guide

7 Cozy Cafés around Colombo (October 2022)

By Rahma Rifkhan Every now and then, we all just need to press pause on

Highlights Yamu Guide

6 Stores to get the iPhone14

By Shanali Fdo Bigger and better than ever Apple has done it again! The talk

Highlights Yamu Guide