පිස්සුම නව අවුරුදු සිරිත් විරිත් 6 ක්.

By Yesha Fernando.

නව වසරක් කියන්නේ හැම වෙලාවේම අලුත් බලාපොරොත්තුවක්. මේ අවුරුද්දේ නට්ටන් වෙලා හිටියත්, ලබන අවුරුද්දේ අපිට හරි යයි කියන අපේක්‍ෂාව නිසා හැම නව වසරක්ම පොඩි මින්ට් ගතියකින් අපේ හදවත් පුරවනවා. මේ නිසාම නව වසරක් කියන්නේ හැම මනුස්සයෙක්ගෙම බාහිර ජිවිතයටත් වඩා මනසට බද්ධ වෙලා තියෙන කාරණාවක්. ලංකාවේ ගම් පළාත් වල උදවිය මධ්‍යම රාත්‍රී 12 ට අලුත් මුට්ටියක් කිරි වලින් පුරවන කොට, නගරබද උදවිය නම් සුමිහිරි පානෙන් බඩ ගෙඩි පුරවගෙනයි නව වසරට Cheers කියන්නේ. ඒ අතරේ ලොව පුරා තවත් රටවල් කිහිපයක්ම හරි අපූරුම විදිහට නව වසර  සමරනවා. 2022 ත් ළඟ ළඟම එන නිසා බලමු මේ විදිහටවත් මේ පාර ගොඩ යන්න පුළුවන් වෙයිද කියලා.
 

1. හොම්බට ඇනගෙන සමරන අවුරුදු – (Peru)

ලංකාවෙත් නම් නව වසරට සාද දාන්න ආපු උදවියට, සාදයේ පදම  වැඩි වෙනකොට හොම්බට අනින සිරිතක් තිබ්බත්, පේරු රාජ්‍යයේ උදවිය නම් "ටකනකුයි" කියන මේ චාරිත්‍රය කරන බව කියන්නේ නව වසරට දින 6 කට කලින් එනම් දෙසැම්බර් 25 වෙනිදා. ඒකත් නව වසරට කලින් පරණ තරහ මරහ ඉවර කරගන්න. පොලිස් අධීක්ෂණයත් යටතේ  පැවැත්වෙන නැටුම්, ගැටුම් දෙකම පිරුණු මේ උත්සවයේදී වේගවත් රිද්මයට සටන් සංගීතය වැයෙද්දි තෝරාගත් පරණ තරහකාරයෙක් එක්ක ගුටි ඇනගැනීම සිදු වෙනවා. සව්දිය පිරීමෙන් ආරම්භ වන සැණකෙළිය අවසන් වන්නේත් සව්දිය පිරීමෙන්. පේරු අන්දිස් ප්‍රදේශයේ තමා ප්‍රධාන උත්සවය පැවැත්වෙන්නේ. සැපීම, උස්සා පොළොවේ ගැසීම හෝ කොණ්ඩයෙන් ඇදීම තහනම් වන අතර පිරිමින්, ගැහැනුන් මෙන්ම ළමුන්ට ද මෙහිදී ගුටි ඇනගැනීමට ඉඩ සැළසෙනවා. එම චාරිත්‍රයෙන් පසු සියලු තරහ මරහ සහ හිත් වල තිබු අපිරිසිදුකම් දියවී ගොස්  එළඹෙන නව වසරට ඔවුන්ට නව මිතුරන් ලෙසින් පා තැබීමට හැකි වන බවයි ඔවුන් විශ්වාස කරන්නේ. අවුරුදු ගණන් කෝන්තර පිරිමහන්නේ නැතිව තියෙන ගේමක් එහෙම අවුරුද්දකින් ඉවර කරගන්න එකත් මරු නේද? හැබැයි එහෙමයි කියලා දෙසැම්බර් 31 වෙනිදට එහා ගෙදර මිනිස්සුන්ට හොම්බට අනින්න නම් යන්න එපා.

2. යට කලිසමෙන් අවුරුදු පලාඵල – (Latin America)

මෙහේ පලාඵල කියන උදවිය යට කලිසමත් නැතුව යන්න වැඩ සිද්ද වෙලා තියෙද්දි මෙහෙම එළඹෙන නව වසරේ තමන්ගේ පලාඵලය තමන්ගේ යට කලිසමෙන්ම ලියා ගන්නේ ලතින් ඇමරිකානු වැසියනුයි. බොලීවියාව, බ්‍රසීලය හා මෙක්සිකෝව වැනි රටවල ප්‍රචලිත මෙම චාරිත්‍රයේ විශ්වාසය වන්නේ නව වසර උදා වන විට හැඳ සිටින යට ඇඳුමේ පැහැය අනුව එම වසරේ වාසනාව උදා වන බවයි. ඇහුවම හිනා ගියාට මේක සෑහෙන කාලෙක ඉදන් ඒ රටවල් වල පැවත එන චාරිත්‍රයක්. ඉතිං  නව වසරේ ආදරය, අනුරාගය බලාපොරොත්තු වෙන අය රතු පැහැ යට කලිසම් අදින අතරේ වැඩිපුර සල්ලි, දේපළ, යාන වාහන  බලාපොරොත්තු වෙන අය අදින්නේ කහ පාට ලු. වැල්ලෙත් බඹරේ කරකවගන්න කැමති උදවිය කොළ පාට අදිනකොට  crush එක යාලු කරගන්න බලන් ඉන්න අය අඳිනවා කියන්නේ රෝස පාට යට කලිසම්. ඔක්කොම කරන්න ජීවත් වෙලා ඉන්න එපැයි කියල හිතන අය යහපත් සෞක්‍ය බලාපොරොත්තුවෙන් නිල් පැහැය අඳිද්දී සාමය සතුට ප්‍රීතිය බලාපොරොත්තු වෙන අය සුදු පැහැය තෝරාගන්න බවයි කියන්නේ. ඉතිං මේ පාර ඔයා අඳින්නේ මොන පාටද?

3. අල්ලපු ගෙදරට පිඟන් වලින් ගැසීම (Denmark)

මෙහේ නම් ඉතිං එහෙම වුණොත් අලුත් අවුරුද්දට පොලීසියෙන් කෑම කන්න පුළුවන් වුණත්, ඩෙන්මාර්කයෝ නම් නව වසර සමරනවා කියන්නේ ඔන්න ඔහොමයි. හැම අවුරුද්දකම අලුතින් මිලදී ගන්නා නව පිඟන් කට්ටල වලින් කිහිපයක් භාවිතයට නොගෙන තබන ඔවුන් ඊළඟ නව වසර උදා වෙන මධ්‍යම රාත්‍රී 12 ට මෙම අලුත්ම පිඟන් කිහිපය රැගෙන ගොස් සිය අසල්වැසියාගේ හෝ හොඳම හිත මිතුරන්ගේ දොරකඩ බිම ගසා පොඩි කර දමනවා. මෙයින් ඔවුන් බලාපොරොත්තු වන්නේ, සියලු අයහපත් බලවේග දුරු වී ගොස් නව වසර සිය යහපත් අසල්වැසියාට හෝ මිතුරාට වඩාත් සුබ දායක කිරීමයි. ඉතිං තමන්ගේ දොරකඩ වැඩිපුර පිඟන් ප්‍රමාණයක් බිඳිලා තිබුනොත් ඒ නව වසරේදී තමන්ට වැඩිපුර වාසනාව උදා වෙනවා කියලා ඩෙන්මාර්ක් වැසියන් විශ්වාස කරනවා.

4. උඩ ඉදන් බිමට අතාරින පරණ කෑලි (Italy)

පරණ කෑලි කිව්වම මොකක්ද ඔලුවට ආවේ? මේ කියන්නේ ඉතාලියේ නව වසර සමරන අමුතුම චාරිත්‍රයක් වන ගෙදර තියෙන පරණ බඩු ජනේලෙන් එළියට විසි කරන එක ගැනයි. පරණ බ්ලැන්කට්, ඇඳුම්, පිඟන්, කෝප්ප, හැඳි ගෑරුප්පු විතරක් නෙමේ මයික්‍රෝවේව් උඳුන්, ශීතකරණ, රූපවාහිනී, වැකියුම් යන්ත්‍ර වැනි විශාල බඩු භාණ්ඩත් ඔවුන් මෙහෙම විසි කරනවා. වඩා සාමකාමී ප්‍රදේශ වල මිනිස්සු කුඩා දේ පමණක් පරිස්සම් සහිතව විසි කරද්දී නගරබද මහල් නිවාස වල ඉන්න ටිකක් හිතුවක්කාර උදවිය තට්ටු ගණනාවක් උඩ ඉඳන් ශීතකරණ, රූපවාහිනී වගේ දේවල් බිමට අතහැරීම නිසා අනතුරුත් සිදු වෙන බව කියනවා. මෙයින් පරණ කුණුගොඩවල් අස් වෙලා ගෙවල් දොරවල් නව වසරේ සෞභාගයෙන් පුරවගන්න වඩා ඉඩ ලැබෙනවා කියලා තමයි ඔවුන් විශ්වාස කරන්නේ. අපේ එහෙම ඔය චාරිත්‍රය තිබ්බනම් සමහර කට්ටිය ඉතිං මුලින්ම බිමට අතාරින්නෙ එක්කෝ නෝනව නැත්නම් නැන්දම්මව (මහත්තයව වෙන්නත් ඉඩ තියෙනවා).

5. නාලම පටන් ගමු (Siberia)

සයිබීරියාව කියන්නේ කොහොමටත් හිම අඩුවක් නැති රටක් නේ. ඉතින් නව වසර ඔවුන් සමරන්නෙත් අයිස් challenge එකකින්.මේක ඇත්තටම ලේසි පහසු චාරිත්‍රයක් නෙමෙයි. මොවුන් මුලින්ම කරන්නේ අයිස් මිදිලා තියෙන විලක අයිස් අතරේ  යෝල්කා නමින් හඳුන්වන නව අවුරුදු ගස සිටු වීමයි. ඉන් පසු නව වසරේ නව පිබිදීම සංකේතවත් කරමින් අයිස් වලින් පිරුණු විලකට පැන නෑමත් සිදු කරනවා. ඒ විතරක් නෙමේ හිම උඩ සෑහෙන වෙලාවක් වැතිරිලත් ඉන්නවලු. නව වසර සුබ කරගන්න කුඩා දරුවන්ව පවා අයිස් බකට් එකකින් නාවන්න මොවුන් අමතක කරන්නේ නැහැලු. කෝ බලමු අවුරුද්දටවත් රෙදි ටික හෝදලා, නාගනින් කියලා ළඟදිම අහගන්න නියමිත උදවිය.

6. ළුණු ගෙඩි ඔලුවේ ඉලීම (Greece)

මේ අමුතු නව වසර චාරිත්‍රයට උරුමකම් කියන්නේ ග්‍රීසියයි. නව වසර උදා වන රාත්‍රියේදී සිය ඉදිරිපස දොරෙහි මුහුදු ලූනු නමින් හැඳින්වෙන ලූනු ගෙඩි විශේෂයක් එල්ලා තබන මොවුන් එමඟින් අයහපත නිවසින් පිටත රඳවා යහපත් ශක්තිය පමණක් නිවස තුළට කැඳවා ගැනීම අපේක්ෂා කරනවා. එයින් නව වසරට නව පිබිදීමක් ඇති වන බව ඔවුන්ගේ විශ්වාසයයි. ඒ විතරක් නෙවෙයි නව වසර දා උදෑසන නිවසේ කුඩා දරුවන් සියලු දෙනාව වැඩිහිටියන් විසින් අවදි කරනු ලබන්නේ දොරේ එල්ලා තැබූ ලූනු ගෙඩි ඔවුන්ගේ හිස මත අතුල්ලා පොඩි කිරීමෙන් පසුවලු. අපෙත් අම්මලා තාත්තලා එහෙම නව වසරට පහුවදා උදේ සමහර පිරිමි දරුවොන්ගේ ඔලු වල අතුල්ලනවා, දෙහි ගෙඩි!

එහෙනම් කට්ටියම තමන්ගේම ක්‍රමේකට 2022 පිළිගන්න ලේස්ති වෙමු.

 

Share on facebook
Share on twitter
Share on whatsapp

Highlights.

Latest.

KAMU.

Arabia’s Oasis of Flavours – Cinnamon Red

Cinnamon Red Colombo’s top tier fine dining Flavored restaurant has introduced an incredible range of

Highlights Kamu

The weekend Lunch Buffet at Movenpick

Movenpick boasts of its location in the heart of Colombo, its 219 spacious, luxury hotel

Highlights Kamu

High tea with a stunner view at Cinnamon Red

Shamrina Carim An eclectic delicious high tea platter awaits you all 7 days from 3

Kamu

A warm breakfast at Hilton Colombo

Graze Kitchen being called out one of the finest and elite restaurants in Colombo, makes

Highlights Kamu

Cinnamon Red introduces a Vegetarian/Vegan Buffet

Cinnamon Red, one of the most popular hotels in Colombo introduces a fully Vegetarian/Vegan Buffet.

Highlights Kamu

Ramada High Tea buffet – 2023

High Teas are quite the “Fash-un” these days, and we are stepping into a trendy

Kamu

Trending.

5 Spots to experience an Iftar Buffet – 2023

The holy month of Ramadan is approaching in a few days. It’s that festive time

Highlights Trending

Ramada Colombo Celebrates 49 Remarkable Years of Exclusive World-Class Hospitality

The iconic star-class luxury hotel, Ramada Colombo, is owned by the American multinational-World’s largest hotel

Trending

Let Her Shine on 8th March at Ramada Colombo.

Celebrate Women’s Day with entertaining evenings, pampered stays, special giveaways, and great dining offers. Show

Trending

Quickee- not just another Online Store

Whether you are a busy, working parent or an individual who balances many things during

Highlights Trending

Savour a Plant-Based Feast Every Full Moon at Cinnamon Red Colombo

Colombo, Monday 27th February 2023: Many are the benefits of adopting a plant-based diet. Historically

Trending

5 Things You Didn’t Know About Fcode Labs

Sri Lanka’s technology industry has witnessed significant growth in recent years, positioning the country as

Highlights Trending

Yamu Guide.

6 Trusted Pet Food Brands you should know

For awhile, Petmart has established itself as the premier pet shop in Sri Lanka. It

Highlights Yamu Guide

6 Pet Essentials from Pet Mart

Coming home to a devoted friend is the best feeling in the world. A pet's

Highlights Yamu Guide

9 Places to eat Rice & Curry

By RR Yes, pizzas and burgers are amazing but truly nothing can beat a good

Highlights Yamu Guide

Celebrate Valentine’s Day with Quickee this year!

It's easy to get caught up in the everyday hustle and bustle of life, where

Highlights Yamu Guide

7 Places to Hike in 2023

Have you ever thought of arranging a travel bucket list to climb a mountain this

Highlights Yamu Guide

Yamu’s Top Restaurant Picks for 2023

New Year, New Reviews? Say “hell yeah”! We have sorted out a few restaurants that

Highlights Yamu Guide