දැන් කාලේ රූපවාහිනියේ දකින්න ලැබෙන්නෙම සිංහලෙන් හඬ කවපු ඉන්දියන්, කොරියන් කතා. එහෙමත් නැතිනම්, ඒ ආරෙට හදපු ලංකාවේ මෙගා ටෙලි නාට්‍ය. කොටින්ම කියනව නම්, පොඩි දරුවෙක්ට ආසාවෙන් බලලා රස විඳින්න පුළුවන් ඉංග්‍රීසි ළමා කතාවක් පවා අද දකින්න ලැබෙන්නේ නැති තරම්. ඒත් ඉස්සර, අපි පොරකකා ආසාවෙන් බලපු ඉංග්‍රීසි ටෙලි නාට්‍ය, වැඩසටහන් බොහොමයක් තිබුණා. හැමදාම මොන වැඩේ තිබුණත්, හවස් වෙද්දී රූපවාහිනිය ළඟට දුවගෙන එන්න අපි පුරුදු වෙලා හිටියේ එකයි. බලන්නකෝ, ඔයාලටත් මේ රූපවාහිනී වැඩසටහන් ටික මතකයිද කියලා.