Artwork for PMF Negombo shoutout top banner 1
Artwork for PMF Negombo shoutout top banner 2
Artwork for Shiwu Chinese - sidebar banner 1

4/5

New Banana Leaf

720 Galle Road, Colombo 3


They do chicken biryani pretty darn good and now have crab and lamb on the menu.



කෙහෙල් කොලේ බත් වේලක් කිව්වාම මට නම් මතක් වෙන්නෙ අපේ ආච්චිලගෙ ගමේ කුඹුරු හාන කාලෙට ඕවිටේ ඉඳන් කාපු ඇඹුල. මොන හෝටලේකින්වත් ඒ තරම් රසට කෑම ටිකක් කන්න බෑ. හැබැයි ඒ රසට ලඟින් යන ටිකක් නූතන පන්නයේ කෑම වේලක්  කන්න පුළුවන් තැනක් මට මේ ලඟදි හමුවුණා.

බම්බලපිටියෙ නිව් බනානා ලීෆ් එක රෝස්ට් චිකන් බිරියානි එක නිසා ගොඩක් අය අතරෙ ප්‍රසිද්ධයි. අපේ YAMU කට්ටියත් හරිම ආසයි බනානා ලීෆ් එකේ කෑම වලට. භාග්‍ය කියපු විදියට නම් එතන තියෙන කෑම ජාති ටිකේ රස බලන්න අඩුම තරමෙ දෙන්නෙක් වත් යන්න ඕන. ඉතින් දවල් කෑමට පිටත් වෙන්න කලින්ම කොල්ලුපිටිය පැත්තෙ වැඩ කරන යාළුවෙක්ටත් ඔය කඩේ ලඟට එන්න කියල කෝල් එකක් දීලම තමයි මම ඔෆිස් එකෙන් එළියට බැස්සෙ.

වාතාවරණය

අපි බනානා ලීෆ් එකට යද්දි දවල් 2ට විතර ඇති. පල්ලෙහා තට්ටුවෙ සෙනඟ පිරිලා එක මේසෙකවත් ඉඩක් නෑ. අපි දන්නෑනෙ උඩ තට්ටුවකුත් තියෙනව කියල. පොඩ්ඩක් වටේට ඇඹරෙද්දි අපේ ලඟට ආපු සේවක මිත්‍රෙයක් ''සර්, උඩට එන්න'' කිව්වා.

වට පිට බලන ගමන්ම අපි දෙන්න උඩ තට්ටුවට ගියා. විදුලි පංකා දාලා වායු සමනය කරල තියෙන බනානා ලීෆ් එකේ භෝජනාගාරෙ ගාපු තීන්ත එකේ ඉඳන්ම ඔළුවට දෙන්නෙ කෙහෙල් කොලේ චිත්ත රූපෙ තමයි. උඩ තට්ටුවනෙ ලස්සන. පඩිපෙළ නැගල ඉවර වෙන තැනම 'Ayubowan' කියල බිත්තියෙ ගහල කෙහෙල් කොලේ පාටෙන්ම ජනෙල් රෙදි දාලා හදල තියෙන භෝජනාගාරෙට අමුතු සරල ගතියක් ගේන්නෙ සයිවර් ස්ටයිල් එකේ පුටු මේස ටික තමයි. මම නම් හරිම ආසයි මේ ස්ටයිල් එකට. ටිකක් අයිනට වෙන්න තිබුණු මේසයක් අල්ලලා වාඩි වුණ අපි දෙන්නට ඇහි පිය ගහන්න වෙලාවක් ලැබුණෙ නෑ සේවක මිත්‍රයෙක් මෙනු දෙකකුත් අරගෙන අපේ මේසෙ ලඟ. මෙච්චර සෙනඟ ඉඳලත් මේ වගේ සේවාවක් දෙනව කියන්නෙ හරි පුදුමයිනේ.

ආහාර සහ සේවාව

අපි දෙන්න කෑම තෝරල ඉවරවෙලා කෑම ඇණවුම් කරන්න අර සේවක මිත්‍රයා හොයන කොට මෙන්න එයා එනව ලොකු කෙහෙල් කොල දෙකකුත් අරගෙනම. ඇවිත් අපි දෙන්නගෙ ඉස්සරහින් තියල අපි ඉල්ලපු මට්න් බිරියානි එකයි (රු. 700) ක්‍රැබ් රයිස් ඇන්ඩ් කරි එකයි (රු. 400)  පොතේ ලියා ගෙන ගියා. කඩේ නම බනානා ලීෆ් නිසා ඉතින් කන්න තියෙන්නෙ කෙහෙල් කොලේට බෙදාගෙනනෙ.

විනාඩි පහක්වත් හිතන්න හම්බුන්නෑ කෑම ටික එනව. සේවක මිත්‍රයා නිකන් විශ්වකර්ම වගේ. අත් දෙකේ පිඟන් පහක්! කෑම ජාති ටික මේසෙ උඩින් තිබිබාම තමයි මට තේරුණේ මෙයාලා කෑම පිළිගන්වන විදිය. වෙන කඩවල් වල නම් සාමාන්‍යයෙන් බිරියානි එකක් ඉල්ලුවාම පිඟානට බෙදලා බිත්තරෙයි මස් කෑල්ලයිත් උඩින් තියලාමනෙ දෙන්නෙ. ඒ වුනාට මෙතන එහෙම නෑ. බිරියානි බත් එක වෙනම බිත්තරේ වෙනම සලාද, ග්‍රීන් පීස් ව්‍යංජනය, උම්බලකඩ සම්බෝල වෙනම. රයිස් ඇන්ඩ් කරි එකත් එහෙමයි. බත් වෙනම එළවළු වෙනම හරිම පිළිවෙලයි. හිතේ හැටියට බෙදාගෙන කන්න පුළුවන්. අනික ව්‍යංජන ජාති බෙදා හදා ගන්නත් පුළුවන්.

යාළුවා කෙහෙල් කොලේට බිරියානි බෙදා ගන්න අතරෙ මම සුදු බතුයි එළවළුයි බෙදාගත්තා. කකුළුවා ඉන්නවා දිලිසි දිලිසි බත් එක උඩ. කකුළු හොද්දෙ සුවඳට මගේ කටට කෙලත් උනනවා. බත් එක ව‍ටේට තියෙන එළවළු ගොඩ දැක්කාම කොහෙන් කන්න පටන් ගන්නද කියල හිතා ගන්න බෑ. කලවම් කොල මැල්ලුම් වලින් පටන් ගත්තාම බටු මෝජු, පරිප්පු, බෝංචි, බිරියානි එකට ආපු ග්‍රීන් පීස්, කජු ව්‍යංජනයි උම්බලකඩ සම්බෝලයිත් මම බෙදාගත්තා. එළවළු ටික පොඩ්ඩක් එහාට මෙහාට කරල බත් ටික පාද ගත්ත මම අනිත් එළවළු ටිකත් එක්ක කකුළු මස් පොඩ්ඩකුත් අනාගෙනම බත් කටක් කෑවා. කියල වැඩක් නෑ පට්ට රසයි.

අනිත් ජාති ගැන කියන්න කලින් කකුළු ව්‍යංජනේ ගැන කියන්න ඕන. පදමට තැම්බුන කකුළුවගෙ මස් නිකන්ම ගැලවෙනවා. කහ පාටට තියෙන කකුළු හොද්දෙ උඩ තෙල් ටිකක් පා වුනාට මිරිස් තුන පහ නම් නියම ගාණට දාලා. කකුළු මස් රසට එකතු වෙලා තියෙන සැර ගතියට පදමට ගැලපෙන කුළු බඩු රස නිසා කකුළු හොද්ද වුනත් ඇති බත් ටික කන්න.

මට මතක් වුනේ මගෙ මීගමුවෙ යාළුවගෙ අම්මා හදන කකුළු හොද්ද. මූදු වෙරලට වෙලා පොඩි අඩියක් දාන අපි තුන් හතර දෙනා රෑ වෙලා යාළුවගෙ ගෙදරට යන්නෙ පාන් ගෙඩිත් තුන හතරක් අරගෙන. පැය භාගයක් යන්නෙ නෑ ඉතින් ඇන්ටිගෙ කකුළු හට්ටිය ඉවර වෙන්න.

කකුළු හොද්දටම ගැලපෙන අනිත් එළවළු වලින් නැගලම ගියේ බටු මෝජුවයි පරිප්පු එකයි. වෙනදට කඩල පරිප්පු කන්නැති මම බනානා ලීෆ් එකේ කඩල පරිප්පු එක කෑවා. හොඳට කිරි දාලා උයපු පරිප්පු ව්‍යංජනේ පරිප්පු ඇට පිටි ගතිය එනකම් හොඳට තම්බලා. ඉතින් නොකා ඉන්න පුළුවන්ද? දිගට කපපු වම්බටු වල බැදුම් ගතිය පොඩ්ඩක්වත් අඩු නොවෙන්න බටු මෝජුව හැදිලා තිබුණා. ලුණු ඇඹුලුත් ගාණට. පරිප්පු එකේ රසට නියමෙට පෑහුණේ උම්බලකඩ සම්බෝලෙ. ළූණු ටිකක් හොඳට බැදල පොඩියට කපපු උම්බලකඩ කෑලි ලාවට බැදෙන්න ඇරල කලවම් කරල අරන් තිබුන සම්බෝලෙ, උම්බලකඩ කෑල්ලක් බත් කටට හැපෙන කොට නියම ගැමි රහක් තමයි එන්නෙ. මදි නොකියන්න කිරි දාලා පොඩ්ඩක් හිඳෙන්න ඇරල හදල තිබුන බෝංචි ව්‍යංජනෙයි හීනියට කපල පදමට ලුණු ඇඹුලුත් එකතු කරල තිබුණ මිශ්‍ර කොල මැල්ලුමෙයි රස නම් කෙලින්ම ගෙදර හැදුව වගේ තමයි.

බත් එකේ භාගෙටත් වැඩිය කෑවට පස්සෙ තමයි මට හිතුනෙ යාළුවගෙ බිරියානි එකට ආපු එළු මස් එකෙත් රස බලන්න ඕන කියල. ඔළුවවත් උස්සන්නෙ නැතුව බිරියානි එකට වැඩේ දෙන යාළුවට හොරෙන් තමයි මම එළු මස් කෑලි තුන හතරකුයි හොදි ටිකකුයි බෙදා ගත්තෙ. ඒකටම ගැලපෙන්න කියල බිරියානි බත් ටිකකුත් කෙහෙල් කොලේට දාගත්ත මම එළු මසුයි පරිප්පු චුට්ටකුයි විතරක් එකතු කරගෙන බත් කටක් රහ බැලුවා.

මීට කලින් මට එළු මස් ටිකක් බෙදා ගන්න තිබුනෙ. කාලෙකින් එළු මස් කෑවෙ. හොඳ සැරට හදල තිබුන එළු මස් ව්‍යංජනේට තෙල් චුට්ටක් එහෙම එකතු කරලා හොඳට තුන පහත් දාලා, ගමේ රහට හදලා නියමයි. පොඩියට කපපු එළු මස් කෑලි දහයක් දොලහක් විතර තියෙනවා දීසියෙ. යාළුව ඔළුව උස්සනකොට නම් ඔක්කොම වෙලා ඉවරයි.

අනුමිතිය

බත් ජාති දෙකෙන්ම රස බලපු මම කාලා ඉවර වෙලා අත හෝදන්න යන්න නැගිට ගන්න බැරුව පොඩි වෙලාවක් යාළුවත් එක්ක කයියක් දාගෙන හිටියෙ කිරි මැටි ගිලපු කිඹුලෙක් වගේ. දෙන්නට හරිම සතුටුයි. බනානා ලීෆ් එකේ කෑම වෙන තැන්වල අජිනොමොටෝ දාලා හදන කෑම වගේ නෙවෙයි. කෙලින්ම ගෙදර හැදුව වගේ. කාලා ඉවර වෙලා වතුර ලීටර් ගණන් බිබී දුක් විඳින්න ඕන නෑ. බම්බා පැත්තෙ ආවොත් අනිවාර්යයෙන්ම යන්න බනානා ලීෆ් එකට. 'රාජ භෝජන පරාදයි'


TIP

Try the canonical 'chicken biriyani' - not really a biriyani, but still excellent. All food is served on a banana leaf.
All Reviews

Good biriyani with crab and lamb options. They close early at night, so best stop by for lunch.

The New Banana Leaf isn't all that "new" anymore, but their chicken biryani is still pretty darn good. It's got some local influence to it, but most of it works quite well.

Banana Leaf is back. Those golden grains ensconced in thick, emerald palms, the hefty hunks of masala-smothered chicken, the crispy deep-fried boiled egg...this was one of my - and perhaps even Colombo's - favourite Sunday lunchtime repasts.

සිංහල පංකාදු පහයි!. මට්න් නම් අන්න මට්න් ඈ… ඒ කරියට එයාලා කියන්නෙ පෙපර් මට්න් කියල. මම හිතන්නෙ ඒ නිසාම වෙන්න ඕන හොඳ සැර ගතියකුත් තියෙනව. පාන්, පරාටා කන්න කියාපු.

සිංහල ඒ වුනාට මෙතන එහෙම නෑ. බිරියානි බත් එක වෙනම බිත්තරේ වෙනම සලාද, ග්‍රීන් පීස් ව්‍යංජනය, උම්බලකඩ සම්බෝල වෙනම. රයිස් ඇන්ඩ් කරි එකත් එහෙමයි. බත් වෙනම එළවළු වෙනම හරිම පිළිවෙලයි. හිතේ හැටියට බෙදාගෙන කන්න පුළුවන්. අනික ව්‍යංජන ජාති බෙදා හදා ගන්නත් පුළුවන්.

සිංහල බනානා ලීෆ් ආපසු ඇවිල්ලා. මෙහි මසාලා ක්‍රමයට පිසින ලද චිකන් කුට්ටි, ගැඹුරු තෙලේ බදින ලද තැම්බූ බිත්තර ආදිය සමග බුරියානි ඉස්සර මගේ ප්‍රියතම ආහාරයක්. මගේ විතරක් නෙවෙයි, බොහෝ කොළඹ වැසියන්ගේ ප්‍රියතම ඉරිදා දිවා භෝජනය තමයි, එය.

Address

720 Galle Road, Colombo 3

Directions

It's before you get to Barefoot on Galle Road, just before the St. Kilda's Lane turnoff. Big green building.

Contacts

Report Inaccuracy
Similar Places

See 46 Comments