ලන්දේසීන්ගෙ ලම්ප්රයිස් ලංකාවේ! රු. 500ට අඩුවෙන් ලම්ප්රයිස් කන්න නියම කඩ 13ක්.

කටට රහට, හොඳ පදමට, කුළුබඩු රසට බත් එකක් කන්න ආසයිද? එහෙනම් ඉතින් ලම්ප්රයිස් තමයි.

ලම්ප්රයිස් අපිට පුරුදු වෙන්නෙ ලන්දේසීන් ගෙන්. ඒව හදන්නෙත් එයාලගෙම ක්‍රමයකට. බිත්තරයයි, සීනි සම්බෝලයයි නැතුව, මික්ස් මීට් වලින් මේසෙට එන ඔරිජිනල්ම ලම්ප්රයිස් නම් ලංකාවෙ ගන්න නැති තරම්.

චිකන්, පෝර්ක්, බීෆ්, සී ෆුඩ් වගේ එක එක රස වලින් හැදෙන අපේම ලම්ප්රයිස් එකක් තමයි අපේ රටේ තියෙන්නෙ. ඒක අපේ රයිස් ඇන්ඩ් කරි වල රසටත් සෑහෙන්න දුරට සමානයි. හැබැයි අපි කන තරම් ව්‍යංජන නම් ලම්ප්රයිස් වල නෑ. බටු මෝජුවයි, තම්බල බැදපු බිත්තරෙයි, මස් ව්‍යංජනයයි, ලම්ප්රයිස් වලටම ආවේණික කූනිස්සො මැල්ලුමයි හැරුණාම කට්ලට් එකක් තමයි තියෙන්නෙ. හැබැයි ඉතින් හරි ලම්ප්රයිස් එකක් නම් ඒ ටිකත් ඇති කටට දෙකට ගිලල දාන්න. පට්ට රසයිනෙ.

වෙනස් රසක් වගේම ලංකාවෙ අපිට හරියන රසක් තියෙන මේ ලම්ප්රයිස් වල පොඩි අවුලකුත් නැත්තෙම නෑ. මොකක්ද දන්නවද? ඔරිජිනල් ටයිප් එකට හදපු ලම්ප්රයිස් ප්‍රමාණයෙන් ටිකක් කුඩා එක. කාල තියෙන අය දන්නවත් ඇතිනෙ? තොල කට ලෙව කකා දඩි බිඩි ගාලා ගිලගෙන යන්න තරම් රස ලම්ප්රයිස් එකක් ඉක්මනට ඉවර වෙනකොට කාටද ඉතින් දුක නැත්තෙ.

ඉතින් අපි හිතුවා දුක් නොවී, බඩ පිරෙන්න ලම්ප්රයිස් කන්න පුළුවන් කඩ ටිකක් ගැන ඔයාලට කියන්න. හිත හිත ඉන්න එපා. හෙටම යන්න. ගිහින් කන්න. කාලා අපිටත් කියන්නකො. රස කොහොමද කියල.

1. Green Cabin

රු. 350ට 400ට බඩ පිරෙන්න ලම්ප්රයිස් කන්න කොළඹ පැත්තෙ හොඳ තැන් දෙකක් තියෙනව. එකක් තමයි කොල්ලුපිටියෙ ග්‍රීන් කැබින් එක. මෙයාලගෙ ලම්ප්රයිස් එක ඔරිජිනල් ලම්ප්රයිස් එකකට වඩා පොඩ්ඩක් විතර ලොකුයි. රස පදම නියමෙට හිටින්න හීනියට ලියල අරන් හදපු චිකන් එකයි, මදි නොකියන්න කුළුබඩු දාලා හදපු කූනිස්සො මැල්ලුමයි එක්ක ලම්ප්රයිස් එක නැගල යන්නෙ රස නහර පිස්සු වට්ටගෙන. කෙහෙල් කොලේ දිග ඇරියාම එන සුවඳ! දැනුනත් ඇති කටට කෙල උනන්න.

2. Sponge

අපේ රසට හදපු ලම්ප්රයිස් එකක් කටට රහට කන්න කියාපු තවත් තැනක් තමයි කොල්ලුපිටියෙ ස්පොන්ජ් අවන්හල. රු. 350ක් 400ක් වගේ වෙන්නෙ. මෙයාලගෙ ලම්ප්රයිස් එකේ මස් ව්‍යංජනයෙ මදි නොකියන්න කුළුබඩු රස නම් තියෙනව. කූනිස්සො මැල්ලුමත් නියමයි. ඒ වුනාට බත් එකෙන් එන සුවඳ නම් ටිකක් මදියි කියල තමයි මට නම් හිතෙන්නෙ. කටට රහට කද්දි හොඳ සුවඳකුත් ආවොත්නෙ නියම.

3. &Co

කොටුව ජනාධිපති මාවතේ ඇන්ඩ් කෝ අවන්හල ටිකක් හයි ෆයි තැනක්. මේක තියෙන්නෙ ස්ටුඅර්ට් හෝටලයෙ. සෑහෙන්න හයි ෆයි තැනක් වුනාට පට්ට රස පෝර්ක් ලම්ප්රයිස් එකක් රු. 500කට අඩුවෙන් ගන්න පුළුවන්. ඒ විතරක් නෙවෙයි. චිකන් ලම්ප්රයිස් එකක් 400ක් වගේ වෙන්නෙ. හැබැයි ඉතින් රසයෙන් අනූන වුනාට බත් ප්‍රමාණය නම් ටිකක් අඩුයි.

4. Sen Saal

නාවල, තිඹිරිගස්යාය, බත්තරමුල්ල පැතිවල අයට සෙන් සාල් නම ඇහුනත් ඇති. දවල් කෑම වෙලාවක නම් මතක් වෙන්නෙ ලම්ප්රයිස් තමයි. රු. 300, 400 අතර ගණන් වලට ගන්න පුළුවන් මෙයාලගෙ ලම්ප්රයිස් එකට ටිකක් විතර අපේ කෑම ආභාෂයත් මිශ්‍ර වෙලා තියෙන නිසා හිතේ හැටියට කන්න පුළුවන්. මස් ව්‍යංජනයත් ටිකක් සැරට තියෙනව. පොඩි අවුලකට කියල තියෙන්නෙ කූනිස්සො මැල්ලුමේ රස එක එක දවස් වලට වෙනස් වෙන එක තමයි.

5. Ambula

සෙන්සාල් අවන්හල් තැන් දෙක තුනක තිබුනට ඇඹුල එහෙම නෑ. ඇඹුලෙ ලම්ප්රයිස් කන්න ඕන නම් තිඹිරිගස්යායටම යන්න වෙනව. රු. 300කට 350කට චිකන්, පෝර්ක් රස වලින් ගන්න පුළුවන්. ඉස්සර නම් මෙයාලගෙ ලම්ප්රයිස් එක සෙන්සාල් එකේ ලම්ප්රයිස් තරම් රස නැති වුනාට ආරංචි හැටියට දැන් නම් සෙන්සාල් එක පරාදයිලු. ගොඩ දෙනෙක් කැමති මෙයාලගෙ පෝර්ක් ලම්ප්රයිස් එකට එන පෝර්ක් ව්‍යංජනයට තමයි. අපි කියනවට ගිහින් කාලා බලන්නකෝ.

6. The Fab

කොළඹ පැත්තෙ වගේම කොළඹින් පිටත් සුපිරිම ලම්ප්රයිස් එකක් රස බලන්න කියාපු තැනක් තමයි ෆැබ් එක. පංකාදු පහට තියෙන මෙයාලගෙ ලම්ප්රයිස්, ලම්ප්රයිස් ලෝලී ගොඩ දෙනෙක් අතරෙ සෑහෙන්න ප්‍රසිද්ධයි. අපි දන්න විදියට නම් චිකන් රසයෙන් විතරයි ෆැබ් ලම්ප්රයිස් ගන්න තියෙන්නෙ. රු. 400ක් විතර වෙනව. මේ ලම්ප්රයිස් මෙච්චර ප්‍රසිද්ධ වෙන්න හේතුව තමයි ඔරිජිනල් ටයිප් එකට හැදුවත් අපේ කට්ටිය ආස කරන සැර ගතිය වගේම ප්‍රමාණෙයත් ටිකක් විතර වැඩිපුර දාලා දෙන එක.

7. Cafe Eklektik

කඩේ නම කියවන්න අමාරු වුනාට රස පදමට හැදෙන ලම්ප්රයිස් එක කන්න නම් අමාරු වෙන එකක් නෑ. රු. 200ක් 300ක් වගේ අඩු ගාණකට මෙයාල ලඟ තියෙනව රසම රස චිකන් ලම්ප්රයිස්. ප්‍රමාණය නම් ටිකක් පොඩියි තමයි. ඒ වුනාට රස සෑහෙන්න හොඳ නිසා හිතට දුකක් නෑ. කියන්න බැරි වුනානෙ, කැෆේ එක්ල්ක්ටික් අවන්හල තියෙන්නෙ කොළඹ 07 ආර්. ජී. සේනානායක මාවතේ.

8. Malay Restaurant

වෙනස් රසකින් ලම්ප්රයිස් කන්න ආස හිතුණොත් යන්න දෙහිවල හරි බම්බලපිටියෙ හරි තියෙන මැලේ අවන්හලට. රු. 200ත්, 300ත් අතර ගාණකට සාමාන්‍ය මට්ටමේ ලම්ප්රයිස් එකක් රස බලන්න පුළුවන්. චිකන්, බීෆ් වගේ රස වලින් ගන්න තියෙන මැලේ අවන්හලේ ලම්ප්රයිසුත් සෑහෙන්න දුරට මැලේ ආභාෂය මිශ්‍ර අපේ රසට හැදුන එකක්.

9. Pagoda Tea Rooms

ඔන්න තියෙනව අපේ ටයිප් එකට හදපු, ඔරිජිනල් රසයෙන් මේසෙට එන පට්ට ලම්ප්රයිස් එකක් කන්න තවත් නියම තැනක්. යන්න කොටුවෙ චැතම් පාරෙ පැගෝඩා ටී රූම්ස් එකට. රු. 350යි වියදම් වෙන්නෙ. රස පදමට තුනපහ දාලා හදපු ලොකු චිකන් කෑල්ලක් එක්ක මේසෙට එන පැගෝඩා එකේ ලම්ප්රයිස් ප්‍රමාණයෙනුත් ටිකක් ලොකුයි. ඒ විතරක් නෙවෙයි මෙයාලගෙ කූනිස්සො මැල්ලුමත් හරිම රසයි.

10. VOC Cafe

ඔරිජිනල්ම ලම්ප්රයිස් අඩුයි කිව්වට නෑම කිව්වෙ නෑනෙ. තුම්මුල්ලෙ වී. ඕ. සී. කැෆේ කියන්නෙ ඔරිජිනල්ම ලම්ප්රයිස් එකක් කන්න පුළුවන් තැනක්. හැබැයි ඉතින් සෑහෙන්න ගණන්. චිකන් ලම්ප්රයිස් එකක්ම රු. 500ක්. නියම ගාණට කුළුබඩු දාලා පොඩියට කපල උයපු චිකන් එක නම් පංකාදු පහට තියෙනව. කූනිස්සො මැල්ලුමත් සුපිරි. බැදපු බිත්තරේ නැති වුනාට රස බටු මෝජුවක් තියෙනව. හැබැයි එක දෙයක් කියන්නම්. ආසාවට කාලා බැලුවොත් මිසක් හැමදාම නම් කන එක නම් ටිකක් පාඩුයි වගේ. මගේ යාළුවෙක් කියපු විදියට නම් රු. 550කට ගන්න පුළුවන් මෙයාලගෙ මික්ස් මීට් ලම්ප්රයිස් එක නම් නියමයිලු.

11. Don's Deli

රු. 475යි. කටට කෙල උනන රසකින් එන චිකන් ව්‍යංජනයයි. බැදපු අළු කෙහෙළුයි. තම්බල බැදපු බිත්තරයයි. කට ගැස්මට කූන්ස්සො මැල්ලුමයි, පොඩි කට්ලට් දෙකයි, සීනි සම්බෝලයයි. නැති දෙයක් නෑ. ඒ වගේම තමයි බම්බ හේග් පාරෙ ඩොන්ස් ඩෙලි එකේ ලම්ප්රයිස් එකට ගහන්න ඒ ගාණට ගන්න පුළුවන් වෙන ලම්ප්රයිස් එකකුත් නැති තරම්. වැඩි විස්තර ඕන නෑනෙ. කනව නම් මෙන්න ලම්ප්රයිස්.

ඇති නේ, ලම්ප්රයිස් කන්න කඩවල් කිව්ව. දන්න කියන විදියට මුළු කොළඹම වගේ කවර් වෙන විදියට තමයි කිව්වෙ. ඒ අතරට ඔයාලත් දන්න ලම්ප්රයිස් කඩවල් ටිකකුත් කමෙන්ට් කලානම් තමයි මරු.

Share on facebook
Share on twitter
Share on whatsapp

Highlights.

Latest.

KAMU.

The Fusion Kottu at Eastern Wok

By Hiruni Herath Hot Butter Kottu - that’s not something you hear everyday but at

Highlights Kamu

More than Coffee – Kaffi Colombo

By Hiruni Herath Ambience and Service The Nordic Bakery and Coffee House located at Crescat

Highlights Kamu

7 Restaurants to dine in July 2022

By Shamrina Carim July hits a beautiful urge to try out different foods, events and

Highlights Kamu Yamu Guide

Hot Chook – all about that Chicken

By Hiruni Herath Service and Ambience The head chef at Hot Chook was very helpful

Highlights Kamu

A glistening night out at Colombo’s finest local bar!

By Shamrina Carim A Sri Lankan experiencing the magical inspiration of Sri Lanka in the

Kamu

Ceylon Curry Club – Sri Lankan Cuisine With a Twist

By Janani Vithanage Ceylon Curry Club, located in the Dutch Hospital Shopping Precinct, is a

Kamu

Trending.

Types of People at the Cinema

By Rahma Rifkhan Think of your most noteworthy cinema experience: Loud and exciting with just

Highlights Trending

From the Garden to your Skin 

By Menaka Indrakumar  Iris Garden is a brand which started five years ago, with Fuller’s

Trending

Bullet Train – movie review

Bullet train is as the name suggest is a fast-paced action movie. Directed by David

Trending

Stay healthy & refreshed With KiCO

By Janani Vithanage Boasting over 100 years of trusted excellence, the journey of Silvermill Group

Highlights Trending

5 Reasons why you need to check out Wild Culture Yala

If you are that Wildlife lover who loves being in the wild and looking to

Highlights Trending

Waves Bologoda

SINGHE's Wave Bolgoda, which launched in January 2021, The venue was initially established by lecturer

Trending

Yamu Guide.

8 Hotels That Offer Transport – 2022

Sometimes arranging for transport when you’re on vacation is the last thing that you want

Highlights Yamu Guide

7 Instagrammable restaurants to dine in August 2022

By Hiruni Herath We’re always looking for the perfect spot that is a mix of

Highlights Yamu Guide

5 Places to get Gift Hampers – 2022

By RR Gift hampers have been around for quite a bit but they’ve suddenly become

Highlights Yamu Guide

8 FAQ’s on fuel QR Code system

Sri Lanka introduced the Fuel Pass QR code system in full force from today (1st

Highlights Yamu Guide

7 Tips to Ensure Safe Cycling

Cycling on roads full of traffic due to petrol queues can be scary. Here are

Highlights Yamu Guide

6 Cycling Accessories You Need

By Janani Vithanage With the fuel crisis still wreaking havoc in everyone’s lives, a new

Highlights Yamu Guide