බලන්න..! හදවතට දැනෙන්න හදපු ලංකාවෙ ලස්සනම කෙටි චිත්‍රපට 10ක්.

ආදරය විරහව, ත්‍රාසය, භීතිය, දුක සතුට, ලංවීම වෙන්වීම, සිනහව…

ඇත්තටම හරිම පුදුමයිනේ. විනාඩි කීපයක් ඇතුලත කෙටි චිත්‍රපටයකින් ගේන හැඟීම් තොගය!

ඒ විතරක් නෙවෙයි සමාජයට හොඳ, නරක ආදර්ශ දෙන්නත් කෙටි චිත්‍රපටවලට තියෙන්නෙ පුදුම හැකියාවක්. තිර රචකයා අතින් තීරණය වෙන මේ හැම දෙයකම, ඉරියව්වලට නැගෙන මොහොතෙ සුන්දරත්වය දකින්නෙ අධ්‍යක්ෂකවරයා. අන්න ඒකයි ඕනම චිත්‍රපටයක අධ්‍යක්ෂකවරයා ගැන වැඩි කතා බහක් සිද්ධ වෙන්නෙ. හැබැයි ඉතින් නලු නිළියොත් සෑහෙන්න දක්ෂ වෙන්න ඕන. එතකොට තමයි හොඳ නිර්මාණයක් බිහිවෙන්නෙ.

අපේ රටේ චිත්‍රපට ක්ෂේත්‍රය ගැන ලොකු විස්තරයක් කියන්න ඕන නෑනෙ. බ්‍රෑන්ඩ් නිව් චිත්‍රපට බිහිවෙනව සෑහෙන්න අඩුයි. හැරත් කොපි කරන්නෙ බොලිවුඩ් ඒවයින් නිසා රස වින්දනයත් අන්තිම අවුල්. ඉඳල හිටල හරි එක තේරුමක් ඇති චිත්‍රපටයක් ආවත් ඔය ‘සදාචාර’ වචනයක් දාලා ඒක තහනම් කරනව. මොනව කරන්නද ඉතින්.

මේ වගේ කාලයක තමයි ලාංකීය කෙටි චිත්‍රපට ක්ෂේත්‍රය ඇටෙන් පොත්තෙන් එළියට එන්නෙ. එහෙමයි කියල ඒවගෙත් ලොකු වෙනසක් නම් නෑ. තායිලන්ත, චීන, කොරියා වගේ රටවල්වල කෙටි චිත්‍රපට එක්ක සංසන්දනය කරන්න තරම් කොලිටියක් නැති වුනාට ලංකාවෙත් හොඳ නිර්මාණ නැතුවම නෙවෙයි. වැඩේ තියෙන්නෙ අපේ නිර්මාණකරුවන්ට කවුරුත් අත හිත දෙන්නෙ නෑනෙ.

ඔන්න ඔය නිසයි අපි හිතුවෙ යූ ටියුබ් එක පීරල හරි හොඳ කෙටි චිත්‍රපට ටිකක් තෝරගෙන ඔයාලට පෙන්නන්න. ඒක ඒ නිර්මාණ කරුවන්ටත් ලොකු ධෛර්යයක් වේවිනෙ.

එහෙනම් මේ කෙටි චිත්‍රපට ටික බලල හොඳ නරක කියන්නකෝ.

1. යාළුවා

මාධ්‍ය කලා සහ කළමණාකරන පාසලේ කාමින්ද, චින්තක, ඩිල්ෂාන්, යොෂාන් කියන යාලුවො ටික එකතු වෙලා කරපු සුපිරි කෙටි චිත්‍රපටයක්. විශේෂයෙන් කියන්න ඕන මෙයාලගෙ මේ නිර්මාණය පිටිපස්සෙ ලංකාවෙ ප්‍රසිද්ධ චිත්‍රපට නිර්මාණකරුවෙක් වෙන සෙනේෂ් මහත්තයත් ඉඳල තියෙනව.

යාළුවා කෙටි චිත්‍රපටයෙ තියෙන්නෙ සුන්දර කඳුලු කතාවක්. විශ්ව විද්‍යාල වරම් ලබපු ගෑණු ළමයෙක්ට මුණ ගැහෙන අළුත් යාළුවො සෙට් එක නිසා ආශ්‍රයෙන් මිදෙන පරණ යාළුවා… කාලයක් තිස්සෙ තනි රැකපු ඒ යාළුවට මේ ගෑණු ළමයගෙ අතින් සිද්ධ වෙන නොසැලකිල්ල. විනාඩි 7කට සීමා වුනු මේ කෙටි චිත්‍රපටය නම් අනිවාර්යයෙන්ම හිතන්න දෙයක් ඉතුරු කරාවි.

2. අමතක වූ මුතු ඇටය (තාවරි පිරන්ත තරලම්)

රෙඩ් පික්ස් කෙටි චිත්‍රපට ආයතනයත් එක්ක එකතු වෙලා වතීස් වරුණ් හදපු ලස්සන දෙමළ චිත්‍රපයටක්. කතාවෙ තියෙන්නෙ යුද්ධෙ කාලෙ දෙමළ පවුලක සිද්ධ වෙච්ච සිද්ධියක්. හෙලිකොප්ටර් සද්දෙට ‘අම්මේ අම්මේ’ කියාගෙන අම්මා ලඟට දුවගෙන එනන පුංචි කොලු ගැටයට තමන්ගෙ අම්ම නැති වෙන්නෙ යුද්ධෙ නිසා නෙවෙයි, තමන්ගෙ තාත්තා නිසා. දිළිඳු කමයි, නූගත් කමයි නිසා පවුලේ ඇති වෙන ආරවුල්වල අවසානය, තාත්තා සුළු මවක් ගෙදරට කැන්දාගෙන ඒම. ඒත් පොඩි එකාට දරාගන්න බැරි වෙන්නෙ ඒක විතරක්ම නෙවෙයි තමන්ගෙ ආදර අම්මත් වෙන පිරිමියෙක් එක්ක පැනල යාම.

වෙඩි සද්දෙට බයේ, දැන් මං දුව ගෙන එන්නෙ කා ලඟටද අම්මේ…  

3. වැහි වහීවිද

අැස් රතු වෙනකම් කඳුලු උනනකම් ඔහු මග බලන් හිටියා. වෙන දෙයකට නෙවෙයි වැහි වැටෙනකම්. බැරිම තැන ගිහින් වේළුණු පොළව කොටන්න පටන් ගත්තා. වෙන දෙයකට නෙවෙයි මොනව හරි වවා ගන්න. තේරුමක් නෑ. ඔහු අාපහු හැරුණෙ ගෙදර එන්න. ඒත් ගේ ලඟට එද්දි මහා වැස්සක් ඇද හැලෙන්න පටන් ගත්තෙ කුඹුරු විතරක් සරු වෙන්න නෙවෙයි මුලු ජීවිතයම සරු වෙන්න.

ඉස්සරහට ආපු ලියුම් කාරයගෙ අතේ එන්නෙ ඔහුගෙ විශ්ව විද්‍යාල ප්‍රවේශ පත්‍රය.

නිර්මාණය ධනුෂ්ක මධුෂංක සෙනවිරත්නගෙ.

4. බර

රොහාන් සමරසිරි නිර්මාණය කරපු ‘බර’ කෙටි චිත්‍රපටයෙ තියෙන්නෙත් නොහිතන අවසානයක කඳුලක් උනන අපූරු කතාවක්. පිටකොටුවේ මුට්ට කර ගහන මනුස්සයකගේ දවස ගෙවෙන විදිය. උදේ ඉඳන් කිලෝ පනහේ මුට්ට තොග ගණන් කඩේට පටවන ඔහු හවසට තම ආදරණීය දුවට ගෙනියන පුංචි තෑග්ග, ග්‍රෑම් දෙසිය පනහක රතු බූන්දි.

5. මගේ පවුල

පවුල් ආරවුල් මැද තනි වුනු පුංචි දියණියක්, මගේ පවුල මාතෘකාව යටතේ ඇඳපු චිත්‍රයේ ලස්සන! කඳුලු කතාවකටත් වැඩිය මේක ආදර්ශමත් කතාවක්. අම්මගෙයි තාත්තගෙයි සණ්ඩු සරුවල් පොඩි ළමයින්ගෙ මනසට කාවදින විදියත් ඒ දේවල් එයාගෙන් එළියට එන විදියත් හරි ලස්සනට මේ කෙටි චිත්‍රපටයෙ අඩංගු වෙලා තියෙනව.

සිනෙමේනියා ආයතනය නිශ්පාදනය කරපු මේ චිත්‍රපටය අධ්‍යක්ෂණය කෙරෙන්නෙ චන්ද්‍රසිරි අතුකෝරාළ මහත්තය අතින්. තිර රචනය ශෂිනි රුවන්ති ගමගේ මහත්මියගෙන්.

6. හෘද සාක්කි

එච් එම් සසික චතුරංග මේ බෞද්ධ කෙටි චිත්‍රපටය නිර්මාණය කරන්නෙ සම්බුද්ධ ජයන්තිය වෙනුවෙන්. ඒ නිසාමද කොහෙද මේ චිත්‍රපටයෙ තියෙන කතාව හරි ලස්සනට හදවතට වදිනව.

තණ්හාව නිසා තිබිච්ච දේත් නැති කරගත්තු කරුමක්කාරයෙකුයි දනට පිනට ලැදි අහිංසක අන්ධ මනුස්සයෙකුයි  අතරෙ සිද්ධ වෙන අපූරු සිදුවීමක්. අන්ධ මනුස්සයාට ඇදෙන ස්වීප් ටිකට් පත කපටි කමෙන් තමන්ගෙ කර ගන්න ඔහු සල්ලි අරන් ගෙදර එන්නෙ ලොකු දෙගිඩියාවකින්. අනේ දවසක්වත් ගත වෙන්න වුනේ නෑ. හොරු කණ්ඩායමක් ගෙදරටම ඇවිල්ල ඒ සල්ලි අරන් යන්නෙ ගෙදර බිරින්දෑටත් හිංසා පීිඩා කරල. ඒත් අර වයසක අන්ධ මනුස්සය…

කතාව බලලම හිටිය නම් තමයි හොඳ.

7. පරවියා

කඳුලු උනන ආදර කතාවක්. මනුස්සකම දෝර ගලන අහිංසක ගොලු තරුණයෙක්. ආදරයෙන් පැරදිලා බෙල්ලෙ වැල දාගන්න යන තරුණිය ජීවත් වෙන්න හිත හදා ගන්නෙ ඔහු නිසා. ඒත් අන්තිමට, කලින් ආදරවන්තයාගෙ බහට නැවෙන්නෙ ඇයි කියල නම් හිතා ගන්නවත් බෑ.

ඔහු, ගොලු පරවියා. වෘත්තියයෙන් ලියුම් බෙදන්නෙක්. ආදරයෙන් පැරදුණු තරුණියට ලස්සන මතකයන් ගොන්නක් දීලා නොකියාම යන්නෙ කතා කරන්න බැරි නිසාම නම් නෙවෙයි.

“මං යනවා. සතුටින් ඉන්න” මීට,පරවියා.

අධ්‍යක්ෂණය සුධාරක කුමුදු. තිර රචනය ප්‍රසන්න අනුරුද්ධ.

8. දේපළ

මේ කෙටි චිත්‍රපටයෙ නිශ්පාදන තොරතුරු නම් හොයාගන්න බැරි වුනා. ඒත් කතාව හරිම ලස්සනයි. නැති බැරි පවුලක ජීවත් වෙන පුංචි අයිය කෙනෙකුගෙයි නංගි කෙනෙකුගෙයි අහිංසකකම නිසා එයාලා ඉන්න ගෙයයි දෙමාපියනුයි මුදලාලි කෙනෙක්ගෙන් බේරෙන අපූරු කතාවක්. උකස ගෙවා ගන්න බැරුව සින්න වුනු ගෙදර අත ඇරල යන්න ඔන්න මෙන්න තියෙද්දි පුංචි දියණිය ලෙඩ වෙන්නෙ හරිම අවාසනාවන්ත විදියට. ගේ අත ඇරල යනව කියල දැන ගත්තාම ඇය බිත්තිය මුල්ලෙ හංගල තිබුණු පාට කූරු ටික තුරුළු කර ගන්නෙ ඇස් අගට කඳුලු ගංගාවක උරුම කරල.

9. උණු හිනා

හරිම ලස්සන කතාවක්. නිර්මාණය වෙන්නෙ රොහාන් වර්ණකුලසූරිය මහත්තය අතින්. අයිස් දැකල නැති පුංචි නංගිට අයිස් කැටයක් ගෙනියන්න වෙර දරන අපූරු අයියා කෙනෙක්. අනේක දුක් විඳල අයිස් කැටයක් ගෙදර ගෙනියද්දි නංගිට හොඳටම සනීප නෑ. ඒත් අයියා ගෙනාපු අයිස් කැටය දැක්කාම අසනීප කොහෙන් ගියාද නැති නංගි හරිම ආසාවෙන් තමයි ඒක කටේ දාගන්නෙ.

10. චාඕ

ඉල්හාම් හුසේන් අධ්‍යක්ෂණය කරපු චාඕ. කතාවෙ තියෙන්නෙ ඉතාලි යන්න මාළු බෝට්ටුවකට ගොඩවෙන තරුණයො දෙන්නෙක් අත්විඳින අමිහිරි අත් දැකීම් තොගයක්. හරිම ලස්සන කෙටි චිත්‍රපටයක්. හොඳම වැඩේ තමයි ඉස්සෙල්ලම බලල පස්සෙ කතා කරන එක.

හ්ම්ම්…

ඇස් අගට කඳුළු උනන කෙටි චිත්‍රපට ගණනාවක් ගැන කිව්වට අපිට හොයා ගන්න බැරි වුනු, මීට වැඩිය ලස්සන චිත්‍ර පටත් ඇති. ඒ නිසා මතක ඇතුව ඔයාලා දන්න ඒ වගේ ඒවත් අපිට එවන්න. අපි වගේම අපේ යාළුවොත් ආසයිනෙ ඒව බලල රස විඳින්න.

Share on facebook
Share on twitter
Share on whatsapp

Latest.

KAMU.

7 restaurants for kottu in Colombo 2022

By Sawbhagya Perera A good Kottu is an instant mood fixer. Therefore, for the love

Kamu Yamu Guide

Cheesy biriyani at Arthur’s pizzeria.

By RD Their story If you live in and around Mount Lavinia you would have

Kamu Slider

Dig-in desserts from the Gourmet Cuisine

With all this time to spend at home thinking about what's in the fridge since

Kamu Slider

Spanish & French fusion restaurant – Hola Bonjour review

Our cloud kitchen revolves around our chef Lucas Francois, who has years of experience in

Kamu Slider

Your go-to restaurant in Chilaw – Clement’s Chilaw review

By Warsha Dissanayake We visited Clements brand new outlet based in Chilaw towards the evening

Kamu

Holy crepes at Crepe Runner – Bambalapitiya

By Maryam Rizwan No one does crepes as good as Crepe Runner does. Starting from

Kamu

Trending.

‘Ceylon Coffee’ first-ever Sri Lanka Coffee Festival

Stakeholders come together to promote ‘Ceylon Coffee’ at first-ever Sri Lanka Coffee Festival The Australian

Featured Trending

Hilton Colombo Celebrates World Chocolate Cake Day

Café Kai, Hilton Colombo’s pastry shop is highlighting their  best-selling cakes in commemoration of World

Trending

What you didn’t know about NFTs

By Ruchika Seneviratne It is the talk of the town as of now and quite

Trending

THYAGA Smart Gifting Platform Shines at National ICT Awards 2021

26 January 2022, Colombo: Sri Lanka’s largest multistore gift voucher site, Thyaga.lk, received two coveted

Trending

Spilling the tea on the history of chai

 By Rahma Rifkhan As the hot water seeps in through the tea leaves, the aroma

Slider Trending

That time we met Bumblebee at One Galle Face

By Hiruni Herath If you thought the Transformers fandom was dead even before the 2018

Trending

Yamu Guide.

7 restaurants for kottu in Colombo 2022

By Sawbhagya Perera A good Kottu is an instant mood fixer. Therefore, for the love

Kamu Yamu Guide

6 Things You Will Love in Colombo’s Port City

Colombo has seen rapid development in many avenues over the years. One such development that

Slider Yamu Guide

7 Job roles of the future

By Tashia Ranasinghe Trying to have a stable income while doing what you enjoy is

Yamu Guide

5 home appliances you should upgrade to in 2022 

It is the new year and the COVID-19 pandemic seems to be still lurking around,

Slider Yamu Guide

Style 2022 with these 5 items from Mimosa

By MI Welcoming 2022 with style and elegance Mimosa recently located to 20 Bagatalle Road,

Slider Yamu Guide

5 ways SLASH will help you make more out of 2022!

By Warsha Dissanayake Ever wanted to get the maximum use for the products you are

Yamu Guide

සිංහල.

ලොව බිහිසුනුම දාම ඝාතිකාවන් (Woman serial killers) 10 දෙනෙක්

By Yesha Fernando කාන්තාවන් කිව්වම හැමවෙලාවෙම වගේ අපේ ඔලුවේ මැවෙන්නේ හරි සංවේදී, ආදරණීය පිරිසක්. ලෝකයේ

Sinhala

2022 සැමරුම හොඳටම කරපු රටවල් 10 ක්  

By Yesha Fernando මරණය, කුසගින්න, විරැකියාව, ආර්ථික අවපාතය, දේශපාලන අර්බුද යනාදී ගෝලීය දුෂ්කරතා රැසක් මැදින්

Sinhala

හොරු අතරට අලුතින් එක් වූ “ජංගි හොරා”

By Yesha Fernando මෙරට සියලු ආකාර හොරු අතරට එක්වූ අලුත්ම හොරා "ජංගි හොරා" යි. මෙකී

Featured Sinhala

Squid Game අපට කියා දෙන ජීවිත පාඩම් 6 ක්

ත්‍රාසය, ශෝකය, කුතුහලය වගේම මෙයට වඩා තවත් බොහෝ ජීවිත පාඩමුත් Squid Game කථාංග නවයට ඇතුළත්.

Sinhala

පිස්සුම නව අවුරුදු සිරිත් විරිත් 6 ක්

එහෙනම් කට්ටියම තමන්ගේම ක්‍රමේකට 2022 පිළිගන්න ලේස්ති වෙමු.

Sinhala Trending