සීත සෘතුවේ සොබාදහමට තුරුලු වෙන්න! දවසක් ගත කරන්න කියාපු අපූරු වනගත නවාතැන් 8ක්.

නත්තල් නිවාඩුව කිව්වාම ඉතින් අපේ අය දහසක් දේ ප්ලෑන් කරනවනෙ. සමහරු පාර්ටි දානව. සමහරු රට රටවල්වල ඇවිදින්න යනව. ඒ අතරට සමහරු ඔහේ නිකම්ම ඉන්නව. කොහොම වුණත් අපිට සෙට් වෙන අපේම සෙට් එකකුත් ඉන්නවනෙ නත්තල් නිවාඩුවටත් ට්‍රැවල් කරන්නම ප්ලෑන් කරන. අන්න එයාලට අපි කල්පනා කළා පොඩි සපෝට් එකක් දෙන්න.

නිකම් නෙවෙයි, බෝනස් එහෙම හම්බුවෙලා අතමිට ටිකක් සරු වෙච්ච එකේ දවසක් දෙකක් ගත කරල එන්න කියාපු වනබද හෝටල් ටිකක් කියන්න. පවුල් වෙලා ඉන්න අයට නම් ඉතින් වැඩේ ටිකක් ප්ලෑන් කරන්න වෙයි. ඒත් යාළුවොත් එක්ක රවුම් ගහන අයට නම් ඒ හැටි අවුලක් නෑ. හැබැයි මතක ඇතුව දැන්ම බුකින්ග් ටික දාන්න. දාලා, කැලේ කොලේ රවුම් ගහන්න ඕන කරන බඩු මුට්ටු, විශේෂයෙන්ම ඔය කැමරා වගේ දේවල් එහෙමත් ලෑස්ති කරගන්න.

මොකද සීතල වසන්තයෙ, සොබාදහමෙ මැවෙන අපූරු රටා මතක ගොන්නට එකතු කරගන්න එපැයි.

1. Galapita Eco Lodge (Buttala/ 0117 911835)

බුත්තල; ආයෙ අමුතුවෙන් කියන්න ඕන නෑනෙ. අලි විමානෙ. මේ ලස්සන ඉකෝ ලොජ් එක පිහිටල තියෙන්නෙත් ඒ අලි විමානෙ මැද්දෙ. හැබැයි සෑහෙන්න ආරක්ෂිතයි. කොහොම වුණත් මැටියෙන් හදපු මේ බිම් පැලේ දවසක් ගෙවනව කියන්නෙ ඇත්තටම නියම අත්දැකීමක්. හොඳට මිරිස්, තුනපහ දාලා හදපු රස කෑම වේලක් එහෙමත් රස බලන්න පුළුවන්. විශේෂයෙන්ම මස් ජාති, වැව් මාළු එහෙම. ඒ හැරුණාම ඉතින්, හැන්දෑ ජාමෙට කෑම්ප් ෆයර් එකක් එහෙමත් දැම්මහැකි.

2. Mountain Villa (Riverstone/ 072 2229696)

හීතලේ ඉන්න කියාපු හෝටල්. සුවපහසුව නම් එහෙමයි, විව් එක නම් එහෙමයි. සොබාව සෞන්දර්යයෙනුත් අනූනයි. මේක තනිකර කළු ගලින් හදපු හෝටලයක්. හැබැයි ජනෙල්, උළුවහු, සීලිම් තියල තියෙන්නෙ ලී වලින්. වටේටම කඳු පන්ති වලින් වටවුණු මේ හෝටලය පාමුලින් පුංචි දිය පාරකුත් ගලාගෙන යන නිසා නා කියාගන්න, ජල ක්‍රීඩා කරන වැඩ වලටත් හරිම ලේසියි. කට්ටිය කියන විදියට මෙතන කෑම බීම නම් තරමක් හොඳයිලු. හැබැයි සර්විස් එක ගැන ලොකු තක්සේරුවක් නෑ. 

3. Seyana Eco Lodge (Lankagama/ 077 1518019)

සිංහරාජ වන පියසෙ තියෙන සුන්දරත්වය, වැඩි හරියක්ම මේ දවස්වල කුරුල්ලො බලන්න එහෙම නම් කියාපු. අනික දෙපා, සීපා වගේම සර්පයොත් සෑහෙන්න ඉන්නවනෙ. ඒ නිසා, මේ පැත්තෙ ලස්සන බලනව වගේම රිසර්ච් වැඩකට යන එකත් සෑහෙන්න හොඳයි. හැබැයි ඒ කොහොම ගියත්, නවාතැන් ගන්න යන්න නෙළුව, ලංකාගම සෙයානා ඉකෝ ලොජ් එකට. ගිං ගඟ අයිනෙ, බ්‍රාහ්මණ ඇල්ල පෙනෙන නොපෙනෙන මානයෙ, මැටියෙන් හැදුව වගේ තියෙන හරි අපූරු තැනක්. උළුවහු, දොර ජනෙල් වගේම වහලයත් ලීයෙන් හදල නිසා රස්නයක් නම් දැනෙන්නෙම නැති ගානයි. අනික ගමේ කෑම ටිකක් රස බලන්න, හැන්දෑවට ගිනිමැල පාටියක් දාන්නත් මරු ප්ලේස් එක. 

4. Plummy Dale Moated Cabana (Tissamaharamaya/ 071 974 6330)

තිස්ස, මහසෙන්පුර, යෝධ වැව් ඉස්මත්තෙ ඉදිකරල තියෙන ප්ලමි ඩේල් කබානා ටිකත් සුපිරි වයිල්ඩ් අත්දැකීමකට නියමයි. ඒක ලී තට්ටුවක් උඩ ගහපු ලොකු ටෙන්ට් එකක්. පිදුරු වහලයකින් හෙවණ වෙලා, වට පිටාවෙ ගස් කොළන්, සතා සීපාවගෙන් හැඩ වෙලා තමයි තියෙන්නෙ! ඝන කැලේ, අලි විමානෙ, රැයක් ගත කරන්න, ඉර බැහැගෙන යන හැන්දෑවක, ගිනිමැල බාබකියු පාර්ටියක් දාලා විනෝද වෙන්න වගේම උදෙන්ම නැගිට්ටොත් සෆාරි යන්නත් මෙතනට යන ඔයාලට පුළුවන්. ඒ හැරුණාම ඉතින් කෑම බීම ටිකත් ටොප් එකටම තියෙන නිසා බය වෙන්න දෙයක් අවුලක් නෑ. 

5. Meena Ella Cottage (Hakgala/ 077 4171117)

නුවර එළිය, සීතාඑළිය පාරෙ හක්ගල උද්‍යානය කිට්ටුව තමයි මේ ලස්සන කොටේජ් එක පිහිටල තියෙන්නෙ. මේකෙත් ඇතුළත නිර්මාණකරණය එහෙම පිටින්ම ලී. අපූරු උද්‍යානයක් එහෙමත් තියෙනව. හොට් වෝටර් වගේ පහසුකම් එහෙමත් තියෙන නිසා සීතල දේශගුණයට බයවෙන්න ඕනත් නෑ. දවල් තිස්සෙ වට පිටාවෙ ඇවිදල, කටට සැරට, උණුඋණුවෙ කෑම ටිකක් කාලා…, හැන්දෑවට පොඩි ෂොට් එකක් එහෙම දාන්න ලෑස්ති කර ගත්ත නම් සුපිරි ෆන් එකක් ගන්න පුළුවන්. 

6. The Tea Cottages Resort & Spa (Nawalapitiya/ 0545 700 700)

පට්ට ලස්සන හෝටලයක්. පිහිටල තියෙන්නෙ නාවලපිටියෙ, හරියටම දිඹුල-නාවලපිටිය පාරෙ ග්‍රීන්වුඩ් වතු යායෙ. මේකත් ලී වලින් තමයි හදල තියන්නෙ. වතු යායක් මැද්දෙ වුණාට කැලෑ ගතිය එහෙම හොඳ හැටි තියෙන නිසා, සතා සීපාවා කුරුලු කොබෙයියන්ගෙනුත් අඩුවක් නෑ. හැරත් හිමිදිරි හිරු කිරණ ගස් අතරින් ඇවිල්ල හෝටලේ බැල්කනිය එළිය කරද්දි හරිම ලස්සනයි. පුංචි ලස්සන පූල් එකක් එහෙමත් ටී කොටේජ් එකේ තියෙනව. කෑම බීම එහෙමත් සෑහෙන්න හොඳයි. වැඩි හරියක්ම, හිතේ හැටියට ඇවිදින්න කරන්න, විනෝද වෙන්න, කඳු නගින්න එහෙමත් මේ පැත්තෙ තියෙන නිසා තනියම ආවත් පාඩු නැති ගමනක්.

7. Taylors Hill (Delthota/ 0817 201 115)

මේක තියෙන්නෙ නුවර. ගලහ, දෙල්තොට පට්ටියගම වතු යායෙ. ටේලර්ස් හිල් කිව්වාම ගොඩ දෙනෙක් දන්නවත් ඇති. තනිකරම කළු ගල්වලින් හදපු ලස්සන බංගලාවක්. සුව පහසුව අතිනුත් සෑහෙන්න හොඳයි. අපූරු පූල් එකක් එහෙමත් තියෙනව. ඒ වගේම තමයි කෑම බීම, බයිට්වල එහෙමත් රස මරු.

මේ අවට වතු යායත් හරිම ලස්සනයි. ඈතට යනකම්ම නිම්නය වගේ පිහිටල තියෙන නිසා උදේ පාන්දරින්ම නැගිට්ට නම්, ලස්සන කැලෑ තලයක ආශ්වාදය හිතේ හැටියට විඳ ගන්න පුළුවන්. කුරුලු කොබෙයියන්ගෙ කීචි බීචියෙන් වගේම ලස්සන සමනල්ලුන්ගෙනුත් වට පිටාව පිරිලා ගිහින්. ඇවිදින්න කරන්න, බයිසිකල් පදින්න යන්න එහෙමත් තැන් සෑහෙන්න තියෙනව. වැඩේ කියන්නෙ මෙයාලගෙ ගණන් හිලව් හොයා ගන්න බැරි වුණ එක තමයි. පොඩ්ඩක්, දන්න කෙනෙක් ඉන්නව නම් අපිටත් කියන්න හොඳ්.

8. Nature Village (Matugama/ 077 757 1460)

මේ කොටේජ් එක නම් පිහිටල තියෙන්නෙ එහෙම පිටින්ම කැලේ ඇතුළෙ. මතුගම, පන්නිල-හල්වල පාරෙ, ලොකු තේ වත්තක් මැද්දෙ. උස අට්ටාල හදල ඒවයෙ ඇඳන්, පුටු මේස දාලා, කළුගල් වලින් බිම් කාමර හදල ඒවයෙ පොල් අතු හෙවිලි කරලා, හරිම ලස්සනයි. විශේෂයෙන්ම කියන්න ඕන මේ හැම කාමරයක්ම පරිසරයට නිරාවරණය වෙන නිසා කැලෑ ගතිය හොඳ හැටි ඇඟට දැනෙනව. වෙන මොනව නැතත් ගමේ රහට කෑම ටිකක් කන්නයි, රෑ ජාමෙට ගිනි මැලයක් ගහගෙන විනෝද වෙන්නයි නම් නේචර් විලේජ් කියාපු තැන.

ඒ හැරුණාම ඉතින් තව ඔය වගේ වනගත හෝටල් තියෙනව. ඒත් ඒවයෙ ගාණ වැඩියිනෙ. හෙට අනිද්දම තවත් ජන්ගල් වැඩ ටිකකට කියාපු පොඩි පොඩි තැන් ටිකක් අපි ඔයාලට කියන්නම්කො. නත්තල් නිවාඩුවෙ නැතත් වෙලාවක් අල්ලල යන්න බැරියැ!

Share on facebook
Share on twitter
Share on whatsapp

Latest.

KAMU.

Spanish & French fusion restaurant – Hola Bonjour review

Our cloud kitchen revolves around our chef Lucas Francois, who has years of experience in

Kamu Slider

Your go-to restaurant in Chilaw – Clement’s Chilaw review

By Warsha Dissanayake We visited Clements brand new outlet based in Chilaw towards the evening

Kamu

Holy crepes at Crepe Runner – Bambalapitiya

By Maryam Rizwan No one does crepes as good as Crepe Runner does. Starting from

Kamu

Don’t chai this at home – Karak review

By Warsha Dissanayake Looking for some downtime?Is it time to take a break off of

Kamu

Nutella-filled goodness at Crepeholics

Crepeholics located in the middle of Mount Lavinia is packed with a variety of crepes

Kamu

Kailasa Street Food Cafe

This place is long overdue and something Colombo needed so bad. Kailasa street food, serving

Kamu

Trending.

70th anniversary Diplomatic Relations between Sri Lanka and Japan

In commemoration of the 70th anniversary of the establishment of diplomatic relations between Sri Lanka

Trending

Suriya’s Jai Bhim wins five awards at Studioflicks Film Awards 2021

By MR The Tamil film industry has turned the global spotlights in 2021 for releasing

Trending

5 BlackBerry models we will miss

By Ruchika Seneviratne It truly is an end of an era as BlackBerry has announced

Slider Trending

Elephant House – Feel Good Range

We all grew up eating Elephant House ice cream, whether it was to wrap up

Trending

CINNAMON BENTOTA BEACH HOSTS CLASSIC CAR RUN

Cinnamon Bentota Beach added a vintage touch to its award-winning art and architecture during the ‘Classic Car Run’ recently.

Trending

Yamu Guide.

5 home appliances you should upgrade to in 2022 

It is the new year and the COVID-19 pandemic seems to be still lurking around,

Slider Yamu Guide

Style 2022 with these 5 items from Mimosa

By MI Welcoming 2022 with style and elegance Mimosa recently located to 20 Bagatalle Road,

Slider Yamu Guide

5 ways SLASH will help you make more out of 2022!

By Warsha Dissanayake Ever wanted to get the maximum use for the products you are

Yamu Guide

Ten of the Richest Men in the World

By Rahma Rifkhan Custom-designed suits, extravagant cars, luxurious mansions, global fame and a net-worth of

Slider Yamu Guide

9 NGOs and Youth Movements to join in 2022

By Hiruni Herath NGOs have somewhat of a bad reputation in Sri Lanka and Youth

Slider Yamu Guide

New shopping experience at the Keells on Lauries Road

Keells is reinventing your shopping experience in the best way possible. Because of the pandemic,

Yamu Guide

සිංහල.

ලොව බිහිසුනුම දාම ඝාතිකාවන් (Woman serial killers) 10 දෙනෙක්

By Yesha Fernando කාන්තාවන් කිව්වම හැමවෙලාවෙම වගේ අපේ ඔලුවේ මැවෙන්නේ හරි සංවේදී, ආදරණීය පිරිසක්. ලෝකයේ

Sinhala

2022 සැමරුම හොඳටම කරපු රටවල් 10 ක්  

By Yesha Fernando මරණය, කුසගින්න, විරැකියාව, ආර්ථික අවපාතය, දේශපාලන අර්බුද යනාදී ගෝලීය දුෂ්කරතා රැසක් මැදින්

Sinhala

හොරු අතරට අලුතින් එක් වූ “ජංගි හොරා”

By Yesha Fernando මෙරට සියලු ආකාර හොරු අතරට එක්වූ අලුත්ම හොරා "ජංගි හොරා" යි. මෙකී

Featured Sinhala

Squid Game අපට කියා දෙන ජීවිත පාඩම් 6 ක්

ත්‍රාසය, ශෝකය, කුතුහලය වගේම මෙයට වඩා තවත් බොහෝ ජීවිත පාඩමුත් Squid Game කථාංග නවයට ඇතුළත්.

Sinhala

පිස්සුම නව අවුරුදු සිරිත් විරිත් 6 ක්

එහෙනම් කට්ටියම තමන්ගේම ක්‍රමේකට 2022 පිළිගන්න ලේස්ති වෙමු.

Sinhala Trending