විභාග ෆේල් වන්නෝ භාග්‍යවන්තයෝ ය.

ගිය සතියේ උසස් පෙළ ප්‍රතිඵල ආවා. සමහරු විභාගේ ඉහළින් පාස්; සමහරු ළාවට පාස්. සමහරු ෆේල්. එහෙම තමයි ඉතිං විභාග වුණාම. හැමෝම පාස් වෙන්න නම් විභාග ඕන නෑනේ.

ඉතිං ප්‍රතිඵල අවුල් කියලා අවුල් වෙලා ඉන්න අයටයි මේ කියන්නේ. දුක්වෙන්න එපා, විභාග ෆේල් වුණ නිසාම ගොඩගිය අය ගොඩක් ඉන්නවා. හිතාගන්න අමාරුයි නේද? කියවලම බලන්නකෝ.

අයිස්න්ටයිනුත් විභාගේ ෆේල්

වයස 17 දී අයින්ස්ටයින් ස්විස් ෆෙඩරල් පොලිටෙක්නික් ස්කූල් එකට ඇතුලත්වීමේ විභාගෙට ලීවා. විද්‍යාව, ගණිතය වගේ විෂයන් එයා ඉහළින් පාස් වුණත් ඉතිහාසය, භූගෝලය, ප්‍රංශ භාෂාව වගේ විෂයන් ඔක්කොම ෆේල්! අයින්ස්ටයින් විතරක් නෙවෙයි, වින්ස්ටන් චර්චිල්, හෙන්රි ෆෝඩ්, රිචඩ් බ්‍රැන්සන් වගේ ලෝක ප්‍රසිද්ධ වුණු ගොඩදෙනෙක් ඉන්නවා විභාග ෆේල් වුණු, ඉස්කෝලේ මගින් හැලුණු අය. විභාගේ ෆේල් කියන්නෙ ජීවිතේ ෆේල් කියන එක නෙවෙයි.

එක දොරක් වැහෙන්න ඕන තව දොරක් ඇරෙන්න

ඇත්තට ම ලංකාවේ දැන් තියෙන අධ්‍යාපන ක්‍රමයේ හැටියට සමහර විෂය ධාරාවලින් කැම්පස් ගිහින් අවුරුදු ගාණක් කට්ටකාලා ඩිග්රියක් ගන්න එක තේරුමක් තියෙනවද කියන එකත් ප්‍රශ්නයක්. ඒත් ඉතිං ‘ඒ’ 3ක් වගේ එක්ක ඉහළින් විභාගේ පාස් වෙලත් කැම්පස් නොගිහින් ඉන්න තීරණය කරන එක නිකං මොකක්ද මොකක්ද වගේ නේ. ඔයා තීරණයක් ගත්තත් අම්මලා තාත්තලා සහ නෑදෑයොන්ගෙන් බේරිලා ඉන්න එක ලේසි නෑ. ඉතිං ඔයාට කැම්පස් යන්න ලකුණු මදි නම් මේ ප්‍රශ්න මුකුත් නෑ; ගොඩයන්න පුළුවන් කියලා ඔයාට හිතෙන පැත්තට යන්න පටන්ගන්න පුළුවන්. කාලෙත් ඉතුරුයි, සල්ලිත් ඉතුරුයි.

පාර හරිද?

වළකට වැටෙන එක මොළේට හොඳයි කියල පරණ කතාවක් තියෙනවනේ. සමහර විට පාර මැද තියෙන තඩි වළට පිං සිද්ධ වෙන්න තමයි තේරෙන්නෙ මේ ඇවිත් තියෙන්නෙ වැරදි පාරෙ කියලා. ලංකාවේ දෙමාපියෝ වැඩිදෙනකුට තියෙන ඉන්ජිනේරු-දොස්තර හීනය, නැත්නම් වෙනත් බලකිරීම් උඩ සමහර විට ඔයා මෙච්චර කල් ට්‍රයි කරලා තියෙන්නෙ ඔයාට හරියන්නෙ නැති විෂය ක්ෂේත්‍රයක් වෙන්න පුළුවන්. ඉතිං මේක හොඳ චාන්ස් එකක්; ඔයා ඇත්තටම දක්ෂ, ඇත්තට ම ආසා මේ විෂයටද කියල ආපහු හිතලා බලන්න. තාම පරක්කු වැඩි නෑ. ඔයාට හරියන පාර දැන්වත් තෝරාගත්තොත් ඊළග අවුරුද්දේ ගොඩයන්න පුළුවන්.

සුදුස්සාට සුදුසු තැන

මේකත් කලින් කියපු එකට ටිකක් සම්බන්ධයි. හිතන්න, ජීව විද්‍යාව කියන්නෙ ඔයාට පෙන්නන්න බැරි එපා කරපු විෂයක් වුණත් අම්මලාගේ බලකිරීමට කොහොම හරි පාඩම් කරලා කැම්පස් ගිහින් ඔයා දොස්තර කෙනෙක් වුණා කියලා. අන්තිමේ අපට ඉතුරුවෙන්නෙ තමන් කරන දේට ආසා නැති, තමන්ගේ මුළු ජීවිත කාලෙම අප්පිරියාවෙන් තමන්ගේ රස්සාව කරන දොස්තර කෙනෙක්. ඉතිං එයාගේ ජීවිතේ වගේ ම එයාගෙන් බොහෙත් ගන්න අයගේ ජිවිතත් අපරාදේ. ලංකාවේ මෙඩිකල් කොලේජ් එකට තේරෙනවා කියන එක පට්ට අමාරු වැඩක් නේ. ඉතිං ඔයාට සතුටුවෙන්න පුළුවන් අකැමැත්තෙන් මේක කරපු ඔයා වෙනුවට මේ විෂයට ආසා කෙනෙක්ට ඒ අවස්ථාව ලැබුණු එක ගැන. ජීව විද්‍යාව විතරක් නෙවෙයි, අනිත් විෂයන්ටත් මේක මේ විදියට ම අදාළයි.

 

තාරාවෙක් වගේ නෙවෙයිද? කවුද දන්නේ, ඔයා හංසයෙක් වෙන්න පුළුවන්

අපේ (විතරක් නෙවෙයි, ගොඩක් රටවල) අධ්‍යාපන ක්‍රමය හැදිලා තියෙන්නෙ එක රාමුවකට මිනිස්සු හැඩගස්වන්න. සමහර විට ඔයා ඒ රාමුවට ෆිට් වෙන්නෙ නැත්තෙ ඔයා අනිත් අයට වඩා වෙනස් නිසා වෙන්න පුළුවන්. ස්ටීව් ජොබ්ගේ ඇපල් අැඩ් එකේ කියන විදියට මේ විදියට සිස්ටම් එකට ගැලපෙන්නෙ නැති අමුතු මිනිස්සු තමයි ලෝකය වෙනස් කරන්නේ. අර පොඩි කාලේ අහපු කැත තාරා පැටියගේ කතාව මතකද? පොඩි කාලෙ දි අනිත් තාරා පැටවුන්ට වඩා කැත වුණාට මොකද, පස්සෙ ලොකුවෙලා බලද්දි උෟ හංසයෙක්!

දන්නව වැඩිද?

ගොඩක් වෙලාවට අම්මලා තාත්තලා ළමයින්ට බනිනවා එයාලා “දන්නවා වැඩි” නිසා තමයි හැමදේම ඇනගන්නෙ කියලා. නෝන්ඩියට වගේ කීවට මොකද මේක සමහර විට ඇත්තක් වෙන්නත් පුළුවන්. කෙනෙක් දන්නව වැඩියි කියන්නෙ කොහෙත් ම නරක දෙයක් නෙවෙයි. හැබැයි ඉස්කෝලේ උගන්වන යල්පැන ගියපු දේවල්වලට වඩා අලුත්, වෙනස් දේවල් දන්න අය ඒවා විභාගවලට ලියන්න ගියොත් ගොඩක් වෙලාවට ප්‍රතිඵලේ එච්චර හොඳ වෙන එකක් නෑ. අනිත් අතට කොච්චර ට්‍රයි කළත් සමහර වෙලාවට ඇත්ත දැන දැන බොරු ලියන්න ටිකක් අමාරුයිනේ. විශේෂයෙන් ඉතිහාසය, දේශපාලන විද්‍යාව වගේ සමාජයීය විද්‍යා විෂයයන් කරන අයට තමයි මේ ප්‍රශ්නේ දරුණුවට ම බලපාන්නේ. හැබැයි ඉතිං විභාග ලකුණු පටිපාටියට අනුව වැරදි වුණාට ඇත්ත ලෝකෙ දි ඔයාගේ මේ වෙනස්, අලුත් දැනුම ගොඩක් වටිනවා.

වැටුණත් නැගිටිමු වැටිවැටි නැගිටිමු

ඉගෙනගන්නවා කියන්නෙ ඉස්කෝලෙ උගන්වන විෂයන් ටික විතරක් නෙවෙයි; ජිවිතේ හැම දේකින් ම අපි දෙයක් ඉගනෙගන්නවා. පරාජයන්, ඇදවැටීම්, අසමත්වීම් දරාගන්න ඉගෙනගන්නවා කියන්නෙත් ජිවිතේ වැදගත් පාඩමක්. ෆේල් වෙලා පුරුදු නැති කෙනෙක්ට කොයි වෙලාවක හරි වගේ පරාජයකට මුහුණදෙන්න වුණොත් එයා හොඳටම වැටෙන්න පුළුවන්. ඒත් වැටිවැටී නැගිටපු අය දන්නවා කොච්චර වැටුණත් ආපහු නැගිටින විදිය. ඒක ජීවිතේට ගොඩක් වැදගත්.

මොන වගේ මී හරකෙක් වුනත් මේ වගේ මී හරකෙක්නම් වෙන්න එපා.https://t.co/uRYBlXdeUr

— Sudaraka Kalidasa (@ssudaraka) January 7, 2017

ආයෙත් වරක්…

එකම ගඟට දෙපාරක් බහින්න බෑ කියන කතාව බොරු කියල හිතන්නෙ පුළුවන් ලංකාවේ ඉස්කෝලෙක හරි කැම්පස් එකක හරි එකම පන්තියේ දෙපාරක් ඉගෙනගන්න කෙනෙකුට. දැන් ඔය ෆේල් වුණු ගොඩක් අය ඊළග අවුරුද්දෙත් විභාගේ කරනවා ඇතිනේ. ඉහින් බලන්නනෝ ක්ල්ස්වලට එහෙම. එකම නෝට් එක, එකම වාක්‍ය, එකම වචන විතරක් නෙවෙයි, සමහර විට අතරින් පතර ක්ලාස්වල සර්ලා කරන ජෝක් පවා ගිය අවුරුද්දේ ඒවාමයි, පොඩ්ඩක්වත් වෙනස් වෙලා නෑ. ඉතිං මේ දේවල් දිහා ටිකක් විවෘත ව බැලුවොත් මේ විභාග කේන්ද්‍රීය අධ්‍යාපන ක්‍රමය කොච්චර බොරුවක්ද කියලා අත්දැකීමෙන් ම තේරුම්ගන්න වගේ ම, කළින් පාර ක්ලාස් ගිය ගුරුවරයා මේ පාරත් මෝඩ ජොක් දාළා වැඩේ අල කරන්න යනව වගේ තේරෙනව නම් කල් ඇතුවම ඒක තේරුම් අරන් එයාට වඩා හොඳ ගුරුවරයෙක් හොයගන්නත් මේ ‘සෙකන්ඩ් චාන්ස්’ එක පාවිච්චි කරන්න පුළුවන්.

විභාග කියන්නෙ ජීවිතේ නෙවෙයි. ඇත්තට ම විභාග විතරක් නෙවෙයි ඉස්කෝලේ දි අපට හරි වැදගත් කියල උගන්වන දේවලුත් වැඩි හරියක් මෙලෝ වැඩකට ඇති දේවල් නෙවෙයි කියල ඔයාලට තේරෙයි තව අවුරුදු 10-15ක් ජීවත්වෙද්දි. ඒ ලෙවෙල් වගේ විභාගයක් පාස් කියලා කඩදාසි කොළයක් තියෙන එක වැදගත් වෙනවා තමයි. හැබැයි අපි ගොඩදෙනක් මැරීගෙන පාඩම් කරලා විභාගේ ලියලා පහුවදාට ඇහුවොත් පාඩම් කරපු මෙලෝ දෙයක් මතක නෑ. ඔන්න ඔකයි තත්ත්වේ. ඉතිං ඕක තේරුම්ගත්ත නම් විභාග මත්තේ නැහිලා ප්‍රතිඵල  ආවාම අඬන්නෙ දොඩන්නෙ නැතුව විගාගේ ඇතුව හෝ නැතුව ජීවිතේ ගොඩයන එක එච්චර අමාරු නෑ.

 

Cover Photo: sabithl.blogspot.com

Share on facebook
Share on twitter
Share on whatsapp

Highlights.

Latest.

KAMU.

Indulge in the North Indian themed ‘Delhi Bound’ at Harbour Court, The Kingsbury.

Ambience This restaurant offers a sophisticated yet warm ambience, with soft lighting. The bright colored

Highlights Kamu

Caterers for your events 2024

Written by Fathima Rukaiya, When planning an event, finding the perfect catering spot can be

Highlights Kamu

Top Burger Joints of 2024

Written by Fathima Rukaiya, Who doesn't adore a juicy, mouthwatering burger? But finding the ideal

Highlights Kamu

Ramada Colombo: Break Your Fast in Style with a Luxurious Iftar

Written by Shamrina CIt’s that holy month of the year again for all Muslims around

Highlights Kamu

A blissful evening at The Sheraton Colombo

https://www.tiktok.com/@yamusrilanka/video/7350182026114338050 Nestled in the heart of Colombo, the Sheraton Colombo hotel epitomizes luxury and sophistication.

Highlights Kamu

Iftar delights at The Banyan, Heritance Negombo

Iftar delights at The Banyan, Heritance Negombo Written by Fathima Rukaiya, Mad Dogs Bodega, Banyan

Highlights Kamu

Trending.

Introducing ‘Forever Starts Here’—the Wedding Campaign Brought to you by Hilton Hotels in Sri Lanka.

Seize the moment and say 'I do' to selected wedding packages before the end of

Trending

Handheld Achieves Significant Gaming Performance Improvements Through New BIOS and GPU Drivers

Up to 150% increase in gaming performance The gaming performance of the Claw significantly improved

Trending

RTC Magic Million Cup promises racing excitement

The Magic Million Cup 2024, hosted by RTC Nuwara Eliya, and powered by HPSL is

Trending

Layards Wharf by Food Studio opens its doors with exclusive dining experience for guests

Food Studio proudly introduces its third food court at Havelock City Mall, offering a distinctive

Trending

Royal Turf Club Nuwara Eliya Governor’s Cup showcased exciting wins

The hills of Nuwara Eliya came alive to the cheers as jockeys vied for winning

Trending

Hayleys Leisure Training Academy Celebrates Its Second Graduation Ceremony at Amaya Lake, Dambulla

The Hayleys Leisure Training Academy, a pioneering initiative by Hayleys Leisure, held its second graduation

Trending

Yamu Guide.

Celebrate Mother’s Day with Shirohana

by Fathima Rukaiya, Mother's Day, a special occasion to honor mothers and motherhood, is celebrated

Highlights Yamu Guide

Steak Bar: A Grand Sunday Brunch at Kingsbury, Colombo

Written by Shamrina C Welcome to the ultimate brunch experience! Nestled in the heart of

Highlights Kamu Yamu Guide

9 Special Valentine’s Day Gift Ideas for Him

By Fathima Rukaiya Are you trying to find the perfect way to show your special

Highlights Yamu Guide

9 Special Valentine’s Day Gift Ideas for Her

Written by Fathima Rukaiya The season of love is upon us once more, and opinions

Highlights Yamu Guide

Romantic Dinner and High Tea date spots for Valentine’s Day  2024

Written by Shamrina C 1. Via Torino Indulge in a fine dining exclusive 3-Course meal

Highlights Yamu Guide

BYOB Bliss: 16 Places to you can Bring Your Own Bottle!

Written by Shamrina C 1. Giovannis Indulge in Italian flavors, grooving music, pet friendly, and

Highlights Yamu Guide